ଡି ଏସ୍ କୁଟ୍ଟେ ଓ ଆଶିଷ ସିଂହଙ୍କୁ ଭେଟିବାକୁ କହିଥିଲେ ବବି ଦାସ: ସୁନନ୍ଦା ଦାସ

ଭୁବନେଶ୍ବର: ୩ ତାରିଖ ଦିନ ମୁଁ ଅନ୍ୟ ଦଳରେ ମିଶିବି। କେଉଁ ଦଳରେ ଯୋଗ ଦେବି, ସେଦିନ ସମସ୍ତେ ଜାଣିବେ। ଏକଥା କହିଛନ୍ତି ବିଜେଡିରୁ ଇସ୍ତଫା ଦେଇଥିବା ବରୀର ପୂର୍ବତନ ବିଧାୟକ ସୁନନ୍ଦା ଦାସ। ସେ କହିଛନ୍ତି, ୩ ଜଣିଆ ଗ୍ରୁପ୍ ମୋର ଟିକେଟ୍ କାଟିଥିଲେ। ଟିକେଟ କଟିବା ପରେ ପ୍ରଣବ ପ୍ରକାଶ ଦାସଙ୍କୁ ମୁଁ ୩ ଥର ଭେଟିଥିଲି। ହେଲେ ସେ ଡି ଏସ୍ କୁଟ୍ଟେ ଓ ଆଶିଷ ସିଂହଙ୍କୁ ଭେଟିବାକୁ କହିଥିଲେ।
ସୁନନ୍ଦା ଆହୁରି କହିଛନ୍ତି, ମୁଁ ୫ ବର୍ଷ ଯାଏ ଦଳ ପାଇଁ କାମ କରିଲି। ପୂର୍ବରୁ ବିଜେପିରେ ଥିଲି ଏବଂ ବରୀ ବ୍ଲକ୍ ଅଧ୍ୟକ୍ଷା ହୋଇଥିଲେ। ମୋତେ ବିଜେଡିରେ ମିଶାଇଲେ ଓ ମୁଁ ବିଧାୟକ ହୋଇଥିଲି। କିନ୍ତୁ  ଯେଉଁମାନେ ମୋ ବିରୁଦ୍ଧରେ ଲାଗିଥିଲେ, ସେମାନେ ହାରିଲେ। ପ୍ରଭୁ ଜଗନ୍ନାଥ ସେମାନଙ୍କ ବିଚାର କରିବେ ବୋଲି କହିଥିଲି। ପ୍ରଭୁ ଠିକ୍ ବିଚାର କରିଛନ୍ତି।

୩ ତାରିଖ ଦିନ ମୁଁ ଅନ୍ୟ ଦଳରେ ମିଶିବି।  ଟିକେଟ କଟିବା ପରେ ପ୍ରଣବ ପ୍ରକାଶ ଦାସଙ୍କୁ ମୁଁ ୩ ଥର ଭେଟିଥିଲି। ହେଲେ ସେ ଡି ଏସ୍ କୁଟ୍ଟେ ଓ ଆଶିଷ ସିଂହଙ୍କୁ ଭେଟିବାକୁ କହିଥିଲେ।  ଏକଥା କହିଛନ୍ତି ବିଜେଡିରୁ ଇସ୍ତଫା ଦେଇଥିବା ବରୀର ପୂର୍ବତନ ବିଧାୟକ ସୁନନ୍ଦା ଦାସ। 

ସୂଚନାଯୋଗ୍ୟ, ବଡ଼ଚଣା ବିଧାୟକ ଅମର ଶତପଥୀ ଦଳର ପ୍ରାଥମିକ ସଦସ୍ୟ ନଥିବା କହି ଦଳକୁ ବାଏ ବାଏ କରିବା ପରେ ବରୀର ପୂର୍ବତନ ବିଧାୟିକା ସୁନନ୍ଦା ଦାସ ବିଜେଡି ଛାଡ଼ିଛନ୍ତି। ସେ ଦଳର ପ୍ରାଥମିକ ସଦସ୍ୟ ପଦରୁ ଇସ୍ତଫା ଦେଇଛନ୍ତି। ଦଳର ସଭାପତି ନବୀନ ପଟ୍ଟନାୟକଙ୍କ ନିକଟକୁ ଇସ୍ତଫାପତ୍ର ପଠାଇ ଦେଇଛନ୍ତି। ଏ ସମ୍ପର୍କରେ ସୁନନ୍ଦା କହିଛନ୍ତି, ସେ ଦଳରେ ଅଲୋଡ଼ା ଥିଲେ। ତାଙ୍କୁ ସବୁବେଳେ ଅଣଦେଖା କରାଯାଉଥିଲା। ଗତ ନିର୍ବାଚନରେ ତାଙ୍କୁ ପ୍ରାର୍ଥୀ କରାଗଲା ନାହିଁ। ଏପରିକି ୫ମାସ ହେଲା ତାଙ୍କୁ ଦଳୀୟ କାର୍ଯ୍ୟକ୍ରମରେ ସାମିଲ କରାଯାଉନଥିଲା। ସ୍ବାଧୀନତା ସଂଗ୍ରାମୀଙ୍କ ମାଟି ବରୀ ଅଞ୍ଚଳବାସୀଙ୍କର ସୁଖଦୁଃଖରେ ସାମିଲ ହୋଇ ସେ ପୂର୍ବଭଳି ସେମାନଙ୍କର ସେବା କରିବେ। ସେମାନଙ୍କ ସ୍ବର ହୋଇ ରହିବେ ବୋଲି କହିଛନ୍ତି। 
ଗତ ନିର୍ବାଚନରେ ଶ୍ରୀମତୀ ଦାସଙ୍କୁ ଦଳୀୟ ପ୍ରାର୍ଥୀ କରାଯାଇନଥିଲା। ମାତ୍ର ତାଙ୍କ ସ୍ବାମୀ ଦେବେନ୍ଦ୍ର ଦାସଙ୍କୁ ବିଜେଡିର ରାଜ୍ୟ ସାଧାରଣ ସମ୍ପାଦକ ପଦବିରେ ଅବସ୍ଥାପିତ କରିବା ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରତିଦ୍ବନ୍ଦ୍ବିତା କରୁଥିବା କଣ୍ଟାବାଞ୍ଜି ଆସନରେ  ନିର୍ବାଚନ ପରିଚାଳନା ଦାୟିତ୍ବ ଦିଆଯାଇଥିଲା। ସୂଚନା ଯୋଗ୍ୟ, ଶ୍ରୀମତୀ ଦାସ ୨୦୧୯ରେ ବରୀରୁ ବିଜେଡି ପ୍ରାର୍ଥୀ ହୋଇ ବିଧାୟକ ନିର୍ବାଚିତ ହୋଇଥିଲେ। ମାତ୍ର ଗତ ନିର୍ବାଚନରେ ଦଳ ତାଙ୍କୁ ଟିକଟ ଦେଇନଥିଲା। ସୁନନ୍ଦା ଦଳ ଛାଡ଼ିବା ଘଟଣା ପରେ ଆହୁରି ଅନେକ ଅସନ୍ତୁଷ୍ଟ ନେତା ଦଳ ପ୍ରତି ବିମୁଖ ଥିବା ଚର୍ଚ୍ଚା ହେଉଛି।