ଜିଭର ରଙ୍ଗ ଓ ସଙ୍କେତରୁ ଜାଣନ୍ତୁ ଆପଣଙ୍କ ସ୍ୱାସ୍ଥ୍ୟବସ୍ଥା

ଜାଣିଥା’ନ୍ତୁ ଯେ, ଆପଣଙ୍କ ଜିଭର ରଙ୍ଗ ଓ ସଙ୍କେତ ଜଣାଇଥାଏ ଆପଣଙ୍କ ସ୍ୱାସ୍ଥ୍ୟବସ୍ଥା ବିଷୟରେ। ଜାଣନ୍ତୁ ଜିଭର ରଙ୍ଗ ଓ ସଙ୍କେତ କିପରି ଦେଖାଗଲେ ତାହା କେଉଁ ପ୍ରକାରର ଶାରୀରିକ ସମସ୍ୟାର ଶିକାର ହୋଇଛନ୍ତି ଆପଣ।

ସାଧାରଣତଃ ଯେଉଁ ବ୍ୟକ୍ତିଙ୍କ ଜିଭର ରଂଗ ହାଲ୍‌କା ଗୋଲାପି ଏବଂ ସେଥିରେ କୌଣସି ଦାଗ ଦେଖା ଯାଇ ନ ଥାଏ, ତେବେ ତାହା ସୁସ୍ଥ ଜିଭ ହୋଇଥାଏ।

ଯଦି ଆପଣ ଖାଉଥିବା ଔଷଧ ପାର୍ଶ୍ୱପ୍ରତିକ୍ରିୟା ହେଉଛି ତେବେ ଜିଭର ରଙ୍ଗ ବାଇଗଣୀ ହୋଇଯିବ।

ଜିଭ ଯଦି ଗାଢ଼ା ଲାଲ୍‌ ରଙ୍ଗ ହୋଇଛି ତେବେ ଆପଣଙ୍କୁ ଥଣ୍ଡା କିମ୍ବା ଅନ୍ୟ କିଛି ସଂକ୍ରମଣ ହୋଇଛି। ଏଥିସହିତ ଏହା ମଧ୍ୟ ଭିଟାମିନ୍‌ ବି ଏବଂ ଆଇରନ୍‌ ଅଭାବର ସଙ୍କେତ ହୋଇଥାଏ।

ଜିଭରେ ହଳଦିଆ ରଂଗ ଦେଖାଯିବା ହେଉଛି ଥଣ୍ଡା ଜ୍ୱର ଜନିତ ସମସ୍ୟାର ସୂଚନା। ଭାଇରାଲ୍‌ ସଂକ୍ରମଣ ଓ ଅନ୍ତଃନଳୀ ସମସ୍ୟା ମଧ୍ୟ ଜିଭର ରଙ୍ଗକୁ ହଳଦିଆ କରିଥାଏ। ଏହା ବ୍ୟତୀତ ଆପଣଙ୍କଠାରେ ଭିଟାମିନ୍‌ ୧୨ର ଅଭାବ ହେଲେ ମଧ୍ୟ ଜିଭ ହଳଦିଆ ରଙ୍ଗର ହୋଇଯାଏ।

ଯଦି ଜିଭରେ ଛୋଟ ଛୋଟ କଟାଯାଇଥିବା ଭଳି ଚିହ୍ନ ଦେଖାଦିଏ, ତେବେ ଜାଣନ୍ତୁ ଯେ ଆପଣଙ୍କର ରୋଗ ପ୍ରତିରୋଧକ ଶକ୍ତି କମି କମି ଯାଉଛି। ଏମିତିରେ ଆପଣ ଯଥାସମ୍ଭବ ଡାକ୍ତରଙ୍କ ଠାରୁ ପରାମର୍ଶ ନିଅନ୍ତୁ।

ଯଦି ଆପଣଙ୍କ ଜିଭରେ ଧଳା ରଙ୍ଗର ମୋଟା ଲେୟର୍‌ ଗୋଟେ ପଡ଼ିଛି, ତା’ହେଲେ ଏହା ଖରାପ ପାଚନକ୍ରିୟା ଓ ଏସିଡିଟିର ସଙ୍କେତ ଅଟେ। ଏହା ଭାଇରଲ୍‌ ଇନ୍‌ଫେକ୍‌ସନ୍‌ର ସଙ୍କେତ ମଧ୍ୟ ହୋଇପାରେ।

ଯଦି ଜିଭର ରଙ୍ଗ ହାଲ୍‌କା ହଳଦିଆ ହୋଇଯାଇଛି, ତେବେ ସଚେତନ ହୁଅନ୍ତୁ। କାରଣ ଏହା – ରକ୍ତହୀନତା, ଦୁର୍ବଳତା ଓ ନିଦ୍ରାହୀନତା ଆଦିର ସଙ୍କେତ ହୋଇଥାଏ।