ପରୀକ୍ଷା କେନ୍ଦ୍ରରେ ବାପା ଛାଡ଼ିକି ଗଲା ପରେ ଛୁ ମାରିଲା ଝିଅ; ମନ୍ଦିରରେ ଆଗରୁ ଅପେକ୍ଷା କରିଥିଲା ପ୍ରେମିକ

ହମିରପୁର: ଉତ୍ତରପ୍ରଦେଶର ହମିରପୁର ଜିଲ୍ଲାରେ ପ୍ରେମୀଯୁଗଳଙ୍କ ପାଗଳାମୀ ସୀମା ଲଂଘିଛି। ପ୍ରେମ ପାଇଁ ସାମାଜିକ ଆଦର୍ଶର ସମସ୍ତ ସୀମା ଅତିକ୍ରମ କରୁଥିବା ଏକ ପ୍ରେମୀଯୁଗଳଙ୍କୁ ଦେଖିବାକୁ ମିଳିଛି। ଏଠାରେ ଏକ ମାମଲା ସାମ୍ନାକୁ ଆସିଛି ଯାହା ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି।

ଜାଣିବାକୁ ମିଳିଛି ଯେ ଜଣେ ବିଏସସି ଫାଇନାଲ ବର୍ଷ ଛାତ୍ରୀ ତାଙ୍କ ‌ପ୍ରେମିକଙ୍କ ସହ ବିବାହ କରିବାକୁ ପରୀକ୍ଷା ଆରମ୍ଭ ହେବା କିଛି କ୍ଷଣ ପୂର୍ବରୁ ପରୀକ୍ଷା କେନ୍ଦ୍ର ଛାଡ଼ି ମନ୍ଦିରକୁ ଧାଇଁ ଆସିଥିଲେ। ସେଠାରେ ପହଞ୍ଚି ସେ ତାଙ୍କ ପ୍ରେମିକଙ୍କ ସହ ବିବାହ କରିଥିଲେ।

ହମିରପୁର ଜିଲ୍ଲାରୁ ଏହି ମାମଲା ସାମ୍ନାକୁ ଆସିଛି। ଜିଲ୍ଲାରେ ଥିବା ରାଠ୍‌ କସ୍‌ବେ ସହରର ଖ୍ୟାତି ଗତ କିଛି ବର୍ଷ ହେବ ପଡୋଶୀ ଯୁବକ ଆଶିଷଙ୍କୁ ଭଲ ପାଉଥିଲେ। ଏହି ଦୁଇଜଣଙ୍କର ଜାତି ଭିନ୍ନ ଥିବାରୁ ପରିବାର ସଦସ୍ୟ ‌ସେମାନଙ୍କ ସଂପର୍କକୁ ବିରୋଧ କରୁଥିଲେ। ଖ୍ୟାତି ସହରର ଏକ କଲେଜରେ ବିଏସସି ଫାଇନାଲ ବର୍ଷର ଛାତ୍ରୀ ଥିଲେ। ତେବେ ସେ ପରୀକ୍ଷା ଦେବା ବଦଳରେ ଅଚାନକ ଏପରି ନିଷ୍ପତ୍ତି ନେଇଥିବା କଥା ସଭିଙ୍କୁ ଚକିତ କରିଛି।

ଖ୍ୟାତିଙ୍କୁ ପରୀକ୍ଷା ହଲ୍‌ ପର୍ଯ୍ୟନ୍ତ ତାଙ୍କ ବାପା ନେଇକି ଯାଇଥିଲେ। ବାପା ଚାଲିଯିବା ମାତ୍ରେ ସେ ସେଠାରୁ ଫେରିଯାଇ ମନ୍ଦିରରେ ପହଞ୍ଚିଥିଲେ। ପୂର୍ବରୁ ମନ୍ଦିରରେ ତାଙ୍କ ପ୍ରେମିକ ତାଙ୍କୁ ଅପେକ୍ଷା କରି ରହିଥିଲେ ଓ ସେଠାରେ ଦୁହିଁଙ୍କ ବିବାହ ହୋଇଥିଲା। ଦୁହେଁ ସାବାଳକ ଓ ସାବିଳିକା ଥିବାରୁ ପରିବାର ଲୋକ ସେମାନଙ୍କ ବିବାହ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରିପାରିବେ ନାହିଁ।