ମାଓ ଦମନ ନେଇ ସୁରକ୍ଷା ବାହିନୀର ଜୋରଦାର ପ୍ରସ୍ତୁତି

ମାଲକାନଗିରି: ବର୍ଷା ଆଗମନ ସହ ଅଧିକ ଉଗ୍ର ହୁଅନ୍ତି ନକ୍ସଲ। ଘଂଚ ଜଂଗଲରେ ଲଗାଣ ବର୍ଷାରେ କୁମ୍ବିଂ ଅପରେସନ ପୁଲିସ ପାଇଁ ସେତେଟା ସହଜ ହୁଏ ନାହିଁ। ଏହାର ସୁଯୋଗ ନେଇ ନକ୍ସଲ ହିଂସା ଘଟାଇ ଚୁପଚାପ ଘଂଜ ଜଂଗଲକୁ ଚାଲିଯାନ୍ତି। ଯଦି ବି ପୁଲିସ ପିଛା କରି ଜଂଗଲକୁ ଯାଏ ସେତେବେଳକୁ ବହୁ ବିଳମ୍ବ ହୁଏ। ସେତିକି ସମୟ ମଧ୍ୟରେ ସୁରକ୍ଷିତ ଭାବେ ନିଜ ନିଜ ଘରକୁ ନିକଟସ୍ଥ ଗ୍ରାମରେ ଯାଇ ଆତ୍ମଗୋପନ କରିଥାନ୍ତି। ତେଣୁ ଚଳିତ ବର୍ଷ ନକ୍ସଲଙ୍କୁ ଉଚିତ ଜବାବ ଦେବା ପାଇଁ ମାଲକାନଗିରି ପୁଲିସ ସମେତ ପଡୋଶୀ ଛତିଶଗଡ଼, ଆନ୍ଧ୍ର ଓ ତେଲେଙ୍ଗାନା ପୁଲିସ ଏବେ ଠାରୁ ରଣନୀତି ପ୍ରସ୍ତୁତ କରି ଅପରେସନ ମନସୁନ ଆରମ୍ଭ କରିଛି।