ଯଦି ଇଚ୍ଛା ନାହିଁ ପୃଥ୍ୱୀରାଜ ଆପକୁ ଚାଲିଯିବା ଉଚିତ: ସନ୍ଦୀପ ଦୀକ୍ଷିତ

ନୂଆଦିଲ୍ଲୀ: ଦିଲ୍ଲୀ ବିଧାନସଭା ନିର୍ବାଚନ ପାଇଁ ବହୁତ କମ୍ ସମୟ ବାକି ଅଛି ଏବଂ ଏହା ସହିତ ବିଭିନ୍ନ ଦଳର ନେତାଙ୍କ ମଧ୍ୟରେ ବୟାନ ଯୁଦ୍ଧ ତୀବ୍ର ହୋଇଛି। ଗୋଟିଏ ପଟେ, ମମତା ବାନାର୍ଜୀଙ୍କ ତୃଣମୂଳ କଂଗ୍ରେସ (TMC) ଏବଂ ଅଖିଳେଶ ଯାଦବଙ୍କ ସମାଜବାଦୀ ପାର୍ଟି ଶାସକ ଆମ ଆଦମୀ ପାର୍ଟି (AAP)କୁ ସମର୍ଥନ ଘୋଷଣା କରିଛନ୍ତି, ଅନ୍ୟପଟେ, ମହାରାଷ୍ଟ୍ରର ବରିଷ୍ଠ କଂଗ୍ରେସ ନେତା ପୃଥ୍ୱୀରାଜ ଚୌହାନ ମଧ୍ୟ ଅରବିନ୍ଦଙ୍କ ବିଜୟର ପୂର୍ବାନୁମାନ କରିଛନ୍ତି। ଦିଲ୍ଲୀରେ କେଜରିୱାଲଙ୍କ ବିଜୟ ସମ୍ଭାବନା ପ୍ରବଳ ବୋଲି ବର୍ଣ୍ଣନା କରିଛନ୍ତି | ତେବେ ଏହାକୁ ନେଇ ଦିଲ୍ଲୀ ନିର୍ବାଚନରେ ​​ଅରବିନ୍ଦ କେଜରିୱାଲଙ୍କୁ ଚ୍ୟାଲେଞ୍ଜ କରୁଥିବା କଂଗ୍ରେସ ପ୍ରାର୍ଥୀ ସନ୍ଦୀପ ଦୀକ୍ଷିତ ତାଙ୍କ ଦଳର ନେତାଙ୍କ ଉପରେ କ୍ଷୁବ୍ଧ ହୋଇଯାଇଛନ୍ତି। ପୃଥ୍ୱୀରାଜଙ୍କ ବୟାନ ଉପରେ ସନ୍ଦୀପ ଦୀକ୍ଷିତ କହିଛନ୍ତି, "ଯଦି ଜଣେ ବରିଷ୍ଠ କଂଗ୍ରେସ ନେତା ଏତେ ଦାୟିତ୍ୱହୀନ ଭାବରେ କଥା କୁହନ୍ତି, ତେବେ ତାଙ୍କ ବିଷୟରେ କ'ଣ କୁହାଯାଇପାରିବ। ଯଦି ସେ ଆମ ଆଦମୀ ପାର୍ଟିକୁ ଏତେ ପସନ୍ଦ କରନ୍ତି, ତେବେ ସେଠାକୁ ଚାଲିଯିବା ଉଚିତ।"

ଗୁରୁବାର (୯ ଜାନୁଆରୀ) ଦିନ, ଉଦ୍ଧବ ଠାକରେ ଗୋଷ୍ଠୀର ନେତା ଆଦିତ୍ୟ ଠାକରେ ମଧ୍ୟ ଦାବି କରିଥିଲେ ଯେ ଅରବିନ୍ଦ କେଜରିୱାଲ ଦିଲ୍ଲୀରେ ବହୁତ ଭଲ କାମ କରିଛନ୍ତି ଏବଂ ତାଙ୍କ କାମକୁ ଦେଖିଲେ, ସେ ପୁଣି ଥରେ ଜିତିପାରିବେ। ଶିବସେନା ୟୁବିଟି ଦିଲ୍ଲୀରେ ଆମ ଆଦମୀ ପାର୍ଟିକୁ ବିଜୟୀ ଘୋଷଣା କରିଛି। ଏହା ବ୍ୟତୀତ ଟିଏମସି ଏବଂ ସମାଜବାଦୀ ପାର୍ଟି ମଧ୍ୟ ଆପକୁ ସମର୍ଥନ କରିଛନ୍ତି। ଏହି ତିନି ଦଳ ଇଣ୍ଡିଆ ମେଣ୍ଟର ଅଂଶ। ଏପରି ପରିସ୍ଥିତିରେ, ଦିଲ୍ଲୀ ନିର୍ବାଚନରେ ​​କଂଗ୍ରେସ ଏକାକୀ ହୋଇଗଲା ପରି ମନେ ହେଉଛି।

ଉଲ୍ଲେଖ ଥାଉ କି ପୃଥ୍ୱୀରାଜ କହିଥିଲେ ଯେ ବୋଧହୁଏ ଅରବିନ୍ଦ କେଜ୍ରିୱାଲ ନିର୍ବାଚନରେ ​​ଜିତିବେ। ତେବେ କଂଗ୍ରେସ ନିର୍ବାଚନ ଲଢୁଛି। ଯଦି କଂଗ୍ରେସ ଏବଂ ଆପ୍ ମଧ୍ୟରେ ମେଣ୍ଟ ହୋଇଥାନ୍ତା ତେବେ ଭଲ ହୋଇଥାନ୍ତା। କିନ୍ତୁ ବୋଧହୁଏ ତାହା ଘଟୁଥିବା ପରି ମନେ ହେଉନାହିଁ। ମହାରାଷ୍ଟ୍ରରେ ବସି ଦିଲ୍ଲୀରେ କଣ ଘଟୁଛି କହିବା କଷ୍ଟକର ହେବ। ପୃଥ୍ବୀରାଜ ଚୌହ୍ବାନ କହିଥିଲେ, ଦିଲ୍ଲୀ ନିର୍ବାଚନ ଏକ ଗୁରୁତ୍ୱପୂର୍ଣ୍ଣ ନିର୍ବାଚନ। ଆପ୍‌ର ସ୍ଥିତି ସୁଦୃଢ଼ ରହିଛି।