ପବିତ୍ର ମହାଶିବରାତ୍ରିରେ ସାରା ରାତି ଉଜାଗର ରହିବାର ମହତ୍ତ୍ୱ କ'ଣ ଜାଣନ୍ତୁ...

ପବିତ୍ର ମହାଶିବରାତ୍ରି ହେଉଛି ହିନ୍ଦୁ ଧର୍ମର ଏକ ଶ୍ରେଷ୍ଠ ବା ମହାନ ପର୍ବ। ଏହି ପର୍ବ ଦେବଦେବ ମହାଦେବଙ୍କୁ ସମର୍ପିତ । ମହାଶିବରାତ୍ରିର ପ୍ରକୃତ ଅର୍ଥ 'ଶିବଙ୍କ ମହାନ ରାତ୍ରି'। କୁହାଯାଏ ଯେ, ଯିଏ ଏହିଦିନ ସାରା ରାତି ଜାଗ୍ରତ ରହି ମହାଦେବଙ୍କ ପୂଜା କରେ, ତା'ର ସମସ୍ତ ଦୁଃଖକଷ୍ଟ ଦୂର ହୋଇଯାଏ। 

ମହାଶିବରାତ୍ରି ଦିନ, ଭଗବାନ ଶିବ ମାତା ପାର୍ବତୀଙ୍କ ସହିତ ବିବାହ କରିଥିଲେ। ଏହା ଏକ ଧାର୍ମିକ ବିଶ୍ୱାସ ଯେ, ମହାଶିବରାତ୍ରି ବ୍ରତ ପାଳନ କରିବା ଦ୍ୱାରା ଅବିବାହିତ ଝିଅମାନେ ସେମାନଙ୍କର ଇଛା ଅନୁସାରେ ବର ପାଆନ୍ତି ଏବଂ ବିବାହିତ ମହିଳାମାନେ ଅଖଣ୍ଡ ସୌଭାଗ୍ୟ ପାଆନ୍ତି। 

ଚଳିତବର୍ଷ ପବିତ୍ର ମହାଶିବରାତ୍ରି ପର୍ବ ୨୬ ଫେବ୍ରୁଆରି ୨୦୨୫ରେ ପାଳନ କରାଯିବ। ଏହି ଦିନ ଭକ୍ତି ସହିତ ଭଗବାନ ଶିବଙ୍କୁ ପୂଜା କରିବା ଦ୍ୱାରା ଭକ୍ତଙ୍କ ସମସ୍ତ ଇଚ୍ଛା ପୂରଣ ହୁଏ। ଚଳିତବର୍ଷ ପବିତ୍ର ମହାଶିବରାତ୍ରି ଫାଲଗୁନ କୃଷ୍ଣ ଚତୁର୍ଦ୍ଦଶୀ ତିଥି ୨୬ ଫେବ୍ରୁଆରି ସକାଳ ୧୧.୦୮ରେ ଆରମ୍ଭ ହୋଇ ଫାଲଗୁନ କୃଷ୍ଣ ଚତୁର୍ଦ୍ଦଶୀ ତିଥି ୨୭ ଫେବ୍ରୁଆରି ସକାଳ ୮.୫୪ରେ ଶେଷ ହେବ।

ମହାଶିବରାତ୍ରି ଦିନ, ସକାଳୁ ଶୀଘ୍ର ଉଠି ସ୍ନାନ କରି କେବଳ ଶୁଭ ସମୟରେ ପୂଜା କରନ୍ତୁ। ଏହି ଦିନ ରାତିର ଚାରି ପ୍ରହରରେ ପୂଜା ମଧ୍ୟ କରାଯାଏ। କିନ୍ତୁ ନିଶ୍ଚିତ ମୁହୂର୍ତ୍ତରେ ପୂଜା କରିବା ସବୁଠାରୁ ଶୁଭ ହୋଇଥାଏ। ଗଙ୍ଗା ଜଳ, କଞ୍ଚା କ୍ଷୀର, ଆଖୁ ରସ, ଦହି ଇତ୍ୟାଦିରେ ଶିବଲିଙ୍ଗକୁ ଅଭିଷେକ କରନ୍ତୁ। ତା'ପରେ ଘିଅ ଦୀପ ଜାଳି ରୀତିନୀତି ଅନୁସାରେ ଭଗବାନ ଶିବ ଏବଂ ମାତା ପାର୍ବତୀଙ୍କ ପୂଜା କରନ୍ତୁ।

ଭଗବାନ ଶିବଙ୍କୁ ଚନ୍ଦନ ତିଳକ ଲଗାନ୍ତୁ ଏବଂ ତାଙ୍କୁ ବେଲପତ୍ର, ଭାଙ୍ଗ, ଧାତୁରା, ଫୁଲ, ମିଠା ଇତ୍ୟାଦି ସମସ୍ତ ଜିନିଷ ଅର୍ପଣ କରନ୍ତୁ। ମା ପାର୍ବତୀଙ୍କୁ ମଧ୍ୟ ସିନ୍ଦୁର ଲଗାନ୍ତୁ ଏବଂ ତାଙ୍କୁ ପୂଜା କରନ୍ତୁ। ଏଥିସହ ଦେବୀ ପାର୍ବତୀଙ୍କୁ ବିବାହ ସାମଗ୍ରୀ ଅର୍ପଣ କରନ୍ତୁ ଏବଂ ଭଗବାନ ଶିବଙ୍କ ପ୍ରିୟ ମନ୍ତ୍ରଗୁଡ଼ିକର ଜପ କରନ୍ତୁ।