ମହିଳା କନଷ୍ଟେବଲଙ୍କୁ ଥାନାଧିକାରୀଙ୍କ ଅଶ୍ଳୀଳ ବ୍ୟବହାର!

ରାଉରକେଲା: ବିପର୍ଯ୍ୟସ୍ତ ଆଇନଶୃଙ୍ଖଳାକୁ ନେଇ ଏବେ ଚର୍ଚ୍ଚାରେ ରାଉରକେଲା ପୁଲିସ। ନିୟମିତ ବ୍ୟବଧାନରେ ଗଣଦୁଷ୍କର୍ମ, ନାବାଳିକାଙ୍କୁ ଶାରୀରିକ ଅତ୍ୟାଚାର, ନୃଶଂସ ହତ୍ୟା ଘଟୁଛି। କ୍ରମବର୍ଦ୍ଧିଷ୍ଣୁ ଆପରାଧିକ ଘଟଣା ଯୋଗୁ ପୁଲିସର କାର୍ଯ୍ୟକଳାପ ପ୍ରତି ପ୍ରଶ୍ନବାଚୀ ସୃଷ୍ଟି ହୋଇଥିବାବେଳେ ବରିଷ୍ଠ ପୁଲିସ ଅଧିକାରୀଙ୍କ ଦ୍ବାରା ଅଧସ୍ତନ ମହିଳା ପୁଲିସ କର୍ମଚାରୀଙ୍କୁ ନିର୍ଯାତନା, ଅପବାଦ ଆଣିଛି।

ଦିନକ ପୁର୍ବେ ମହିଳା ସିପାହୀଙ୍କୁ ଅସଦାଚରଣ କରିଥିବା ଅଭିଯୋଗରେ ବନ୍ଧମୁଣ୍ଡା ଥାନାଧିକାରୀଙ୍କୁ ତୁରନ୍ତ ବଦଳି କରାଯାଇଥିବାବେଳେ ଆଜି ଆଉ ଏକ ସଙ୍ଗୀନ ଅଭିଯୋଗ ଆସିଛି ଜଣେ ଥାନାଧିକାରୀଙ୍କ ନାଁରେ। ସହରର ଏକ ଥାନାଧିକାରୀ ମହିଳା କନଷ୍ଟେବଲଙ୍କୁ ଅଶ୍ଳୀଳ ବ୍ୟବହାର କରୁଥିବା ବରିଷ୍ଠ ଅଧିକାରୀଙ୍କ ନିକଟରେ ଅଭିଯୋଗ ହୋଇଛି। ବିଡ଼ମ୍ବନା, କୌଣସି କାରଣରୁ ତିନିମାସ ହେଲା ଅଭିଯୁକ୍ତ ଥାନାଧିକାରୀଙ୍କ ବିରୋଧରେ ତଦନ୍ତ ଆଗେଇ ପାରୁନି।