ଭୁବନେଶ୍ବରରେ ଦୁର୍ବୁତ୍ତର ଛୁରାମାଡ଼ରେ ଜଣେ ଆହତ, ଏମ୍‌ସରେ ଭର୍ତ୍ତି

ଭୁବନେଶ୍ବର: ରାଜଧାନୀ ଭୁବନେଶ୍ବର ଆଜି ଜଣେ ବ୍ୟକ୍ତିଙ୍କୁ ଛୁରାମାଡ଼ ହୋଇଥିବା ସୂଚନା ମିଳିଛି। ଭୁବନେଶ୍ୱର ତମାଣ୍ଡୋ ଥାନା ନିକଟରେ ବ୍ୟକ୍ତି ଜଣକ ଛୁରାମାଡ଼ର ଶିକାର ହୋଇଛନ୍ତି।
ଛୁରାମାଡ଼ରେ ଆହତ ହୋଇଥିବା ବ୍ୟକ୍ତି ଜଣଙ୍କ ସ୍ଥାନୀୟ ବାଲିଆପଡ଼ାର ହୋଇଥିବା ବିଶ୍ବସ୍ତ ସୂତ୍ରରୁ ଜଣାପଡ଼ିଛି । ଆହତ ବ୍ୟକ୍ତି ଜଣଙ୍କୁ ପୁଲିସ ଉଦ୍ଧାର କରି ଏମ୍ସ ହସ୍ପିଟାଲରେ ଭର୍ତ୍ତି କରିଛି।
ତେବେ ଦୁର୍ବୁତ୍ତ ଆହତ ବ୍ୟକ୍ତିଙ୍କ ଠାରୁ ମୋବାଇଲ ଓ ଟଙ୍କା ଛଡାଇ ନେଇଥିବା ସୂଚନା ମିଳିଛି ।

ସୂଚନା ଅନୁସାରେ ବ୍ୟକ୍ତିଙ୍କୁ ଆକ୍ରମଣ କରି ମୋବାଇଲ ଓ ଟଙ୍କା ଲୁଟି ନେବାପରେ ଦୁର୍ବୁତ୍ତ ନିକଟସ୍ଥ କାଜୁ ଜଙ୍ଗଲରେ ଲୁଚିଛି। ପୁଲିସ ଛୁରାମାଡ଼ କରିଥିବା ଦୁର୍ବୁତ୍ତକୁ ଖୋଜା ଖୋଜି କରୁଛି ।
ଅଭିଯୁକ୍ତକୁ ଶୀଘ୍ର ଗିରଫ କରିବ ବୋଲି ପୁଲିସ କହିଛି। ତେବେ ଏହି ଘଟଣାକୁ କେନ୍ଦ୍ର କରି ସ୍ଥାନୀୟ ଅଂଚଳରେ ଉତ୍ତେଜନା ପ୍ରକାଶ ପାଇଥିଲା। ସ୍ଥାନୀୟ ଅଂଚଳର ଲୋକେ ଦୁଇ ଘଣ୍ଟା ହେବ ତମାଣ୍ଡୋ ଥାନ ଆଗରେ ରାଜ ରାସ୍ତାକୁ ଅବରୋଧ କରିଥିଲେ।