ଷୋଳପୂଜାରେ ଅଷ୍ଟଚଣ୍ଡୀ, ଗୌରୀ ଓ ଭୁବନେଶ୍ବରୀଙ୍କ ବିବିଧ ବେଶ

ପୁରୁଣା ଭୁବନେଶ୍ୱର: ଆସନ୍ତା ୧୪ତାରିଖ ଆଶ୍ୱିନ ଶୁକ୍ଳପକ୍ଷ ମୂଳାଷ୍ଟମୀ ତିଥିରୁ ଦୈବୀ ପାର୍ବଣର ପ୍ରଥମ ପର୍ବ ଷୋଡ଼ଶ ଉପଚାର ପୂଜା ଆରମ୍ଭ ହେବ। ୨୯ ତାରିଖ ପର୍ଯ୍ୟନ୍ତ ଏହି ପୂଜା ବିଧି ଅନୁଷ୍ଠିତ ହେବ। ଏକାମ୍ର କ୍ଷେତ୍ରସ୍ଥିତ ଅଷ୍ଟଚଣ୍ଡୀଙ୍କ ପୀଠ ସମେତ ବିଭିନ୍ନ ଦେବୀ ପୀଠରେ ଷୋଳ ପୂଜା ଆରମ୍ଭ ହେବ। ଏହି ଅବସରରେ ଭକ୍ତ ଓ ଶ୍ରଦ୍ଧାଳୁମାନେ ଅଷ୍ଟଚଣ୍ଡୀ, ମା’ ଗୌରୀ ଓ ଶ୍ରୀ ଲିଙ୍ଗରାଜ ମନ୍ଦିରରେ ପୂଜା ପାଉଥିବା ମା’ ଭୁବନେଶ୍ବରୀଙ୍କୁ ବିଭିନ୍ନ ବେଶ‌ରେ ଦର୍ଶନ କରିବାର ସୁଯୋଗ ପାଇବେ।