ଏବେ ଘରେ ଘରେ ଥଣ୍ଡା ଜ୍ବର: ଅଦା ବଢ଼ାଇବ ରୋଗ ପ୍ରତିରୋଧକ ଶକ୍ତି, କରନ୍ତୁନି ହେଳା

ଏବେ ସମସ୍ତଙ୍କୁ ହେଉଛି ଥଣ୍ଡା ଜ୍ବର। ପାଗ ବରିବର୍ତ୍ତନ ହେତୁ ଜ୍ବର ଏବେ ଘରେ ଘରେ। ଔଷଧ ଖାଇଲେ ତ ଉପଶମ ପାଇବେ। ମାତ୍ର ଘରୋଇ ଉପାୟରେ ବି ଏହି ଥଣ୍ଡାକୁ ନିୟନ୍ତ୍ରଣ କରାଯାଇପାରିବ। ରୋଗ ପ୍ରତିରୋଧକ ଶକ୍ତି କମ୍‌ ଥିଲେ ବାରମ୍ବାର ଦେହ ଖରାପ ହୋଇଥାଏ। ମାତ୍ର ରୋଗ ପ୍ରତି‌ରୋଧକ ଶକ୍ତି ବଢ଼‌ାଇବାର ସବୁଠାରୁ ଭଲ ଉପାୟ ହେଉଛି ଅଦା।

ଆପଣମାନେ ସମସ୍ତେ ଜାଣନ୍ତି ଯେ ଅଦା ଏକ ଏପରି ମସଲା ଯାହା କେବଳ ତରକାରୀକୁ ସୁଆଦିଆ କରେ ନାହିଁ, ବରଂ ଏଥିରେ ବହୁ ଉପକାରୀ ଗୁଣ ମଧ୍ୟ ରହିଛି। ଅଦାରୁ ଶରୀରକୁ ପୋଷଣ ମିଳିଥାଏ। ଏହା ଶରୀର ପାଇଁ ଖୁବ ଭଲ। ବିଶେଷକରି ମସ୍ତିଷ୍କ ପାଇଁ ଅଦା ଅତି ଭଲ ହୋଇଥାଏ। ଏହାକୁ ଅନେକ ପ୍ରକାର ମସଲାରେ ବ୍ୟବହାର କରି ହେବ। ପ୍ରତିଦିନ ଅଦା ଖାଇବା ଦ୍ୱାରା ଶରୀର ସୁସ୍ଥ ରହିଥାଏ ବୋଲି ଡାକ୍ତରମାନେ ପରାମର୍ଶ ଦେଇଛନ୍ତି।