ଦୁଇ ବର୍ଷଧରି ନାବାଳିକାଙ୍କୁ ଦୁଷ୍କର୍ମ: ମାମଲା ରୁଜୁ, ପୁଲିସର ତନାଘନା

ରାଉରକେଲା: ସହରରେ ନିୟମିତ ବ୍ୟବଧାନରେ ଗଣଦୁଷ୍କର୍ମ ଘଟୁଛି। ବିଶେଷକରି ଗତ ଦୁଇ ସପ୍ତାହ ଭିତରେ ୨ଟି ଗଣଦୁଷ୍କର୍ମ, ନାବାଳିକାଙ୍କୁ ଦୁଷ୍କର୍ମ, ନାବାଳିକାଙ୍କୁ ଅସଦାଚରଣ ଓ ଅପହରଣ ଆଦି ଘଟଣା ଚାଞ୍ଚଲ୍ୟ ଖେଳାଇ ଦେଇଥିଲା। ଏବେ ପୁଣି ଜଣେ ନାବାଳିକା(୧୭) ଦୁଷ୍କର୍ମର ଶିକାର ହୋଇଛନ୍ତି। ନାବାଳିକାଙ୍କ ବାପାଙ୍କ ଜଣେ ବନ୍ଧୁ ଗତ ଦୁଇବର୍ଷ ହେଲା ଦୁଷ୍କର୍ମ କରୁଥିବା ରଘୁନାଥପାଲି ଥାନାରେ ଏତଲା ହୋଇଛି। ଅଭିଯୁକ୍ତ ସିଭିଲ୍‌ ଟାଉନସିପ୍‌ ଅଞ୍ଚଳର ରାଜନ ଶ୍ରୀବାସ୍ତବ(୪୮)ଙ୍କ ନାଁରେ ପୁଲିସ ମାମଲା ରୁଜକରି ତଦନ୍ତ ଆରମ୍ଭ କରିଛି।