କମିବ ମନମାନି, ସୁଧୁରିବ ସ୍ଥିତି: ଆଲିଆନ୍ସ ଏୟାର ପରିବର୍ତ୍ତନ ପାଇଁ ପଦକ୍ଷେପ

ରାଉରକେଲା: ଆଲିଆନ୍ସ ଏୟାର୍‌ର ମନମାନି ଯୋଗୁ ଯାତ୍ରୀ ଅସନ୍ତୋଷ ଦ୍ବିଗୁଣିତ ହେଲାଣି। ବାରମ୍ବାର ଅଘୋଷିତ ବାତିଲ ହେଉ ଅବା ବିମାନରେ ଯାବତୀୟ ତ୍ରୁଟିବିଚ୍ୟୁତି, ସୁଧୁରିବାର ନାଁ ନେଉନି। ଏଣୁ ରାଉରକେଲା-ଭୁବନେଶ୍ବର ପାଇଁ ନୂଆ ବାଣିଜ୍ୟିକ ବିମାନସେବା ପ୍ରଦାନକାରୀ ସଂସ୍ଥା ନିୟୋଜନ ଏକମାତ୍ର ବିକଳ୍ପ ପାଲଟିଛି। ଏ ଦିଗରେ ରାଜ୍ୟ ସରକାର ପଦକ୍ଷେପ ନେଇଥିବା ଜଣାପଡ଼ିଛି। ରାଜ୍ୟ ବାଣିଜ୍ୟ ଓ ପରିବହନ ବିଭାଗ କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରାଳୟର ଦୃଷ୍ଟି ଆକର୍ଷଣ କରିଥିବା ବିଶ୍ବସ୍ତସୂତ୍ରରୁ ପ୍ରକାଶ। ପୂର୍ବରୁ ମଧ୍ୟ ଏନେଇ କେନ୍ଦ୍ରକୁ ପତ୍ର ଲେଖାଯାଇଥିବାବେଳେ କିଛିଦିନ ପୁନର୍ବାର ଚିଠି ଲେଖିଛନ୍ତି। ଚିଠିରେ ଆଲିଆନ୍ସ ଏୟାର୍‌କୁ ବାତିଲ କରି ଅନ୍ୟ ସଂସ୍ଥାକୁ ନିୟୋଜନ ପାଇଁ ଉଲ୍ଲେଖ କରାଯାଇଥିବା ସୂଚନା ମିଳିଛି।