ଇଣ୍ଟର୍‌ନେଟ୍‌ରେ ଭାଇରାଲ୍‌ ହେଉଛନ୍ତି ଜେଜେମାଆ: ୬୮ ବର୍ଷ ବୟସରେ ଜିମ୍‌ ଯାଇ ନିଜକୁ ରଖୁଛନ୍ତି ଫିଟ୍‌

ନୂଆଦିଳ୍ଲୀ: ନିଜକୁ ଫିଟ୍ ରଖିବା ପାଇଁ ଭଲ ଖାଦ୍ୟ ଏବଂ ପାନୀୟ ସହିତ ବ୍ୟାୟାମ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯୋଗ କରିବାରୁ ନେଇ ଧ୍ୟାନ, ଚାଲିବା ଏବଂ ଅନେକ କାର୍ଯ୍ୟକଳାପ ଅଛି ଯାହା ନିୟମିତ କରିବା ଦ୍ବାରା ଶରୀର ଫିଟ୍‌ ରହିଥ‌ାଏ।

ଏହା ସହିତ ମନ ମଧ୍ୟ ସକ୍ରିୟ ରହିଥାଏ। ଅଧିକାଂଶ ଲୋକ ଭାବନ୍ତି ଯେ ବୟସ୍କ ଲୋକମାନଙ୍କ ପାଇଁ ଜିମ୍ ଯିବା ଠିକ୍ ନୁହେଁ। ସେମାନେ କେବଳ ହାଲୁକା ବ୍ୟାୟାମ କରିବା କିମ୍ବା ଚାଲିବା ଉଚିତ୍। ନିକଟରେ ଇଣ୍ଟରନେଟରେ ଭାଇରାଲ ହେଉଥିବା ଭିଡିଓ ଏକ ଭିନ୍ନ କାହାଣୀ କହୁଛି। ଏଥିରେ ଜଣେ ୬୮ ବର୍ଷ ବୟସ୍କା ମହିଳା ଓଜନ ଉଠାଉଥିବାର (ୱେଟ୍‌ ଲିଫ୍ଟିଂ କରୁଥିବାର) ଦେଖାଯାଏ, ଯାହା  ଏବେ ସଭିଙ୍କ ପ‌ାଇଁ ପ୍ରେରଣା ପାଲଟିଛି।

ଏହି ଭାଇରାଲ୍ କ୍ଲିପ୍‌ରୁ ଜଣେ ଇନଷ୍ଟାଗ୍ରାମ ବ୍ୟବହାରକାରୀ ତାଙ୍କ ଆକାଉଣ୍ଟ୍‌ରେ ସେୟାର୍‌ କରିଛନ୍ତି। ସେ ପୂର୍ବରୁ ନିଜ ପେଜ୍‌ରେ ଏହିପରି ଅନେକ ପୋଷ୍ଟ ସେୟାର କରିଛନ୍ତି। ଏହି ପୋଷ୍ଟ୍‌ରେ ଇନ୍‌ଷ୍ଟା ବ୍ୟବହାରକାରୀ ତାଙ୍କ ମା’ଙ୍କର ଏକ ଭିଡିଓ ସୁଟିଂ କରାଯାଇଛି। ଅଜୟଙ୍କ ମା’ଙ୍କୁ ୬୮ ବର୍ଷ ବୟସ।

ଭାରତରେ ଏହି ବୟସର ମହିଳାମାନେ ପୂଜାରେ ଜଡ଼ିତ ହୋଇ ଭଗବାନଙ୍କ ନାମ ଜପ କରିବା ଆରମ୍ଭ କରନ୍ତି। ବ୍ୟାୟାମ ତ ଦୂର କଥା। କେହି କେହି ଯୋଗ କରିଥାନ୍ତି। କିନ୍ତୁ ତାଙ୍କ ମା’ ଜିମ୍ ଯାଇ ସ୍ୱାସ୍ଥ୍ୟର ଉନ୍ନତି ପାଇଁ ଚେଷ୍ଟା କରୁଛନ୍ତି। ଯାହାକୁ ଦେଖିବା ପରେ ଅନ୍ୟ ବୟସ୍କମାନେ ବି ଫିଟ୍‌ ରହିବାକୁ ପ୍ରେରିତ ହୁଅନ୍ତି। ଏକ ସପ୍ତାହ ପୂର୍ବରୁ ସେୟାର ହୋଇଥିବା ଏହି ଭିଡିଓ ଦେଖିବା ପରେ ଲୋକମାନେ ଅନୁପ୍ରାଣିତ ହେଉଛନ୍ତି।