ମୁଁ ଜିଣିବି, ବିଜୟ ବ୍ୟବଧାନ ନିର୍ଦ୍ଧାରଣ କରିବେ ସର୍ବସାଧାରଣ: ରାଜନାଥ ସିଂହ

ନୂଆଦିଲ୍ଲୀ: ଲକ୍ଷ୍ନୌ ଲୋକସଭା ନିର୍ବାଚନ ମଣ୍ଡଳୀର ଗୋମତି ନଗର ଭୋଟ୍‌ ଦାନ କେନ୍ଦ୍ରରେ ପ୍ରଥମେ ଆସିଥିବା ମତଦାତାଙ୍କ ମଧ୍ୟରେ ଥିଲେ କେନ୍ଦ୍ରମନ୍ତ୍ରୀ ଗୃହମନ୍ତ୍ରୀ ତଥା ବିଜେପି ପ୍ରାର୍ଥୀ ରାଜନାଥ ସିଂହ। ୨୦୧୪ ନିର୍ବାଚନରେ ସେ ଦୁଇ ଲକ୍ଷ ବ୍ୟବଧାନରେ ଭୋଟ୍‌ ଜିଣିଥିଲେ।

ସପରିବାର ଭୋଟ୍‌ ଦେବାକୁ ଆସିଥିବା ରାଜନାଥ ସକାଳ ୭: ୩୦ରେ ଭୋଟ୍‌ ଦେଇ ସାରିବା ପରେ କହିଲେ: ମୁଁ ଲକ୍ଷ୍ନୌରେ ବିଜୟୀ ହେବି... ବିଜୟ ବ୍ୟବଧାନ ଲୋକେ ସ୍ଥିର କରିବେ। ତାହା ମୋ ଲକ୍ଷ୍ନୌ ଲୋକଙ୍କ ହାତରେ ଛାଡ଼ିଲି। ବିଜେପି ସ୍ପଷ୍ଟ ବହୁମତ ପାଇବ। ଏନ୍‌ଡିଏ ମଧ୍ୟ ଦୁଇ ତୃତୀୟାଂଶ ସଂଖ୍ୟାଗରିଷ୍ଠତା ପାଇ ପାରେ। ମୁଁ ସବୁ ଭୋଟର୍‌ମାନଙ୍କୁ ନିବେଦନ କରୁଛି, ସେମାନେ ସପରିବାର ଆସି ସେମାନଙ୍କ ଅଧିକାର ସାବ୍ୟସ୍ତ କରନ୍ତୁ।

ସକାଳ ୭ଟାରେ ଭୋଟ୍‌ ଗ୍ରହଣ ଆରମ୍ଭ ହେବାର ବହୁ ପୂର୍ବରୁ କେତେକ ବୁଥ୍‌ ସାମ୍ନାରେ ଲୋକେ ଧାଡ଼ିବାନ୍ଧି ଠିଆ ହୋଇଥିଲେ। ସବୁଠୁ କ୍ଷୁଦ୍ର ପର୍ଯ୍ୟାୟ ୫ ପର୍ଯ୍ୟାୟ ସାଂସଦୀୟ କ୍ଷେତ୍ର ପଶ୍ଚିମବଙ୍ଗ ଏବଂ ଜମ୍ମୁ ଓ କଶ୍ମୀରର ଅନନ୍ତନାଗ ଏବଂ ଲଦାଖ ଛଡ଼ା ସମଗ୍ର ହିନ୍ଦୀ ଭାଷାଭାଷୀ ରାଜ୍ୟଗୁଡ଼ିକରେ ନିର୍ବାଚନ ଅନୁଷ୍ଠିତ ହେଉଛି।