ଏହି ସବୁ ଜିନିଷ ସହ ମିଶାଇ କରନ୍ତୁ ବ୍ୟବହାର, ଦୂର ହେବ କେଶ ଝଡ଼ିବା ସମସ୍ୟା

ଆଜିକାଲି ପ୍ରଦୂଷଣର ମାତ୍ରା ବଢ଼ୁଥିବାରୁ ଏହାର ପ୍ରଭାବ ମଣିଷ ଶରୀର ଉପରେ ପଢ଼ୁଛି । ଖାସ୍‌ କରି କେଶ ଉପରେ ଏହାର ପ୍ରଭାବ ଅଧିକ ପଡ଼ୁଛି । ଶୀତଦିନେ ବାୟୁମଣ୍ଡଳରେ ପ୍ରଦୂଷଣର ମାତ୍ରା ଅଧିକ ଥିବାରୁ ଏହି ଦିନେ କେଶ ଅଧିକ ମାତ୍ରାରେ ଝଡ଼ିଥାଏ । ତେବେ କେଶ ଝଡ଼ିବା ସମସ୍ୟାକୁ ଗ୍ରୀନ୍‌ ଟିର ବ୍ୟବହାର କରି କିପରି ରୋକା ଯାଇପାରିବ ସେ ବିଷୟରେ ଆଜି ଆମେ ଆପଣଙ୍କୁ ଜଣାଇବୁ ।

୧. ପ୍ରଥମେ ୩-୪ଟି ଗ୍ରୀନ୍‌ ଟି ବ୍ୟାଗ୍‌ ନେଇ ୧୦-୧୫ ମିନିଟ୍‌ ଅଧା ଲିଟର ପାଣିରେ ବୁଢ଼ାଇ ରଖନ୍ତୁ । ଏହା ପରେ ସାମ୍ପୋ କରି କେଶକୁ ଭଲ ଭାବରେ ସଫା କରି ସାରିବା ପରେ ଗ୍ରୀନ୍‌ ଟିର ପାଣିରେ କେଶକୁ ଭଲ ଭାବରେ ଧୁଅନ୍ତୁ । ଏହାପରେ ସାଧା ପାଣିରେ କେଶକୁ ଧୋଇ ନିଅନ୍ତୁ । ମାସକୁ ୨-୩ଥର ଏପରି କରିବା ଦ୍ୱାରା କେଶରେ ଫରକ ଜାଣିପାରିବେ ।

medicalnewstoday

୨.ଗ୍ରୀନ୍‌ ଟି ପାଉଡର ନେଇ ଏକ ମିଶ୍ରଣ ତିଆରି କରନ୍ତୁ । ଅନ୍ୟ ଏକ ପାତ୍ରରେ ଅଣ୍ଡାକୁ ଫଟାଇ ସେଥିରେ ଗ୍ରୀନ୍‌ ଟିର ମିଶ୍ରଣ ମିଶାନ୍ତୁ । ଦୁଇଟି ଜିନିଷକୁ ଭଲ ଭାବରେ ମିଶାଇ କେଶରେ ଭଲ ଭାବରେ ମାଲିସ୍ କରନ୍ତୁ । ଗୋଟେ ଘଣ୍ଟା ରଖିବା ପରେ ସଲ୍‌ଫେଟ୍‌ ମୁକ୍ତ ସାମ୍ପୋରେ କେଶକୁ ଧୋଇ ନିଅନ୍ତୁ ।

୩.ଗୋଟେ ପାତ୍ରରେ ଗ୍ରୀନ୍‌ ଟି ତିଆରି କରିବା ସହ ସେଥିରେ ଲେମ୍ବୁର ରସ ମିଶାଇ ଭଲ ଭାବରେ ମିଶାଇ ଦିଅନ୍ତୁ । ଏହି ମିଶ୍ରଣରେ ନଡ଼ିଆ ତେଲ ମିଶାଇ କେଶରେ ଭଲ ଭାବରେ ମାଲିସ କରନ୍ତୁ । ୪-୫ମିନିଟ୍‌ ମାଲିସ କରିବା ପରେ ଅଧଘଣ୍ଟା ରଖି ଧୋଇ ନିଅନ୍ତୁ । ଫରକ ଜାଣି ପାରିବେ ।