ଏୟାରପୋର୍ଟରେ ଏବେ ଚା-କଫି ଆଇନ ଦେବାକୁ ପଡ଼ିବନି ୧୦ ଗୁଣ ଅଧିକ ଦାମ

ନୂଆଦିଲ୍ଲୀ: ଆପଣ ଅନେକ ସମୟରେ ବିମାନବନ୍ଦରରେ ବିମାନକୁ ଅପେକ୍ଷା କରିବାବେଳେ, ଶୋଷ ଓ ଭୋକ ଲାଗିଥାଏ | ଏଭଳି ପରିସ୍ଥିତିରେ ଜଳଖିଆ କିମ୍ବା ହାଲୁକା ସ୍ନାକ୍ସ ଗ୍ରହଣ କରିବାର ଆବଶ୍ୟକତା ମଧ୍ୟ ଅନୁଭବ ହୁଏ | କିନ୍ତୁ, ଯେତେବେଳେ ଆପଣ ସେଠାରେ ଥିବା କାଉଣ୍ଟରଗୁଡ଼ିକରେ ମୂଲ୍ୟ ଜାଣିବ, ଆପଣ ଏହା ଶୁଣି ଆଶ୍ଚର୍ଯ୍ୟ ହୋଇଯିବେ | ସବୁ ଜିନିଷର ମୂଲ୍ୟ ପ୍ରାୟ ୧୦ ଗୁଣ ଅଧିକ | ଏପରି ପରିସ୍ଥିତିରେ ଆପଣଙ୍କ ମନ ଭାଙ୍ଗିଯାଉଥିବ | ଏତେ ମୂଲ୍ୟ ଦେଇ କାହିଁକି କିଣିବେ ଭାବି ଆପଣ ଏହା ନ କିଣି ପଳାଇଆସନ୍ତି |

ଏହି ପରିସ୍ଥିତିକୁ ଦୂର କରିବା ପାଇଁ ଭାରତ ସରକାର ଏକ ନୂତନ ଯୋଜନା ପ୍ରସ୍ତୁତ କରିଛନ୍ତି।  ଆରମ୍ଭ କରିବାକୁ ଯାଉଛନ୍ତି। ଏଠାରେ ଆପଣ କମ ମୂଲ୍ୟରେ ପାନୀୟଠାରୁ ଆରମ୍ଭ କରି ଖାଦ୍ୟ ସାମଗ୍ରୀ ଶସ୍ତାରେ ପାଇପାରିବେ | କେନ୍ଦ୍ର ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ ଏୟାରପୋର୍ଟ ଅଥରିଟି ଅଫ ଇଣ୍ଡିଆ ଏହାର ନିୟନ୍ତ୍ରଣରେ ଥିବା ସମସ୍ତ ବିମାନବନ୍ଦରରେ ଉଡାନ ଯାତ୍ରୀ କାଫେମିଳିଥିବା ସୂଚନା ମୁତାବକ କୋଲକାତାର ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରରୁ ଆରମ୍ଭ ହେବ। ଏହା ଏକ ପାଇଲଟ୍ ପ୍ରୋଜେକ୍ଟ | ଖୁବ୍ ଶୀଘ୍ର ବିମାନବନ୍ଦର ପ୍ରାଧିକରଣର ଅନ୍ୟ ବିମାନବନ୍ଦରରେ ମଧ୍ୟ ଏହିପରି କାଫେ ପ୍ରତିଷ୍ଠା କରାଯିବ |

କୋଲକାତା ବିମାନବନ୍ଦର ୧୦୦ ବର୍ଷ ପୂରଣ କରିଛି | ଏହି ଅବସରରେ ଶତବାର୍ଷିକୀ ଉତ୍ସବର ଲୋଗୋ ଉନ୍ମୋଚନ କରୁଥିବାବେଳେ କେନ୍ଦ୍ର ନାଗରିକ ବିମାନ ଚଳାଚଳ ମନ୍ତ୍ରୀ ରାମମୋହନ ନାଇଡୁ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ ବିମାନ ଯାତ୍ରୀଙ୍କ ଯାତ୍ରା ଅଭିଜ୍ଞତାକୁ ସୁଦୃଢ କରିବା ପାଇଁ ବିମାନବନ୍ଦରରେ ଏହି ନୂତନ ବ୍ୟବସ୍ଥା କାର୍ଯ୍ୟକାରୀ କରାଯିବ | ସେ କହିଛନ୍ତି ଯେ ଭାରତରେ ବିମାନ ଚଳାଚଳ କ୍ଷେତ୍ର ଦ୍ରୁତ ଗତିରେ ବଢୁଛି । ଗୋଟିଏ ପଟେ ଏହା ଅର୍ଥନୈତିକ ବିକାଶ ଆଣୁଛି ଏବଂ ଅନ୍ୟ ପଟେ ଏହା ରୋଜଗାର ସୃଷ୍ଟି କରିବାରେ ମଧ୍ୟ ସାହାଯ୍ୟ କରୁଛି |