ଆସୁଛନ୍ତି ସଦ୍‌ଗୁରୁ ଜାଗୀ ବାସୁଦେବ

ଭୁବନେଶ୍ୱର: ଅଲୌକିକ କଳିଙ୍ଗ-ଅନ୍ତର୍ଜାତୀୟ କବିତା ମହୋତ୍ସବର ଆସନ୍ତା ୨୨ ଏବଂ ୨୩ ତାରିଖ ଦୁଇଦିନ ଧରି ଅନୁଷ୍ଠିତ ହେବ। ବିଶ୍ୱ ପ୍ରସିଦ୍ଧ ଅଲୌକିକ ଏବଂ ଯୋଗୀ ସଦ୍‌ଗୁରୁ ଜାଗୀ ବାସୁଦେବ ଏହି ମହୋତ୍ସବକୁ ଉଦ୍‌ଘାଟନ କରିବେ। ଭୁବନେଶ୍ୱରରେ ହେବାକୁ ଥିବା ଏହି ଦୁଇଦିନିଆ ମହୋତ୍ସବରେ ବହୁ ଖ୍ୟାତାନାମା କବି ଯୋଗଦେବେ ବୋଲି ଅଲୌକିକ କଳିଙ୍ଗର ପ୍ରତିଷ୍ଠାତା ତଥା ସଭାପତି ରଶ୍ମିରଞ୍ଜନ ପରିଡ଼ା ଆଜି ହୋଟେଲ ମାରିଅନରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି।

ଶ୍ରୀ ପରିଡ଼ା କହିଲେ, ମହୋତ୍ସବରେ ଅତୀତ, ବର୍ତମାନ ଏବଂ ଭବିଷ୍ୟତ ସହ କଳା, ସଂସ୍କୃତି, ରଚନାତ୍ମକ ସମ୍ବାଦର ଦିଗ ଉପରେ ଆଲୋଚନା କରାଯିବ। ଓଡ଼ିଆ, ବେଙ୍ଗଲି, ହିନ୍ଦୀ, ଊର୍ଦୁ ଏବଂ ଇଂରାଜୀ ଭାଷାରେ ପ୍ରଥମଥର ପାଇଁ ବହୁ ଭାଷୀୟ କବିତା ସମ୍ମିଳନୀ ହେବ। ଭାରତୀୟ ସାହିତ୍ୟ କ୍ଷେତ୍ରର ପ୍ରମୁଖ ବ୍ୟକ୍ତି ଅମରେଶ ପଟ୍ଟନାୟକ, ଅରୁଣା ମହାନ୍ତି, ଅରୁନ୍ଧତୀ ସୁବ୍ରମଣ୍ୟମ, ଅଶୋକ ବାଜପେୟୀ, ଅସିତ ମହାନ୍ତି, ଆଶୁତୋଷ ପରିଡ଼ା, ବଳଦେବ ମହାରଥା, ସେସିଲିଆ ଜି. ଆର୍ଟଟେ୍‌ସ, ଡ. ବିଜୟ ରଥ, ସୁବାସ ପାଣି, ମୃଣାଳ ଚାଟାର୍ଜୀ, ଦୁର୍ଗା ପଣ୍ଡା, ଫନି ମହାନ୍ତି, ଗାୟତ୍ରୀବାଳା ପଣ୍ଡା, ହରିହର ମିଶ୍ର, ଜାକବ ଆଇଜାକ୍‌, ଜୟନ୍ତ କୃପାଳିନୀ, ଜୟନ୍ତ ମହାପାତ୍ର, ଜିଙ୍ଗ ରିଆନା-ଜର୍ଜ, ଜିତେନ୍ଦ୍ର ମିଶ୍ର, ହାସାନ କାଜମୀ, ପାରମିତା ଶତପଥୀ, ପ୍ରଣେଶ ପ୍ରସାଦ, ପ୍ରତିଭା ରାୟ, ପ୍ରତିଭା ଶତପଥୀ, ଆର.କେ. ଦାଶ, ରମାକାନ୍ତ ରଥ, ରୁଚିତା କାଜାରିଆ, ସୟରା ସାହ ହଲିମ୍‌, ସତ୍ୟାର୍ଥ ନାୟକ, ସକିଲ୍‌ ଆଜମି, ସୀତାକାନ୍ତ ମହାପାତ୍ର, ସୌଭାଗ୍ୟ ମିଶ୍ର, ଜୀବନ ପଟ୍ଟନାୟକ, ସୁଜିତ ମହାପାତ୍ର, ସୂର୍ଯ୍ୟ ମିଶ୍ର, ବିକ୍ରମ ନାୟକ, ବିନୋଦ ଦୁଆ, ମମତା ଦାଶ, ନସିମ ନିଖତ, ପ୍ରଭାସିନୀ ମହାକୁଡ ପ୍ରମୁଖ ଅତିଥିଭାବେ ଯୋଗଦେବେ। ସୁଶ୍ରୀ ଅରୁନ୍ଧତୀ ସୁବ୍ରମଣ୍ୟମଙ୍କୁ ଅନ୍ତର୍ଜାତୀୟ ଭାଷା, ନବନିତା ଦେବ ସେନଙ୍କୁ ବଙ୍ଗଳା ଭାଷା ଏବଂ ସୌଭାଗ୍ୟ କୁମାର ମିଶ୍ରଙ୍କୁ ଓଡ଼ିଆ ଭାଷା ଲାଗି ଅଲୌକିକ କଳିଙ୍ଗ ସାହିତ୍ୟ ସମ୍ମାନ-୨୦୧୭ ପ୍ର୍ରଦାନ କରାଯିବ। ସାମ୍ବାଦିକ ସମ୍ମିଳନୀରେ ପ୍ରଫେସର କମଳାକାନ୍ତ ଦାସ, ଦେବାଶିଷ ସୁନ୍ଦରାୟ ପ୍ରମୁଖ ଉପସ୍ଥିତ ଥିଲେ।