ଦୁର୍ଘଟଣା ପରେ ୩ ବର୍ଷ ବିଛଣାରେ ପଡିରହିଲେ ଏହି ସାଉଥ ଅଭିନେତା

ମୁମ୍ବାଇ: ବଲିଉଡ ହେଉ କିମ୍ବା ସାଉଥ ଇଣ୍ଡଷ୍ଟ୍ରି ହେଉ, ଯେଉଁ କଳାକାରମାନେ ଆଜି ସୁପରଷ୍ଟାର ହୋଇଛନ୍ତି ସେମାନେ ଅନେକ ସଂଘର୍ଷପୂର୍ଣ୍ଣ ଦିନର ସମ୍ମୁଖୀନ ହୋଇଛନ୍ତି | ତାମିଲ ସିନେମାରେ ମଧ୍ୟ ଏପରି ଜଣେ ସୁପରଷ୍ଟାର ଅଛନ୍ତି | ତାଙ୍କୁ ଫିଲ୍ମ ଇଣ୍ଡଷ୍ଟ୍ରିରେ ନିଜର ପରିଚୟ ଦେବାକୁ ୧୦ ବର୍ଷ ଲାଗିଗଲା | ଯେତେବେଳେ ସେ ଏକ ଭୟଙ୍କର ଦୁର୍ଘଟଣାର ସମ୍ମୁଖୀନ ହେଲେ ତାଙ୍କ ଜୀବନ ବଦଳିଗଲା ଏବଂ ସେ ତିନି ବର୍ଷ ପର୍ଯ୍ୟନ୍ତ ଶଯ୍ୟାଶାୟୀ ରହିଲେ | ଏହି ଅଭିନେତା ହେଉଛନ୍ତି ଚିଆନ୍ ବିକ୍ରମ ଯିଏ ସାଉଥ୍ ସିନେମାରେ ବର୍ତ୍ତମାନ ସବୁଠାରୁ ଚର୍ଚ୍ଚିତ ନାମ  |

କିନ୍ତୁ ତାଙ୍କ ଜୀବନରେ ଏମିତି ଏକ ସମୟ ଥିଲା ଯେତେବେଳେ ସେ ବହୁତ ଖରାପ ଦିନ ଦେଇ ଗତି କରିଥିଲେ | ଥରେ ସେ ଏକ ଭୟଙ୍କର ଦୁର୍ଘଟଣାର ସମ୍ମୁଖୀନ ହୋଇଥିଲେ, ଯାହା ପରେ ତାଙ୍କ ଗୋଡ ମଧ୍ୟ କାଟି ଦିଆଯିବା ବୋଲି କୁହାଯାଇଥିଲା । ଏହାପରେ ଏହି ଅଭିନେତାଙ୍କର ୨୩ଟି ଅସ୍ତ୍ରୋପଚାର କରିବାକୁ ପଡିଲା ଏବଂ ଏହାପରେ ହିଁ ସେ ତାଙ୍କ ପାଦରେ ଠିଆ ହେବାକୁ ସକ୍ଷମ ହୋଇଥିଲେ। ଏକ ସାକ୍ଷାତକାରରେ ଚିଆନ ବିକ୍ରମ ତାଙ୍କ ସହ ଘଟିଥିବା ଏହି ଦୁର୍ଘଟଣା ବିଷୟରେ ଖୋଲାଖୋଲି ଭାବେ କହିଥିଲେ।

 ସେ କହିଥିଲେ- 'ଦୁର୍ଘଟଣା ପରେ ଯେତେବେଳେ ମୋତେ ଡାକ୍ତରଖାନା ନିଆଗଲା ଡାକ୍ତରମାନେ ମୋର ଗୋଡ କାଟିବାକୁ ଚାହୁଁଥିଲେ। ମୋର ହାଡ ଭାଙ୍ଗି ଯାଇଥିଲା। ଚିଆନ୍ କହିଥିଲେ- 'ମୋର ଗୋଡ ଫୁଲି ଯାଇଥିଲା | ସରକାରୀ ଡାକ୍ତରଖାନାରେ ଡାକ୍ତର କହିଥିଲେ ଯେ ଗୋଡ଼ କାଟିବାକୁ ପଡିବ | ଏହାପରେ ମୋତେ ଏକ ଘରୋଇ ଡାକ୍ତରଖାନା ନିଆଗଲା ଏବଂଗୋଡ କାଟିବାର ଆବଶ୍ୟକତା ପଡ଼ିନଥିଲା |

 ଅଭିନେତା କହିଥିଲେ ଯେ ସେ ତିନି ବର୍ଷ ପର୍ଯ୍ୟନ୍ତ ଶଯ୍ୟାଶାୟୀ ହୋଇ ପଡିରହିଥିଲେ | ଏହି ସମୟ ମଧ୍ୟରେ ତାଙ୍କୁ ୨୩ଟି ଅସ୍ତ୍ରୋପଚାର କରିବାକୁ ପଡିଥିଲା । ଯେତେବେଳେ ସେ ସୁସ୍ଥ ହୋଇଗଲେ, ଦୁର୍ଘଟଣାର ପାଞ୍ଚ ବର୍ଷ ପରେ, ସେ ସେହି ଡାକ୍ତରଙ୍କ ପାଖକୁ ଯାଇଥିଲେ ଯିଏକି ତାଙ୍କ ଗୋଡ଼ କାଟିଦେବାକୁ ପରାମର୍ଶ ଦେଇଥିଲେ | ଏପରିକି ଚିଆନ ବିକ୍ରମ ତାଙ୍କ ପାଦରେ ଠିଆ ହୋଇଥିବା ଦେଖି ଡାକ୍ତର ଆଶ୍ଚର୍ଯ୍ୟ ହୋଇଯାଇଥିଲେ ।