ପାଟ୍ନା: ବିହାରର ପାଟ୍ନାଠାରେ ଥିବା ଗାନ୍ଧି ମୈଦାନରେ କଂଗ୍ରେସର ନିର୍ବାଚନ ରାଲିରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ଭୀଷଣ ଗର୍ଜିଛନ୍ତି । ବିଜେପି ସରକାରକୁ ସେ ରାଫେଲ୍ ଚୁକ୍ତିରୁ ନେଇ କୃଷକମାନଙ୍କ ସକାଶେ କରାଯାଇଥିବା କ୍ୟାସ୍ ଟ୍ରାନ୍ସଫର୍ ସ୍କିମ୍ ପାଇଁ ଦୋଷୀ କରି ସମାଲୋଚନା କରିଛନ୍ତି। ଏହା ବ୍ୟତୀତ କଂଗ୍ରେସ ଅଧ୍ୟକ୍ଷ ରାହୁଲ କୃଷକମାନଙ୍କୁ ଋଣମୁକ୍ତ କରିବା ସହ ସମସ୍ତ ପରିବାରକୁ ସର୍ବନିମ୍ନ ମୌଳିକ ଆୟ ପ୍ରଦାନ କରିବା ସଂପର୍କରେ ଆଲୋଚନା ମଧ୍ୟ କରିଛନ୍ତି।
ସେ କହିଛନ୍ତି କି ୨୦୧୯ ଲୋକସଭା ନିର୍ବାଚନ ପରେ ବିହାରରେ ଏବଂ ପୂରା ଦେଶରେ କଂଗ୍ରେସ ଗଠିତ ମେଣ୍ଟ କରିଥିବା ଦଳ ସରକାର ଗଠନ କରିବ। ଆପଣଙ୍କ ସୂଚନା ସକାଶେ ଜଣାଇ ଦେଉଛୁ ଯେ, ବିଗତ ୩୦ ବର୍ଷ ଭିତରେ କଂଗ୍ରେସ ପ୍ରଥମ ଥର ପାଇଁ ଗାନ୍ଧୀ ମୈଦାନରେ ଏକ ଜନସଭା ଆୟୋଜନ କରିଛି। ଦଳ ପକ୍ଷରୁ ହେଉଥିବା ଏହି ରାଲିରେ ଅନ୍ୟାନ୍ୟ ଗଠବନ୍ଧନ ଦଳଗୁଡ଼ିକୁ ବି ନିମନ୍ତ୍ରଣ ପଠାଯାଇଥିଲା।
Follow Us