ବିସ୍ଫୋରକ, ଅସ୍ତ୍ରଶସ୍ତ୍ର ନେଇ ଯାଉଥିବା ୨ ନକ୍ସଲ ଗିରଫ

ସୀମାନ୍ତ ଛତିଶଗଡ଼ର ସୁକମା ପୁଲିସକୁ ମିଳିଛି ବଡ଼ ସଫଲତା। ନକ୍ସଲଙ୍କ ପାଇଁ ହତିଆର ଓ ବିସ୍ଫୋରକ ନେଇ ଯାଉଥିବା ଦୁଇ ଜଣ ବ୍ୟକ୍ତିଙ୍କୁ ପୁଲିସ କାବୁ କରିଛି। ପିଏଲଜିଏ ବାଟାଲିୟନର ସହରରେ ଥିବା ସହରୀ ନକ୍ସଲ ନକ୍ସଲଙ୍କ ପାଇଁ ବିଭିନ୍ନ ଜିନିଷ ନେଉଥିବା ନେଇ ପୁଲିସ ଖବର ପାଇବା ପରେ ସର୍ଚ୍ଚ ଅପରେସନ ଆରମ୍ଭ କରିଥିଲା।

naxal

ମାଲକାନଗିରି: ସୀମାନ୍ତ ଛତିଶଗଡ଼ର ସୁକମା ପୁଲିସକୁ ମିଳିଛି ବଡ଼ ସଫଲତା। ନକ୍ସଲଙ୍କ ପାଇଁ ହତିଆର ଓ ବିସ୍ଫୋରକ ନେଇ ଯାଉଥିବା ଦୁଇ ଜଣ ବ୍ୟକ୍ତିଙ୍କୁ ପୁଲିସ କାବୁ କରିଛି। ପିଏଲଜିଏ ବାଟାଲିୟନର ସହରରେ ଥିବା ସହରୀ ନକ୍ସଲ ନକ୍ସଲଙ୍କ ପାଇଁ ବିଭିନ୍ନ ଜିନିଷ ନେଉଥିବା ନେଇ ପୁଲିସ ଖବର ପାଇବା ପରେ ସର୍ଚ୍ଚ ଅପରେସନ ଆରମ୍ଭ କରିଥିଲା।

ପୁଲିସକୁ ସୂଚନା ମିଳିଥିବା ଯେ ପାଟନାପାରା ଛକ ନିକଟରେ ଏକ ପରିତ୍ୟକ୍ତ ଘରେ ଦୁଇ ଜଣ ସନ୍ଦିଗ୍ଧ ରହୁଛନ୍ତି। ତୁରନ୍ତ ପୁଲିସ ଘରକୁ ଘେରି ଦୁଇ ଜଣ ବ୍ୟକ୍ତିଙ୍କୁ ଗିରଫ କରି ଯାଞ୍ଚ କରିଥିଲେ। ସେମାନଙ୍କ ନିକଟରୁ ୨ କିଲୋ ୟୁରିଆ ପାଉଡର, ୨ ଡବା ପୋଟାସିୟମ ନାଇଟ୍ରେଟ, ୩ ଡବା ଆଲୁମିନିୟ ପାଉଡର, ୫ ପ୍ୟାକେଟ ପ୍ୟାକିଂ ରାପର, ଗୋଟିଏ ଟିଫିନ ବୋମା, ୨ଟି ଡିଟୋନେଟର, ନକ୍ସଲ ପୁସ୍ତକ, ୨ଟି ମୋବାଇଲ ଓ ସିମ ଏବଂ ଵାକିଟକି ଇତ୍ୟାଦି ଜବତ କରାଯାଇଥିଲା। ଏହି ଦୁଇ ନକ୍ସଲ ହେଲେ ସଂତୋଷ ମଣ୍ଡଳ(୨୮) ଏବଂ ଏସ.ନାଗାର୍ଜୁନ(୩୦)।

ଛତିଶଗଡ଼ର ସୁକମା ନିବାସୀ ସଂତୋଷ ହୋଇଥିବା ବେଳେ ନାଗାର୍ଜୁନ ଆନ୍ଧ୍ରପ୍ରଦେଶର ବାସିନ୍ଦା ଅଟେ। ପୁଲିସ ଦୁଇ ନକ୍ସଲକୁ ଧରି ପଚରାଉଚରା କରୁଛି।

ସମ୍ବନ୍ଧୀୟ ପ୍ରବନ୍ଧଗୁଡ଼ିକ
Here are a few more articles:
ପରବର୍ତ୍ତୀ ପ୍ରବନ୍ଧ ପ Read ଼ନ୍ତୁ
Subscribe