ଅଭିନେତା ନା ରାଜନେତା, କାହାକୁ ବିବାହ କରିବେ କଙ୍ଗନା?

ନୂଆଦିଲ୍ଲୀ: ହିମାଚଳ ପ୍ରଦେଶର ମାଣ୍ଡି ଲୋକସଭା ଆସନରୁ ସାଂସଦ ତଥା ଅଭିନେତ୍ରୀ କଙ୍ଗନା ରାନାୱତ ଆଜିକାଲି ତାଙ୍କ ଚଳଚ୍ଚିତ୍ର ଏମର୍ଜେନ୍ସିକୁ ନେଇ ଚର୍ଚ୍ଚାରେ ଅଛନ୍ତି। ତେବେ ଗତ କିଛି ଦିନ ହେବ କୃଷକ ଆନ୍ଦୋଳନ ସମ୍ପର୍କରେ ତାଙ୍କ ବିବୃତ୍ତି ପାଇଁ ବିରୋଧୀଦଳ ମଧ୍ୟ ତାଙ୍କୁ ଟାର୍ଗେଟ କରୁଛନ୍ତି। ଏହି ସମୟରେ, ତାଙ୍କ ବିବାହକୁ ନେଇ କଙ୍ଗନା କହିଛନ୍ତି ଯେ ଯେତେବେଳେ ବି ସେ ସମ୍ପର୍କକୁ ଆଗକୁ ନେବାକୁ ଯାଉଥିଲେ, ସେତେବେଳେ ତାଙ୍କୁ କିଛି ନା କିଛି ସମସ୍ୟାର ସାମ୍ନା କରିବାକୁ ପଡିଥିଲା ।

ଆପଣ ଏହାକୁ ବି ପଢିପାରିବେ: ରଣବୀରଙ୍କୁ ଦୁଷ୍କର୍ମକାରୀ ଓ ଦୀପିକାଙ୍କୁ ପାଗଳ କହିଲେ କଙ୍ଗନା !

ବିଜେପି ସାଂସଦ ତଥା ଅଭିନେତ୍ରୀ କଙ୍ଗନା ରାନାୱତ ଇଣ୍ଡିଆ ଟିଭିର କାର୍ଯ୍ୟକ୍ରମ ଆପ କି ଅଦାଲତରେ ତାଙ୍କ ବିବାହ ବିଷୟରେ ଏକ ବିବୃତ୍ତି ଦେଇଛନ୍ତି। ତାଙ୍କ ଚାରିପାଖରେ ଥିବା ନକାରାତ୍ମକ ପ୍ରଚାର ତାଙ୍କ ବିବାହକୁ କିପରି ପ୍ରଭାବିତ କଲା ବୋଲି ସେ କହିଛନ୍ତି। ଏହି କାର୍ଯ୍ୟକ୍ରମରେ ଜଣେ ଦର୍ଶକ କଙ୍ଗନାଙ୍କୁ ପଚାରିଥିଲେ ଯେ ସେ ଜଣେ ରାଜନେତା କିମ୍ବା ଅଭିନେତାଙ୍କୁ ବିବାହ କରିବାକୁ ଚାହୁଁଛନ୍ତି କି? ଏହାର ଜବାବରେ ବିଜେପି ସାଂସଦ କହିଛନ୍ତି, ବିବାହ ବିଷୟରେ ମୋର ବହୁତ ଭଲ ମତ ଅଛି ଏବଂ ମୁଁ ଭାବୁଛି ସମସ୍ତଙ୍କୁ ସାଥୀ ଦରକାର |

ଆପଣ ଏହାକୁ ବି ପଢିପାରିବେ: ୧୩ବର୍ଷ ପରେ କଙ୍ଗନାଙ୍କୁ ସାମ୍ନାରେ ଦେଖିବା ପ‌ରେ ଚିରାଗ କହିଥିଲେ ଏଭଳି କଥା

ବିଜେପି ସାଂସଦ କଙ୍ଗନା ରାନାୱତ ତାଙ୍କ ବିବାହ ବିଷୟରେ କହିଛନ୍ତି, "ଲୋକମାନେ ମୋତେ ଏତେ ବଦନାମ କରିଛନ୍ତି ଓ ମୋ ନାମରେ ଏତେଗୁଡ଼ିଏ କୋର୍ଟ ମାମଲା ଅଛି ଯେ ଯେତେବେଳେ ବି ବିବାହ ବିଷୟରେ କଥାବାର୍ତ୍ତା ଆରମ୍ଭ ହୁଏ, ପୁଲିସ ମୋ ଘରକୁ ଆସେ, ଘରକୁ ସମନ ଆସେ | ଏହି ସମୟରେ, କଙ୍ଗନା ରାନାୱତ, ପୁରୁଣା କାହାଣୀକୁ ମନେ ପକାଇ କହିଥିଲେ, ଥରେ ମୋର ଭବିଷ୍ୟତର ଶାଶୁ ଏବଂ ଶ୍ୱଶୁର ମଧ୍ୟ ମୋ ଘରକୁ ଆସିଥିଲେ ଏବଂ ସମନ ଆସିଲା |

ଆପଣ ଏହାକୁ ବି ପଢିପାରିବେ: କଙ୍ଗନାଙ୍କୁ ବିଜେପିର ଚେତାବନୀ ପରେ କେନ୍ଦ୍ରମନ୍ତ୍ରୀଙ୍କ ପ୍ରତିକ୍ରିୟା

ଉଲ୍ଲେଖ ଥାଉ କି ବଲିଉଡ ଅଭିନେତ୍ରୀ କଙ୍ଗନା ରାନାୱତ ତାଙ୍କର ପରବର୍ତ୍ତୀ ଚଳଚ୍ଚିତ୍ର 'ଏମେର୍ଜେନ୍ସି' ରିଲିଜ ପାଇଁ ଲାଗିପଡିଛନ୍ତି । ସେ ଏହି ଚଳଚ୍ଚିତ୍ରରେ ସ୍ୱର୍ଗତ ପ୍ରଧାନମନ୍ତ୍ରୀ ଇନ୍ଦିରା ଗାନ୍ଧୀଙ୍କ ଭୂମିକାରେ ଅଭିନୟ କରୁଛନ୍ତି। ଏଥିରେ ଅନୁପମ ଖେର, ମହିମା ଚୌଧୁରୀ, ମିଲିନ୍ଦ ସୋମନ, ଶ୍ରେୟାସ ତଲପଡେ, ବିଶାକ ନାୟାର ଏବଂ ସ୍ୱର୍ଗତ ସତୀଶ କୌଶିକଙ୍କ ଭଳି ଅଭିନେତା ମୁଖ୍ୟ ଭୂମିକାରେ ଅଛନ୍ତି। 

ଆପଣ ଏହାକୁ ବି ପଢିପାରିବେ: ଫିଲ୍ମର ପ୍ରଚାର ବେଳେ ବଲିଉଡର ଅସଲ ମୁଖା ଖୋଲିଲେ କଙ୍ଗନା