ଟିଏମସି କର୍ମୀଙ୍କ ଆକାଉଣ୍ଟକୁ ଯାଉଛି ମନରେଗା ଟଙ୍କା: ଶାହା

କୋଲକାତା: ମହାତ୍ମାଗାନ୍ଧୀ ନିଶ୍ଚିତ କର୍ମନିଯୁକ୍ତି ଯୋଜନାର ଟଙ୍କା କେନ୍ଦ୍ର ସରକାର ଦେଉନଥିବାର ଅଭିଯୋଗ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଅନେକ ସମୟରେ ଆଣୁଛନ୍ତି | ଆଜି ପଶ୍ଚିମବଙ୍ଗରେ ଏକ ସଭାରେ ଏନେଇ ଜବାବ ରଖିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା | ସେ ପଶ୍ଚିମବଙ୍ଗର ଲୋକମାନଙ୍କୁ ସମ୍ବୋଧିତ କରିବାବେଳେ ଇଣ୍ଡିଆ ମେଣ୍ଟକୁ ଟାର୍ଗେଟ କରିଛନ୍ତି। ସେ କହିଛନ୍ତି, "ପ୍ରଧାନମନ୍ତ୍ରୀ ମୋଦୀ ପଶ୍ଚିମବଙ୍ଗର ବିକାଶ ପାଇଁ ପ୍ରତିଶ୍ରୁତିବଦ୍ଧ।

ମୁଁ ଇଣ୍ଡିଆ ଆଲାଇନ୍ସର ଲୋକଙ୍କୁ ପଚାରିବାକୁ ଚାହେଁ ଯେ ମମତା ବାନାର୍ଜୀ ମଧ୍ୟ ସେମାନଙ୍କର ସଦସ୍ୟ ଏବଂ ଜଣେ ମନ୍ତ୍ରୀ ମଧ୍ୟ ଥିଲେ। ସେ ୧୦ ବର୍ଷ ମଧ୍ୟରେ ପଶ୍ଚିମବଙ୍ଗକୁ କଣ ଦେଇଛନ୍ତି? ମମତା ବାନାର୍ଜୀ ଏହାର ଉତ୍ତର ଦେବେ ନାହିଁ। କିନ୍ତୁ ମୁଁ ଏହାର ଉତ୍ତର ନେଇ ଆସିଛି। ପୂର୍ବ ସରକାର ସମୟରେ ପଶ୍ଚିମବଙ୍ଗକୁ ମାତ୍ର ୨ ଲକ୍ଷ ୯ ହଜାର କୋଟି ଟଙ୍କା ଦିଆଯାଇଥିଲା। ନରେନ୍ଦ୍ର ମୋଦୀଙ୍କ ସରକାର ୨୦୧୪ରୁ ୨୦୨୪ ମଧ୍ୟରେ ଦଶବର୍ଷ ମଧ୍ୟରେ ୭ ଲକ୍ଷ ୭୪ ହଜାର କୋଟି ଟଙ୍କା ଦେଇଛନ୍ତି | ମମତା ବାନାର୍ଜୀଙ୍କୁ ଟାର୍ଗେଟ କରି ଗୃହମନ୍ତ୍ରୀ କହିଛନ୍ତି, "ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପଶ୍ଚିମବଙ୍ଗକୁ ଯେତିକି ଟଙ୍କା ପଠାନ୍ତି ତାହା ଦୁର୍ନୀତି ପାଇଁ ବଳି ପଡିଯାଇଥାଏ।

ଆପଣଙ୍କର ଭଲ ଦିନ ଏବେ ଆଉ ଦୂର ନୁହେଁ। ୨୦୨୬ ବିଧାନସଭା ନିର୍ବାଚନ ଗଣନା ସହିତ ଭଲ ଦିନ ଏଠାରେ ଅଛି।" ମନରେଗାକୁ ନେଇ, ମମତା ବାନାର୍ଜୀ କୁହନ୍ତି ଯେ   ପଶ୍ଚିମବଙ୍ଗ ସହ ଅନ୍ୟାୟ ହେଉଛି | ୟୁପିଏ ସରକାର ସମୟରେ ମମତା ବାନାର୍ଜୀ ସେଥିରେ ମନ୍ତ୍ରୀ ଥିଲେ | ୟୁପିଏ ସମୟରେ ପଶ୍ଚିମବଙ୍ଗକୁ ୧୫ ହଜାର କୋଟି ଟଙ୍କା ଦିଆଯାଇଥିଲା। ୧୦ ବର୍ଷ ମଧ୍ୟରେ ମୋଦୀ ପଶ୍ଚିମବଙ୍ଗକୁ ୫୬ ହଜାର କୋଟି ଟଙ୍କା ଦେଇଥିଲେ। ତେବେ ଏହି ଟଙ୍କା ଲୋକଙ୍କ ପାଖେ ପହଁଚୁଛି ନା ଟିଏମସି କର୍ମୀଙ୍କ ବ୍ୟାଙ୍କ ଆକାଉଣ୍ଟରେ ଜମା ହୋଇଯାଉଛି ତାହା ଜାଣିବାର କଥା |