ଉତ୍କଳ ସମ୍ମିଳନୀର କେନ୍ଦ୍ରୀୟ କମିଟି କର୍ମକର୍ତ୍ତା ନିର୍ବାଚନ

ଭୁବନେଶ୍ୱର: ୧୩ ବର୍ଷ ପରେ ଉତ୍କଳ ସମ୍ମିଳନୀର କେନ୍ଦ୍ରୀୟ କମିଟି କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଛି। ବୁଦ୍ଧ ମନ୍ଦିରରେ ଆୟୋଜିତ ଏହି କାର୍ଯ୍ୟକ୍ରମରେ ବିଦାୟୀ ସଭାପତି ବସନ୍ତ କୁମାର ତ୍ରିପାଠୀ ଅଧ୍ୟକ୍ଷତା କରିଥିଲେ। ପରିଷଦ ବୈଠକରେ ନ୍ୟାୟମୂର୍ତ୍ତି ଚିତ୍ତରଞ୍ଜନ ଦାଶ ଓ ରାଜ୍ୟବିଧି ଆୟୋଗ ସଦସ୍ୟ ଆଇନଜୀବୀ ସୈାରଚନ୍ଦ୍ରମହାପାତ୍ର ଉପସ୍ଥିତ ରହିଥିଲେ। ସାଧାରଣ ସମ୍ପାଦକ ରାଧାନାଥ ପ୍ରହରାଜ ସମ୍ପାଦକୀୟ ବିବରଣୀ ଉପସ୍ଥାପନ କରିଥିଲେ। ନିର୍ବାଚନ କମିସନ ରୂପେ କ୍ଷେତ୍ରମୋହନ ସାମନ୍ତରା, ରଞ୍ଜନ ରାଉତ ଓ ନିର୍ବାଚନ ଅଧିକାରୀ ରୂପେ ତାପସ ରଞ୍ଜନ ମିଶ୍ର ଦାୟିତ୍ବ ନିର୍ବାହ କରିଥିଲେ। ସୈାରଚନ୍ଦ୍ର ମହାପାତ୍ର ସଭାପତି ଭାବେ ନିର୍ବାଚିତ ହୋଇଥିଲେ। ୭ ଜଣ ଉପସଭାପତି ପ୍ରଫେସର ପୂର୍ଣ୍ଣଚନ୍ଦ୍ର ମଲ୍ଲିକ, ପ୍ରଫେସର କାଶୀନାଥ ରଥ, ଶ୍ରୀକାନ୍ତ ମିଶ୍ର, ସୁରେନ୍ଦ୍ରନାଥ ମହାନ୍ତି, ପ୍ରଦୀପ୍ତ କୁମାର ଦାଶ (ଝାଡ଼ଖଣ୍ଡ), ସନ୍ତୋଷ କୁମାର ରାଉତ, ଲକ୍ଷ୍ମୀଧର ଦାଶ ନିର୍ବାଚିତ ହୋଇଥିଲେ। ସାଧାରଣ ସମ୍ପାଦକ ଭାବେ ରାଧାନାଥ ପ୍ରହରାଜ ଓ ୭ ଜଣ ସମ୍ପାଦକ ରୂପେ ବାନାମ୍ବର ପରିଡ଼ା, ଜୟନ୍ତୀ ପଢ଼ିଆରୀ, ହରିହରମିଶ୍ର, ବିରଞ୍ଚିନାରାୟଣ ଦାଶ, ପ୍ରଦୀପ୍ତ କୁମାର ମହାରଣା, ଶିବପ୍ରସାଦ ପଣ୍ଡା (ଆନ୍ଧ୍ର ପ୍ରଦେଶ) ଓ ସ୍ୱାଗତିକା ରାଉତ ନିର୍ବାଚିତ ହୋଇଥିଲେ। କୋଷାଧ୍ୟକ୍ଷ ଭାବେ ତ୍ରିନାଥ ସାମନ୍ତରାୟ ନିର୍ବାଚିତ ହୋଇଥିଲେ। ଏଥି ସହିତ କାର୍ଯ୍ୟ ନିର୍ବାହୀ ସମିତିରେ ୫୮ଜଣ ସଦସ୍ୟ ନିର୍ବାଚିତହୋଇଥିଲେ।