OSRTC Bus Accident: ଭାରସାମ୍ୟ ହରାଇ ଓଏସଆରଟିସି ବସ, ୭ ଜଣ ଗୁରୁତର ଆହତ

ପଟ୍ଟାଙ୍ଗି: ଭାରସାମ୍ୟ ହରାଇ ଓଲଟିପଡିଲା ଓଏସଆରଟିସି ବସ | ମାଲକାନଗିରିର ଏମଭି ୭୯ରୁ ବିଶାଖାପାଟଣା ଯାଉଥିବା (OSRTC) ବସ ଆନ୍ଧ୍ରର ସାଲୁର ବାଇପାସ ନିକଟରେ ଦୁର୍ଘଟଣାଗ୍ରସ୍ତ ହୋଇଛି। ମିଳିଥିବା ସୂଚନା ମୁତାବକ ବସର ଷ୍ଟିୟରିଂ ଲକ ହେବା ଦ୍ଵାରା ଭାରସାମ୍ୟ ହରାଇ ବସଟି ଓଲଟି ପଡିଥିଲା | ବିଳମ୍ବିତ ରାତି ପ୍ରାୟ ୧ଟାରେ ଦୁର୍ଘଟଣା ଘଟିଛି | ଗାଡ଼ିରେ ସର୍ବମୋଟ ୨୯ ଜଣ ଯାତ୍ରୀ ଯାତ୍ରା କରୁଥିବାବେଳେ ଦୁର୍ଘଟଣା ପରେ ୭ ଜଣ ଗୁରୁତର ଆହତ ହୋଇ ଥିବାବେଳେ ସେମାନଙ୍କୁ ପ୍ରଥମେ ସାଲୁର ଓ ପରେ ବିଜୟନଗରମ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିବା ସୂଚନା ମିଳିଛି l ଘଟଣାସ୍ଥଳରେ ସାଲୁର ପୋଲିସ ପହଂଚି ଘଟଣାର ତଦନ୍ତ କରୁଛି ।