‘ନମୋ ଟିଭି’କୁ ନେଇ ନିର୍ବାଚନ କମିସନଙ୍କ ନିର୍ଦ୍ଦେଶ: ସିଧା ପ୍ରସାରଣକୁ ହଁ, ପୂର୍ବ-ପ୍ରସ୍ତୁତି କାର୍ଯ୍ୟକ୍ରମକୁ ନାଁ

ନୂଆଦିଲ୍ଳୀ: ‘ନମୋ ଟିଭି’କୁ ନେଇ ନିର୍ବାଚନ କମିସନ ଏକ ନୂଆ ନିର୍ଦ୍ଦେଶ ଜାରି କରିଛନ୍ତି। ‘ନମୋ’ ଟିଭି ସଂପର୍କରେ ନିର୍ବାଚନ କମିସନ କହିଛନ୍ତି ଯେ ଏଥିରେ ସିଧା ପ୍ରସାରିତ କାର୍ଯ୍ୟକ୍ରମ ପ୍ରଦର୍ଶନ କରାଯାଇ ପାରିବ ମାତ୍ର ମତଦାନର ୪୮ ଘଣ୍ଟା ପୂର୍ବରୁ କୌଣସି ବି ପ୍ରି-ରେକର୍ଡେଡ(ପୂର୍ବ-ପ୍ରସ୍ତୁତି) କାର୍ଯ୍ୟକ୍ରମ ପ୍ରଦର୍ଶନ ହୋଇପାରିବ ନାହିଁ। ଏହା ଉପରେ ରାଜ୍ୟର କଡ଼ା ନଜର ରଖିବା ପାଇଁ ନିର୍ବାଚନ କମିସନ ରାଜ୍ୟର ମୁଖ୍ୟ ନିର୍ବାଚନ କମିସନଙ୍କୁ ନିର୍ଦ୍ଦେଶ ଦେଇଛନ୍ତି।

ଉଲ୍ଲେଖଯୋଗ୍ୟ, ଲଞ୍ଚ୍‌ ଦିନରୁ ହିଁ ‘ନମୋ ଟିଭି’ ବିବାଦରେ ରହି ଆସିଛି। ଏହି ଚ୍ୟାନେଲ୍‌ରେ ପ୍ରସାରିତ ହେଉଥିବା ବିଷୟବସ୍ତୁକୁ ନେଇ ବିରୋଧୀ ଦଳଗୁଡ଼ିକ ପୂର୍ବରୁ ଆପତ୍ତି ଆଣି ସାରିଛନ୍ତି। ଏହି ଟିଭି ଆଦର୍ଶ ଆଚରଣ ବିଧି ଉଲ୍ଲଂଘନ କରୁଛି ବୋଲି କଂଗ୍ରେସ ଓ ଆମ୍‌ ଆଦ୍‌ମୀ ପାର୍ଟି ଅଭିଯୋଗ ଆଣିଥିଲେ। ଅଭିଯୋଗ ଆସିବା ପରେ ନିର୍ବାଚନ କମିସନ ‘ନମୋ ଟିଭି’ ଲଞ୍ଚ୍‌ ହେବା ନେଇ ସୂଚନା ଓ ପ୍ରସାରଣ ମନ୍ତ୍ରାଳୟକୁ ରିପୋର୍ଟ ମାଗିଥିଲେ।