କରୋନା ପାଇଁ ଏବେ ଘରେ ଘରେ ଲେମ୍ବୁ: ମାତ୍ରାଧିକ ଲେମ୍ବୁ ଖାଇବା ଦ୍ବାରା ଉପୁଜିଥାଏ ଏହି ସବୁ ସମସ୍ୟା

ଅନେକ ଲୋକ ପ୍ରତିଦିନ ନିଜର ଓଜନ କମ୍‌ କରିବା ପାଇଁ ସକାଳେ ଲେମ୍ବୁ ମିଶ୍ରିତ ଗରମ ପାଣି ପିଅନ୍ତି। ଯେଉଁମାନେ ଏଥିରେ ଅଭ୍ୟସ୍ତ ସେମାନଙ୍କ ପାଇଁ ଏହି ଖାସ୍‌ ଖବର। ଯଦି ଆପଣ ଭାବୁଥିବେ ଯେ ଲେମ୍ବୁ ପାଣି ପିଇଲେ ଦେହ ଭଲ ରହିବ ଓ ଓଜନ କମିବ, ତେବେ ଆପଣ ଭୁଲ୍‌ ମନେ କରୁଛନ୍ତି। ଜାଣନ୍ତୁ, ଲେମ୍ବୁ ମିଶ୍ରତ ଗରମ ଜଳ ପିଇଲେ ଶରୀରର କି କି କ୍ଷତି ସବୁ ହୋଇଥାଏ। ବିଶେଷ କରି କରୋନା କାଳରେ ଅନେକ ଲୋକ ଅଧିକ ପରିମାଣର ଲେମ୍ବୁ ଖାଇବା ଅଭ୍ୟାସ କରିଛନ୍ତି।

ଅଧିକ ମାତ୍ରାରେ ଲେମ୍ବୁ ସେବନ ଫଳରେ ଶରୀରରେ ଭିଟାମିନ୍‌ ସି ପରିମାଣ ଶରୀରରେ ଆବଶ୍ୟକତାଠାରୁ ବେଶି ହୋଇଯାଏ। ଏହା ଯୋଗୁ ଶରୀରରେ ଏସିଡିଟିର ସମସ୍ୟା ଉପୁଜିପାରେ। ଏଣୁ ମନେ ରଖନ୍ତୁ ଯଦି ଲେମ୍ବୁ ପାଣି ପିଉଛନ୍ତି, ତେବେ ଦିନକୁ ଦୁଇ କପ୍‌ରୁ ଅଧିକ ପିଅନ୍ତୁ ନାହିଁ।

ଲେମ୍ବୁରେ ସାଇଟ୍ରିକ ଏସିଡ୍‌ ଥାଏ, ଯାହା ଆମର ଦାନ୍ତର କୋଟିଂର କ୍ଷତି କରିଥାଏ। ଯେତେବେଳେ ଲେମ୍ବୁ ପାଣି ପିଉଛନ୍ତି, ସେତେବେଳେ ଷ୍ଟ୍ର ଲଗାଇ ପିଅନ୍ତୁ।

ଅଧିକ ମାତ୍ରାରେ ଲେମ୍ବୁ ପାଣି ପିଇଲେ ଶରୀରେ ଥିବା ଜରୁରୀ ପୋଷକ ତତ୍ତ୍ୱ ଶୁଷ୍କ ହୋଇଯାଏ ଓ ଶରୀରରେ ଜଳୀୟ ଅଂଶ ହ୍ରାସ ପାଇଯାଏ। ଖାଲି ସେତିକି ନୁହେଁ ଏହା ଫଳରେ ଷ୍ଟୋନ୍‌ ହେବାର ମଧ୍ୟ ଆଶଙ୍କା ରହିଛି।

ଅନେକ ସମୟରେ ତୈଳାକ୍ତ ଖାଦ୍ୟ ଖାଇବା ପରେ ତାକୁ ହଜମ କରିବା ଉଦ୍ଦେଶ୍ୟରେ ଆମେ ଲେମ୍ବୁ ପାଣି ପିଇଥାନ୍ତି। ମାତ୍ର ଆମେ ଭୁଲି ଯାଉ ଯେ, ଏହା ଫଳରେ ପେଟରେ ଅମ୍ଳର ମାତ୍ରା ବଢ଼ିଯାଏ।