/sambad/media/agency_attachments/2024-07-24t043029592z-sambad-original.webp)
/sambad/media/media_files/RF95VmfScsBy8bix8GBV.jpg)
ମୁମ୍ବାଇ: ଅଗଷ୍ଟ ୧୫ରେ ପ୍ରେକ୍ଷାଳୟରେ ତିନୋଟି ବଡ ଚଳଚ୍ଚିତ୍ର ‘ସ୍ତ୍ରୀ-୨’, ‘ଖେଲ ଖେଲ ମେଁ’ ଏବଂ ‘ବେଦା’ ରିଲିଜ୍ ହୋଇଥିଲା। ସମସ୍ତ ତିନୋଟି ଚଳଚ୍ଚିତ୍ରରେ ବଲିଉଡର ବଡ଼ ବଡ଼ କଳାକାର କାମ କରିଥିବା ବେଳେ ଏବେ ବଲିଉଡ ଅଭିନେତା ଅକ୍ଷୟ କୁମାର ଓ ଜନ୍ ଆବ୍ରାହିମଙ୍କୁ ଟକ୍କର ଦେଇ ଆଗେଇ ଚାଲିଛନ୍ତି ରାଜକୁମାର ରାଓ। ଅର୍ଥାତ୍ ତାଙ୍କ ଅଭିନୀତ ଫିଲ୍ମ ‘ସ୍ତ୍ରୀ-୨’ ଏବେ ଅନେକ ବଡ଼ ବଜେଟ ଫିଲ୍ମର ରେକର୍ଡ ଭାଙ୍ଗିଛି। କମ ବଜେଟରେ ନିର୍ମିତ ଫିଲ୍ମ ‘ସ୍ତ୍ରୀ-୨’ ରିଲିଜର ପ୍ରଥମ ଦିନରେ ୭୬.୫କୋଟି ଟଙ୍କା ଆୟ କରିଥିବା ବେଳେ ଦ୍ବିତୀୟ ଦିନରେ ୩୦କୋଟିରୁ ଅଧିକ ଆୟ କରିଥିଲା। ଏବେ ଫିଲ୍ମ ରିଲିଜକୁ ୧୦ଦିନ ବିତିଥିବା ବେଳେ ୧୦ଦିନରେ ଫିଲ୍ମର ଆୟ ୫୦୦କୋଟି ଅତିକ୍ରମ କରିଥିବା ଜଣାପଡ଼ିଛି।
‘ସ୍ତ୍ରୀ-୨’ ର ପ୍ରଡକ୍ସନ୍ ହାଉସ୍ ମ୍ୟାଡକ୍ ଫିଲ୍ମସ୍ ଏହି ଚଳଚ୍ଚିତ୍ରର ସର୍ବଭାରତୀୟ ସଂଗ୍ରହକୁ ସେୟାର କରିଛି। ଏହା ଅନୁଯାୟୀ, ‘ସ୍ତ୍ରୀ-୨’ର ଆୟ ୧୦ଦିନ ମଧ୍ୟରେ ୫୦୦କୋଟି ଟଙ୍କା ଅତିକ୍ରମ କରିଛି। ଏହି ଭୁତ-କମେଡି ଚଳଚ୍ଚିତ୍ର ସାରା ବିଶ୍ୱରେ ୫୦୫କୋଟି ଟଙ୍କା ସଂଗ୍ରହ କରିଛି। ଏହି ଆୟ ସହିତ ବିଶ୍ୱ ବକ୍ସ ଅଫିସରେ ୫୦୦ କୋଟି ଟଙ୍କା କ୍ଲବରେ ସାମିଲ ହୋଇଥିବା ଦ୍ୱିତୀୟ ଭାରତୀୟ ଚଳଚ୍ଚିତ୍ର ହୋଇପାରିଛି ‘ସ୍ତ୍ରୀ-୨’।
