ଭଡା ଘରୁ ମିଳିଲା ଲୋକପ୍ରିୟ ଆରଜେଙ୍କ ମୃତଦେହ

ନୂଆଦିଲ୍ଲୀ: ଜଣାଶୁଣା ରେଡିଓ ଜକି ସିମରନ ସିଂ ଆତ୍ମହତ୍ୟା କରିଥିବା ଅଭିଯୋଗ ହୋଇଛି। ବୁଧବାର ବିଳମ୍ବିତ ରାତିରେ ପୁଲିସ ମୃତଦେହ ଜବତ କରିଥିଲା | ଏହାପରେ ଶବ ବ୍ୟବଛେଦ ପରେ ମୃତଦେହକୁ ପରିବାର ସଦସ୍ୟଙ୍କୁ ହସ୍ତାନ୍ତର କରିଥିଲା। ସେ ଗୁରୁଗ୍ରାମର ସେକ୍ଟର -୪୭ ର ଏକ ଆପାର୍ଟମେଣ୍ଟରେ ଭଡ଼ାରେ ରହୁଥିଲେ। ତାଙ୍କୁ ପାର୍କ ହସ୍ପିଟାଲକୁ ନିଆଯାଇଥିଲା, ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା। ପୁଲିସ ଏହି ଘଟଣାର ତଦନ୍ତ କରୁଛି। ଇନଷ୍ଟାଗ୍ରାମରେ ଆରଜେ ସିମରନ ସିଂଙ୍କର ୬ ଲକ୍ଷରୁ ଅଧିକ ଫଲୋୟର୍ସ ଅଛନ୍ତି। ସେ ତାଙ୍କର ଶେଷ ସୋସିଆଲ ମିଡିଆ ପୋଷ୍ଟ ୧୩ ଡିସେମ୍ବରରେ କରିଥିଲେ। ଏଥିରେ ସେ ଏକ ଗୀତରେ ସମୁଦ୍ର କୂଳରେ ନାଚୁଥିବା ନଜର ଆସିଛନ୍ତି।

 ତାଙ୍କ ନିଆରା ଶୈଳୀ ପାଇଁ ପ୍ରଶଂସକଙ୍କ ମଧ୍ୟରେ ପ୍ରସିଦ୍ଧ ଥିଲେ | ତାଙ୍କ ଇନଷ୍ଟାଗ୍ରାମ ପୋଷ୍ଟରେ ଅନେକ ମଜାଦାର ଭିଡିଓ ଅଛି ଯାହାକୁ ତାଙ୍କ ଫଲୋୟର୍ସମାନେ ବହୁତ ପସନ୍ଦ କରିଥିଲେ | ତାଙ୍କ ଖବର ଶୁଣି ପ୍ରଶଂସକମାନେ ଚକିତ ହୋଇଯାଇଛନ୍ତି। ଆରଜେ ସିମରନ୍ ସିଂ ଜାମ୍ମୁର ନାନକ ନଗରର ବାସିନ୍ଦା ଥିଲେ। ଜାମ୍ମୁ କାଶ୍ମୀରର ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଏବଂ ନ୍ୟାସନାଲ କନ୍ଫରେନ୍ସ ସଭାପତି ଫାରୁକ୍ ଅବଦୁଲ୍ଲା ସିମରନ ସିଂଙ୍କ ମୃତ୍ୟୁକୁ ନେଇ ଦୁଃଖ ପ୍ରକାଶ କରିଛନ୍ତି।

 ନ୍ୟାସନାଲ କନ୍ଫରେନ୍ସ ପକ୍ଷରୁ ଏକ୍ସରେ ଲେଖାଯାଇଛି ଯେ ଆରଜେ ସିମରନ ନାମରେ ଲୋକପ୍ରିୟ ଓ ଜାମ୍ମୁର ସ୍ପନ୍ଦନ କୁହାଯାଉଥିବା ସିମରନଙ୍କ ଅସମୟରେ ନିଧନ ପାଇଁ ଫାରୁକ ଅବଦୁଲ୍ଲା ଓ ଉମର ଅବଦୁଲ୍ଲା ଦୁଃଖପ୍ରକାଶ କରିଛନ୍ତି | ପରିବାର, ବନ୍ଧୁ ଏବଂ ଅସଂଖ୍ୟ ପ୍ରଶଂସକଙ୍କୁ ତାଙ୍କର ହୃଦୟରୁ ସମବେଦନା ଜଣାଇଛନ୍ତି |