କୋଏଲନଦୀରେ ବୁଡ଼ି ପଞ୍ଚମ ଶ୍ରେଣୀ ଛାତ୍ର ନିଖୋଜ

ରାଉରକେଲା: ଆଜି ପୁଣି ଜଣେ ନାବାଳକ କୋଏଲ ନଦୀରେ ନିଖୋଜ ହୋଇଯାଇଛନ୍ତି। ସ୍କୁଲ ବନ୍ଧୁଙ୍କ ସହ ଗାଧେଇବାକୁ ଯାଇଥି‌ବାବେଳେ ଏହି ଅଘଟଣ ଘଟିଥିଲା। ଏକାସାଙ୍ଗରେ ତିନି ଜଣ ସାଙ୍ଗ ବୁଡ଼ିଯାଇଥିଲେ। ତେବେ ୨ ଜଣ ନାବାଳକଙ୍କୁ ସ୍ଥାନୀୟ ଲୋକ ସୁରକ୍ଷିତ ଉଦ୍ଧାର କରିବାବେଳେ ଅନ୍ୟଜଣେ ନାବାଳକ ନିଖୋଜ ଅଛନ୍ତି। ଦିନସାରା ଖୋଜାଖୋଜି କଲାପରେ ମଧ୍ୟ ନାବାଳକ ପ୍ରତୀକ ବଡ଼ାଇକ(୧୨)ଙ୍କ ପତ୍ତା ମିଳିପାରିନି।