ଶିକ୍ଷାର ବିକାଶ ପାଇଁ ସର୍ଭେ କରୁଥିଲେ ଶିକ୍ଷକ; ଗଳା କାଟିଦେଲେ ନକ୍ସଲ

ମାଲକାନଗିରି: ନକ୍ସଲମାନେ ବିକାଶ ଚାହୁଁ ନାହାନ୍ତି। ପୁରୁଣା ଶୈଳୀରେ ଜୀବନ ବିତାଇବାକୁ ଚାହାନ୍ତି। ସୀମାନ୍ତ ଛତିଶଗଡ଼ର କାରେଗୁଟ୍ଟା ଜଂଗଲରେ ଅପରେସନକୁ ବନ୍ଦ କରିବା ପରେ ନକ୍ସଲ ହିଂସାତ୍ମକ ହୋଇପଡ଼ିଛନ୍ତି। ମୀନାଗଟ୍ଟାର ଶିକ୍ଷକ ଅଶୋକ ମୁଚାକି ସମେତ ତିନି ଜଣଙ୍କୁ ହତ୍ୟା କରିଛନ୍ତି ନକ୍ସଲ। ଶିକ୍ଷକ ଅଶୋକ ମୁଚାକି ସ୍କୁଲରେ ନାମ ଲେଖାଇଥିବା ପିଲାମାନଙ୍କର ଏକ ସର୍ଭେ କରୁଥିଲେ। ବସ୍ତରର ଗ୍ରାମଗୁଡ଼ିକର ବିକାଶ, ଶିକ୍ଷା ଏବଂ ଆଦିବାସୀଙ୍କ ଉନ୍ନତିକୁ ସମର୍ଥନ କରୁଥିବା ଦାବି କରି ଶାନ୍ତି ଆଲୋଚନା ପାଇଁ ଡାକ ଦେଉଥିବା ନକ୍ସଲବାଦୀମାନେ ଜଣେ ଶିକ୍ଷକ, ଜଣେ ସ୍କୁଲ ରୋଷେୟା ଏବଂ ଜଣେ ଗ୍ରାମବାସୀଙ୍କୁ ହତ୍ୟା କରି ସେମାନଙ୍କର ପ୍ରକୃତ ଚେହେରା ଜନସାଧାରଣଙ୍କ ସମ୍ମୁଖରେ ପ୍ରକାଶ କରିଛନ୍ତି। ଏଠାରେ ନକ୍ସଲମାନେ ରାତି ଅଧରେ ମୀନାଗଟ୍ଟା ସ୍କୁଲରେ କାର୍ଯ୍ୟରତ ଶିକ୍ଷକ ଅଶୋକ ମୁଚାକିଙ୍କୁ ହତ୍ୟା କରିଛନ୍ତି।

ଶିକ୍ଷାଦୂତ ଅଶୋକ ମୁଚାକି ରବିବାର ଦିନ ଗାଁର ଘରଘର ବୁଲି ପ୍ରବାସୀ ପିଲାମାନଙ୍କର ଏକ ସର୍ଭେ କରିଥିଲେ। ଯାହାଦ୍ୱାରା ଏପରି ପିଲାମାନଙ୍କୁ ଶିକ୍ଷାର ମୁଖ୍ୟସ୍ରୋତରେ ଯୋଡିହେବ। ଏହା ମଧ୍ୟ ରିପୋର୍ଟ ହୋଇଛି ଯେ ନକ୍ସଲମାନେ ସ୍କୁଲ ରୋଷେୟା ଏବଂ ଅନ୍ୟ ଜଣେ ଗ୍ରାମବାସୀଙ୍କୁ ମଧ୍ୟ ହତ୍ୟା କରିଛନ୍ତି। ଅଶୋକଙ୍କ ସ୍ତ୍ରୀ ମଧ୍ୟ ସେହି ସ୍କୁଲରେ ଶିକ୍ଷୟିତ୍ରୀ ଭାବରେ କାର୍ଯ୍ୟ କରୁଛନ୍ତି। 

ବିଜାପୁର ଏଏସପି ଚନ୍ଦ୍ରକାନ୍ତ ଗୋବର୍ଣ୍ଣା କହିଛନ୍ତି ଯେ ମାଓବାଦୀଙ୍କ ଦ୍ୱାରା ଶିକ୍ଷକଙ୍କୁ ହତ୍ୟା କରାଯାଇଥିବା ଖବର ମିଳିଛି। ଏହା ବ୍ୟତୀତ ଗତ ତିନି ଦିନ ପୂର୍ବରୁ ସୁକମାର ତାରାଲାଗୁଡ଼ା ଅଞ୍ଚଳର ବେନପାଲି ଗାଁରେ ନକ୍ସଲମାନେ ଡେପୁଟି ସରପଞ୍ଚଙ୍କୁ ହତ୍ୟା କରିଥିଲେ। ୪-୫ ଜଣ ନକ୍ସଲ ଗାଁ ଲୋକଙ୍କ ପୋଷାକ ପିନ୍ଧି ଉପସରପଞ୍ଚ ମୁଚାକି ରାମଙ୍କ ଘରେ ପହଞ୍ଚିଥିଲେ। ସେ ମୁଚାକି ରାମଙ୍କୁ ଘରୁ ବାହାର କରି ଗଳାକାଟି ହତ୍ୟା କରିଥିଲେ। ଲଗାତାର ନକ୍ସଲଙ୍କୁ ଠାରୁ ଧମକ ମିଳୁଥିଲା। ନକ୍ସଲମାନେ ଏହା ପୂର୍ବରୁ ବିଜେପୁର ଜିଲ୍ଲାର ଉସୁର ପୋଲିସ ଷ୍ଟେସନ ଅଞ୍ଚଳରେ ମାରୁ଼ଡବାକା ସୋସାଇଟିର ନିର୍ଦ୍ଦେଶକ ତଥା କଂଗ୍ରେସ ନେତା ନାଗା ଭଣ୍ଡାରୀଙ୍କ ହତ୍ୟା କରିଥିଲେ।

ନାଗା ଭଣ୍ଡାରୀ ଏକ ସାମାଜିକ କାର୍ଯ୍ୟକ୍ରମରେ ଯୋଗଦେବା ପାଇଁ ଗ୍ରାମ ଲିଙ୍ଗପୁର ଯାଇଥିଲେ। ଗୋଟିଏ ପଟେ, ନକ୍ସଲ ନେତାମାନେ ବାରମ୍ବାର ଶାନ୍ତି ଆଲୋଚନାର ପ୍ରସ୍ତାବ ଦେଉଛନ୍ତି, ଅନ୍ୟପଟେ ସେମାନେ ଆଦିବାସୀମାନଙ୍କୁ ମଧ୍ୟ ହତ୍ୟା କରୁଛନ୍ତି। ଦୁଇ ଜଣ  ନକ୍ସଲ ନେତା ଶାନ୍ତି ଆଲୋଚନା ପ୍ରସ୍ତାବ ଦେଇ ଏକ ଚିଠି ଜାରି କରିଥିଲେ। ଏହି ଚିଠିରେ କୁହାଯାଇଥିଲା ଯେ ବନ୍ଧୁକ ଦ୍ୱାରା ସମସ୍ୟାର ସମାଧାନ ହୋଇପାରିବ ନାହିଁ, ବରଂ ଶାନ୍ତି ଆଲୋଚନା ଦ୍ୱାରା ସମାଧାନ ହୋଇପାରିବ। ଏହି ଚିଠିରେ ନକ୍ସଲ ନେତା କହିଛନ୍ତି ଯେ ନକ୍ସଲମାନେ ବସ୍ତରର ବିକାଶ, ଶିକ୍ଷା ଏବଂ ଚିକିତ୍ସା ସପକ୍ଷରେ ଅଛନ୍ତି। ଏହି ହତ୍ୟା ଘଟଣା ପରେ ସବୁ ଭୁଲ ପ୍ରମାଣିତ ହୋଇଛି। 

Malkangiri