କପ୍ତିପଦା ଅତିରିକ୍ତ ତହସିଲଦାରଙ୍କୁ ମରଣାନ୍ତକ ଆକ୍ରମଣ ଘଟଣା: ତିନି ଅଭିଯୁକ୍ତଙ୍କୁ ବାନ୍ଧିଲା ପୁଲିସ୍

ଉଦଳା: ଥାନା ଆଗରେ ମୟୂରଭଞ୍ଜ କପ୍ତିପଦା ଅତିରିକ୍ତ ତହସିଲଦାର ଭୀମସେନ ମାଝୀଙ୍କୁ ନିର୍ଘାତ ମାଡ଼ ମାରିବା ସହ ପଥର ଛେଚି ତାଙ୍କ କାର୍‌ ଭାଙ୍ଗିବା ଘଟଣାରେ ୩ ବାଲି ମାଫିଆଙ୍କୁ ଗିରଫ କରିଛି ପୁଲିସ। ଗିରଫ ୩ ଜଣ ହେଲେ କପ୍ତିପଦା ଅଞ୍ଚଳର ଆକାଶ ନାୟକ, ମାନସ କୁମାର ପୁହାଣ ଓ ରଜତ କୁମାର ମହାନ୍ତି। ମରଣାନ୍ତକ ଆକ୍ରମଣ ଘଟଣାର ୨ ଦିନ ପରେ ଏହି ୩ ଜଣଙ୍କୁ ପୁଲିସ ଗିରଫ କରି ପଚରାଉଚରା କରିଛି। 

ସୂଚନା ଅନୁସାରେ, କପ୍ତିପଦା ଥାନା ଅଞ୍ଚଳରେ ଥିବା ଏକାଧିକ ବାଲିଘାଟରୁ ବେଆଇନ ବାଲି ଉତ୍ତୋଳନ ହେଉଥିବା ନେଇ  କପ୍ତିପଦା ଅତିରିକ୍ତ ତହସିଲଦାର ଭୀମସେନ ମାଝୀ ଖବର ପାଇଥିଲେ। ସେ ନିଜ କାର୍‌ (ଓଡି୧୧ଏଏ-୫୫୮୯) ଯୋଗେ ତହସିଲ କାର୍ଯ୍ୟାଳୟକୁ ଯାଇଥିଲେ। ସେଠାରୁ ଅନ୍ୟ କର୍ମଚାରୀଙ୍କ ସହ ଚଢ଼ଉ ପାଇଁ ଯାଇଥାଆନ୍ତେ। ହେଲେ ସେ କାର୍ଯ୍ୟାଳୟରେ ପହଞ୍ଚିବା ବେଳକୁ ହଠାତ୍‌ ୨୦ରୁ ୨୫ ଜଣ ଲୋକ ତାଙ୍କ କାର୍‌କୁ ଘେରିଯାଇ ଗାଳିଗୁଲଜ କରିଥିଲେ। 
ଏମିତି କି ଜୀବନରୁ ମାରିଦେବା ପାଇଁ ଧମକ ଦେଇଥିଲେ। କାର୍ଯ୍ୟାଳୟ ଗେଟ୍ ବନ୍ଦ ଥିବାରୁ ଅତିରିକ୍ତ ତହସିଲଦାର ଶ୍ରୀ ମାଝୀ ଜୀବନବିକଳରେ କାର୍‌ ନେଇ କପ୍ତିପଦା ଥାନାକୁ ପଳାଇଥିଲେ। ଦୁର୍ବୃତ୍ତମାନେ ତାଙ୍କୁ ପିଛା କରି ଥାନା ପାଖରେ ପହଞ୍ଚି ଯାଇଥିଲେ। ଥାନା ଫାଟକ ବନ୍ଦ ଥିବାରୁ ଶ୍ରୀ ମାଝୀ ଭିତରକୁ ଯାଇ ପାରି ନଥିଲେ। ଏତିକିବେଳେ ଦୁର୍ବୃତ୍ତମାନେ କାର୍‌ ଉପରକୁ ପଥର ଫିଙ୍ଗି ଭାଙ୍ଗି ଦେଇଥିଲେ। ଅତିରିକ୍ତ ତହସିଲଦାର ଶ୍ରୀ ମାଝୀଙ୍କୁ କାର୍‌ ଭିତରୁ ଟାଣିଆଣି ନିର୍ଘାତ ମାଡ଼ ମାରିଥିଲେ। ଏହି ସମୟରେ ଥାନା କର୍ମଚାରୀମାନେ ଗେଟ୍ ଖୋଲି ଆସିଯିବାରୁ ଦୁର୍ବୃତ୍ତମାନେ ଛତ୍ରଭଙ୍ଗ ଦେଇଥିଲେ।

କପ୍ତିପଦା ଥାନା ଅଞ୍ଚଳରେ ଥିବା ଏକାଧିକ ବାଲିଘାଟରୁ ବେଆଇନ ବାଲି ଉତ୍ତୋଳନ ହେଉଥିବା ନେଇ  କପ୍ତିପଦା ଅତିରିକ୍ତ ତହସିଲଦାର ଭୀମସେନ ମାଝୀ ଖବର ପାଇଥିଲେ। ସେ ନିଜ କାର୍‌ (ଓଡି୧୧ଏଏ-୫୫୮୯) ଯୋଗେ ତହସିଲ କାର୍ଯ୍ୟାଳୟକୁ ଯାଇଥିଲେ। ସେଠାରୁ ଅନ୍ୟ କର୍ମଚାରୀଙ୍କ ସହ ଚଢ଼ଉ ପାଇଁ ଯାଇଥାଆନ୍ତେ। ହେଲେ ସେ କାର୍ଯ୍ୟାଳୟରେ ପହଞ୍ଚିବା ବେଳକୁ ହଠାତ୍‌ ୨୦ରୁ ୨୫ ଜଣ ଲୋକ ତାଙ୍କ କାର୍‌କୁ ଘେରିଯାଇ ଗାଳିଗୁଲଜ କରିଥିଲେ। 
ଏମିତି କି ଜୀବନରୁ ମାରିଦେବା ପାଇଁ ଧମକ ଦେଇଥିଲେ। କାର୍ଯ୍ୟାଳୟ ଗେଟ୍ ବନ୍ଦ ଥିବାରୁ ଅତିରିକ୍ତ ତହସିଲଦାର ଶ୍ରୀ ମାଝୀ ଜୀବନବିକଳରେ କାର୍‌ ନେଇ କପ୍ତିପଦା ଥାନାକୁ ପଳାଇଥିଲେ। ଦୁର୍ବୃତ୍ତମାନେ ତାଙ୍କୁ ପିଛା କରି ଥାନା ପାଖରେ ପହଞ୍ଚି ଯାଇଥିଲେ। ଥାନା ଫାଟକ ବନ୍ଦ ଥିବାରୁ ଶ୍ରୀ ମାଝୀ ଭିତରକୁ ଯାଇ ପାରି ନଥିଲେ। ଏତିକିବେଳେ ଦୁର୍ବୃତ୍ତମାନେ କାର୍‌ ଉପରକୁ ପଥର ଫିଙ୍ଗି ଭାଙ୍ଗି ଦେଇଥିଲେ। ଅତିରିକ୍ତ ତହସିଲଦାର ଶ୍ରୀ ମାଝୀଙ୍କୁ କାର୍‌ ଭିତରୁ ଟାଣିଆଣି ନିର୍ଘାତ ମାଡ଼ ମାରିଥିଲେ। ଏହି ସମୟରେ ଥାନା କର୍ମଚାରୀମାନେ ଗେଟ୍ ଖୋଲି ଆସିଯିବାରୁ ଦୁର୍ବୃତ୍ତମାନେ ଛତ୍ରଭଙ୍ଗ ଦେଇଥିଲେ।

ଘଟଣା ବାବଦରେ ଅତିରିକ୍ତ ତହସିଲଦାର ଶ୍ରୀ ମାଝୀ କପ୍ତିପଦା ଥାନାରେ ଏତଲା ଦେଇଥିଲେ। ପୁଲିସ କେସ୍‌ ନମ୍ବର ୧୩୪/୨୫ରେ ଏକ ମାମଲା ରୁଜୁ କରିଥିଲା। କପ୍ତିପଦା ଉପଖଣ୍ଡ ପୁଲିସ ଅଧିକାରୀ ହୃଷୀକେଶ ନାଏକ ତଦନ୍ତ କରୁଥିଲେ। ଥାନାରେ ଲାଗିଥିବା ସିସିଟିଭି ଫୁଟେଜ୍‌ ଆଧାରରେ ଅପରାଧୀମାନଙ୍କୁ ଖୁବ୍‌ଶୀଘ୍ର ଧରାଯିବ ବୋଲି ଉପଖଣ୍ଡ ପୁଲିସ ଅଧିକାରୀ ଶ୍ରୀ ନାଏକ କହିଥିଲେ।
ଉଲ୍ଲେଖ ଥାଉକି; ଗତବର୍ଷ ଜାନୁଆରି ମାସରେ କପ୍ତିପଦା ଥାନା ଅଧିକାରୀ ଏବଂ ଡିସେମ୍ବର ମାସରେ ତହସିଲଦାର, ବାଲି ମାଫିଆଙ୍କ ଆକ୍ରମଣର ଶିକାର ହୋଇଥିଲେ।