କୁକୁଡ଼ା ଓଭରବ୍ରିଜ୍‌ ଜମି ବିବାଦ ମାମଲା; ଗ୍ରାମସଭାରେ ସମାଧାନ

ବନ୍ଧମୁଣ୍ଡା: ବନ୍ଧମୁଣ୍ଡା-ରାଉରକେଲା ମୁଖ୍ୟମାର୍ଗରେ ଥିବା କୁକୁଡ଼ା ରେଳଫାଟକ ଠାରେ ଅସମ୍ପୂର୍ଣ୍ଣ ଥିବା ଓଭର ବ୍ରିଜର ନିର୍ମାଣ କାର୍ଯ୍ୟରେ ଲାଗି ରହିଥିବା ଜମି ବିବାଦର ସମାଧାନ ହେବା ଆଶା ଦେଖାଦେଇଛି। ବ୍ରିଜର ନିର୍ମାଣ କାର୍ଯ୍ୟ ସହ ଜଡ଼ିତ ବାର୍‌ହାବାଂଶ ଏବଂ କପାଟମୁଣ୍ଡା ଗ୍ରାମର ପ୍ରାୟ ଦୁଇ ଏକର ଜମିରେ ଚାଲିଥିବା ବିବାଦକୁ ନେଇ ରବିବାର କପାଟମୁଣ୍ଡା ପଞ୍ଚାୟତ କାର୍ଯ୍ୟାଳୟ ଠାରେ ଏକ ଗ୍ରାମସଭାର ଆୟୋଜନ ହୋଇଥିଲା। ପାନପୋଷ ଉପ ଜିଲ୍ଲାପାଳଙ୍କ ଉପସ୍ଥିତିରେ ଆୟୋଜିତ ଏହି ଗ୍ରାମସଭାରେ ସେହି ଗ୍ରାମବାସୀଙ୍କୁ ସାମିଲ କରା ଯାଇଥିଲା, ଯେଉଁମାନଙ୍କ ଜମି ବ୍ରିଜର ନିର୍ମାଣ କାର୍ଯ୍ୟରେ ସଂପୃକ୍ତ ରହିଛି। ଗ୍ରାମସଭାରେ ପ୍ରାୟ ୧୨ ଜଣ ଜମି ମାଲିକଙ୍କ ହାରାହାରି ଦୁଇ ଏକର ଜମିର ଅଧିଗ୍ରହଣ ଉପରେ ଆଲୋଚନା ହୋଇଥିଲା। ଯେଉଁଥିରେ ଜମି ମାଲିକଙ୍କୁ ଉପଯୁକ୍ତ କ୍ଷତିପୂରଣ ଦେବାକୁ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି।

ଯଦି ଗ୍ରାମବାସୀଙ୍କ ଅନୁମତି ମିଳେ ତେବେ ନିର୍ମାଣ କାର୍ଯ୍ୟ ଶୀଘ୍ର ଆରମ୍ଭ ହୋଇପାରିବ। ଏଥିସହ କପାଟମୁଣ୍ଡା ସରପଞ୍ଚ ମୋତିଲାଲ ଲାକ୍ରା କହିଛନ୍ତି ଯେ ବିବାଦୀୟ ଜମି ମାଲିକମାନଙ୍କୁ ଉପଯୁକ୍ତ କ୍ଷତିପୂରଣ ଦେବା ପରେ ହିଁ ବ୍ରିଜ ନିର୍ମାଣ କାର୍ଯ୍ୟ ଆରମ୍ଭ କରିବାକୁ ସେ ଜିଲ୍ଲା ପ୍ରଶାସନକୁ ଅନୁରୋଧ କରିଛନ୍ତି।

ଗ୍ରାମସଭାରେ ଉପସ୍ଥିତ ଗ୍ରାମବାସୀ ତଥା ଜମିର ମାଲିକମାନେ ରାଉରକେଲା ଉପ ଜିଲ୍ଲାପାଳଙ୍କୁ କହିଛନ୍ତି ଯେ ବ୍ରିଜ ପାଇଁ ଜମି ଦେଇଥିବା ସନ୍ତୋଷପୁରର ଜମି ମାଲିକମାନଙ୍କୁ ଜିଲ୍ଲା ପ୍ରଶାସନ ପକ୍ଷରୁ ଉପଯୁକ୍ତ କ୍ଷତିପୂରଣ ପ୍ରଦାନ କରାଯାଇଛି। ମାତ୍ର ଆମମାନଙ୍କୁ ମଧ୍ୟ ଉଚିତ କ୍ଷତିପୂରଣ ପ୍ରଦାନ କରାଯାଉ। ଏହି ବାବଦରେ ରାଉରକେଲା ଉପ ଜିଲ୍ଲାପାଳ ବିଜୟ ନାୟକ କହିଛନ୍ତି ଯେ ବ୍ରିଜ ନିର୍ମାଣ ପାଇଁ ଜମି ଅଧିଗ୍ରହଣ କାର୍ଯ୍ୟ ଆସନ୍ତା ୬ ମାସ ମଧ୍ୟରେ ଶେଷହେବା ସମ୍ଭାବନା ରହିଛି। ସେ କହିଛନ୍ତି ଯେ କୁକୁଡ଼ା ରେଳ ଫାଟକରେ ବ୍ରିଜ ନିର୍ମାଣରେ ହଜାର ହଜାର ସାଧାରଣ ଲୋକଙ୍କ ସ୍ୱାର୍ଥ ଜଡ଼ିତ। ଏଭଳି ପରିସ୍ଥିତିରେ ଯଦି ଗ୍ରାମବାସୀଙ୍କ ଅନୁମତି ମିଳେ ତେବେ ନିର୍ମାଣ କାର୍ଯ୍ୟ ଶୀଘ୍ର ଆରମ୍ଭ ହୋଇପାରିବ। ଏଥିସହ କପାଟମୁଣ୍ଡା ସରପଞ୍ଚ ମୋତିଲାଲ ଲାକ୍ରା କହିଛନ୍ତି ଯେ ବିବାଦୀୟ ଜମି ମାଲିକମାନଙ୍କୁ ଉପଯୁକ୍ତ କ୍ଷତିପୂରଣ ଦେବା ପରେ ହିଁ ବ୍ରିଜ ନିର୍ମାଣ କାର୍ଯ୍ୟ ଆରମ୍ଭ କରିବାକୁ ସେ ଜିଲ୍ଲା ପ୍ରଶାସନକୁ ଅନୁରୋଧ କରିଛନ୍ତି।