୭ବର୍ଷ ହେବ ନିଜ ସମ୍ପର୍କକୁ କାହିଁକି ଲୁଚାଇ ରଖିଥିଲେ ସୋନାକ୍ଷୀ ? କଲେ ଖୁଲାସା...

ମୁମ୍ବାଇ: ସୋନାକ୍ଷୀ ସିହ୍ନା ଏବଂ ଜହିର ଇକବାଲ ବଲିଉଡର ସବୁଠାରୁ ଲୋକପ୍ରିୟ ଦମ୍ପତ୍ତି । ପରିବାର ଏବଂ ଘନିଷ୍ଠ ବନ୍ଧୁଙ୍କ ଉପସ୍ଥିତିରେ ଏହି ଦମ୍ପତ୍ତି ୨୩ ଜୁନ୍ ୨୦୨୪ରେ ବିବାହ ବନ୍ଧନରେ ବାନ୍ଧି ହୋଇଥିଲେ। ବିବାହ ପରେ ଉଭୟ ଦମ୍ପତ୍ତି ସେହିଦିନ ଏକ ଗ୍ରାଣ୍ଡ ରିସେପ୍ସନ୍ ପାର୍ଟି ମଧ୍ୟ ଆୟୋଜନ କରିଥିଲେ ଯେଉଁଥିରେ ସଲମାନ ଖାନ, ରେଖା ଏବଂ କାଜୋଲଙ୍କ ସମେତ ବହୁ ସେଲିବ୍ରେଟି ଯୋଗ ଦେଇଥିଲେ । 

ଦୁହେଁ ସାତ ବର୍ଷ ହେବ ଡେଟ କରୁଥିଲେ। ଉଭୟଙ୍କୁ ଅନେକ ସମୟରେ ଏକାଠି ଦେଖିବାକୁ ମିଳିଥିଲା, ତଥାପି ଏହି ଦମ୍ପତି ନିଜ ସମ୍ପର୍କକୁ ଖୋଲାଖୋଲି ଭାବେ ନିଶ୍ଚିତ କରିନଥିଲେ । ଏକ ସାକ୍ଷାତକାରରେ ଏହି ଦମ୍ପତ୍ତି ପ୍ରକାଶ କରିଛନ୍ତି ଯେ, ସେମାନେ କାହିଁକି ନିଜ ସମ୍ପର୍କକୁ ସାତ ବର୍ଷ ପର୍ଯ୍ୟନ୍ତ ଲୁଚାଇ ରଖିଥିଲେ ।

ଏଥିପାଇଁ ସୋନାକ୍ଷୀ ତୁରନ୍ତ ଉତ୍ତର ଦେଇ କହିଥିଲେ ଯେ ଏହାର ମୁଖ୍ୟ କାରଣ ହେଉଛି "ନଜର"। "ମୁଁ ଭାବୁଛି ବ୍ୟକ୍ତିଗତ ଜିନିଷକୁ ବ୍ୟକ୍ତିଗତ ରଖିବା ସର୍ବଦା ଭଲ। ଆମେ ଆଗରୁ ବହୁତ ଲାଇମଲାଇଟରେ ଅଛୁ, ସମସ୍ତେ ଆମ ବିଷୟରେ ସବୁକିଛି ଜାଣନ୍ତି । ଆମେ ଯାହା ଭଲ ପାଆନ୍ତି ତାହା ନିଜ ପାଖରେ ହିଁ ସୀମିତ ରଖିବା ଉଚିତ୍।" ସେ ଆହୁରି ମଧ୍ୟ କହିଛନ୍ତି ଯେ, 'ଆମ ସମ୍ପର୍କରେ ନଜର ଲାଗିଯିବ ବୋଲି ସମସ୍ତଙ୍କଠାରୁ ଲୁଚାଇ ରଖିଥିଲୁ।'

ତେବେ ସୋନାକ୍ଷୀଙ୍କ ଏଭଳି ଉତ୍ତର ପରେ ଜହିର କହିଥିଲେ ଯେ, ''ସମୟ ଗଡ଼ିବା ସହିତ ସୋନାକ୍ଷୀଙ୍କ ପ୍ରତି ତାଙ୍କର ଭାବନା ଗଭୀର ହୋଇଥିଲା । ମୁଁ ପ୍ରଥମ ଦିନରୁ ଜାଣିଥିଲି ଯେ ସେ ହିଁ ସେ, କିନ୍ତୁ ମୁଁ ଏହାକୁ ପରେ ଗ୍ରହଣ କଲି। ”