ଅତି ପାଖରୁ ଡଲଫିନଙ୍କୁ ଦେଖିବାକୁ ଚାଁହୁଛନ୍ତି କି? ତେବେ ଯାଆନ୍ତୁ ଭାରତର ଏହି ସବୁ ସ୍ଥାନ

ଆପଣ ଅନେକ ସମୟରେ ଫଟୋରେ ଡ଼ଲଫିନଙ୍କୁ ଦେଖିଥିବେ | ଏହାସହ ଡ଼ଲଫିନଙ୍କ ଜଳକ୍ରୀଡା ପ୍ରଦର୍ଶନ ଅନେକ ସମୟରେ ସୋସିଆଲ ମିଡିଆରେ ଦେଖିଥିବେ | ତେବେ ଆପଣ ଡ଼ଲଫିନଙ୍କୁ ଅତି ପାଖରୁ ଦେଖିବାକୁ ଚାଁହୁଛନ୍ତି କି? ଯଦି ହଁ, ତେବେ ଆମେ ଆପଣଙ୍କୁ ଏମିତି କିଛି ସ୍ଥାନ ବାବଦରେ କହିବୁ, ଯାହାକି ଭାରତରେ ଅଛି ଓ ଆପଣ ସହଜରେ ଡ଼ଲଫିନଙ୍କୁ ଦେଖିପାରିବେ |

ଚିଲିକା
ଓଡ଼ିଶାର ଚିଲିକାରେ ଆପଣ ଡଲଫିନମାନଙ୍କୁ ଅତି ନିକଟରୁ ଦେଖିବାର ସୁଯୋଗ ପାଇପାରିବେ | ଭାରତ ଏବଂ ବିଦେଶରୁ ପର୍ଯ୍ୟଟକମାନେ ଚିଲିକା ହ୍ରଦକୁ ଡଲଫିନ୍ ଦେଖିବାକୁ ଆସନ୍ତି | ଏହି ସ୍ଥାନକୁ ଡଲଫିନମାନଙ୍କର ଘର ମଧ୍ୟ କୁହାଯାଏ | ଚିଲିକାର ସାତପଡା ଅଞ୍ଚଳ କେବଳ ଡଲଫିନମାନଙ୍କ ପାଇଁ ପ୍ରସିଦ୍ଧ |

ଗୋଆ
ଯେତେବେଳେ ଭ୍ରମଣ କରିବାକୁ ମନକୁ ଆସେ, ସେତେବେଳେ ଗୋଆର ନାମ ପ୍ରଥମେ ଆସେ | ବେଳାଭୂମି, ନାଇଟ୍ କ୍ଲବ୍, ନାଇଟ୍ ଲାଇଫ୍ ଏବଂ ଖାଦ୍ୟ ପାଇଁ ଏହି ସ୍ଥାନ ସର୍ବୋତ୍ତମ ବୋଲି ବିବେଚନା କରାଯାଏ | କିନ୍ତୁ ଆପଣ ଜାଣନ୍ତି କି ଗୋଆକୁ ଯାଇ ଆପଣ ଡଲଫିନମାନଙ୍କୁ ଅତି ନିକଟରୁ ଦେଖିପାରିବେ | ପାଲୋଲେମ ବିଚ, କୋକୋ ବିଚ, କାଭେଲୋସିମ ବିଚ, ସିନକେରିମ ବିଚ, ମୋର୍ଜିମ ବିଚରେ ସମୁଦ୍ରରେ ଆପଣ ଡଲଫିନ୍ ଦେଖିପାରିବେ |

ମହାରାଷ୍ଟ୍ର
ମହାରାଷ୍ଟ୍ରରେ ମଧ୍ୟ କିଛି ସ୍ଥାନ ଅଛି, ଯେଉଁଠାରେ ଆପଣ ଡଲଫିନମାନଙ୍କୁ ଦେଖିପାରିବେ | ମୁମ୍ବାଇଠାରୁ ପ୍ରାୟ ୨୨୭ କିଲୋମିଟର ଦୂରରେ ଦକ୍ଷିଣରେ ଅବସ୍ଥିତ ଡାପୋଲି ଏପରି ଏକ ସ୍ଥାନ, ଯେଉଁଠାରେ ଡଲଫିନଙ୍କୁ ଦେଖିବାକୁ ପାଇପାରିବେ |

ଲକ୍ଷ୍ୟଦ୍ୱୀପ
ଆପଣ ଲକ୍ଷ୍ୟଦ୍ୱୀପରେ ଗଲେ ଡ଼ଲଫିନଙ୍କ ଜଳକ୍ରୀଡା ଉପଭୋଗ କରିପାରିବେ | ଏଠାରେ ଆପଣ ଡଲଫିନଗୁଡିକୁ ଅତି ନିକଟରୁ ଦେଖିବାର ସୁଯୋଗ ପାଇବେ | ଆପଣ ସକାଳେ ଏବଂ ସନ୍ଧ୍ୟାରେ ସମୁଦ୍ରରେ ଡଲଫିନ୍ ଜଳକ୍ରୀଡା କରୁଥିବାର ଦେଖିପାରିବେ | ଲକ୍ଷ୍ୟଦ୍ୱୀପର ଆଗତି ଦ୍ୱୀପ, କଦମତ ଦ୍ୱୀପ ଏବଂ ବଙ୍ଗରାମ ଦ୍ୱୀପରେ ମଧ୍ୟ ଡ଼ଲଫିନଙ୍କୁ ଦେଖିପାରିବେ |