ପ୍ରାପ୍ତ ବୟସ୍କଙ୍କ ନିମନ୍ତେ ଉଦ୍ଦିଷ୍ଟ ସିନେମା ଦେଖି ଧରାପଡ଼ିଥିଲେ ମନୋହର ପାରିକର

ପାଣାଜୀ: ରାଜନୀତିରେ ନିର୍ମଳ ଭାବମୂର୍ତ୍ତି ନିମନ୍ତେ ଖ୍ୟାତ ଗୋଆର ମୁଖ୍ୟମନ୍ତ୍ରୀ ମନୋହର ପାରିକର ନିକଟରେ ସ୍ୱୀକାର କରିଛନ୍ତି ଯେ ସେ ତାଙ୍କ ଯୁବା ବୟସରେ ପ୍ରାପ୍ତବୟସ୍କଙ୍କ ନିମନ୍ତେ ଉଦ୍ଦିଷ୍ଟ ଏକ ଚଳଚ୍ଚିତ୍ର ଦେଖିଥିଲେ।

ରାଜ୍ୟ ରାଜଧାନୀ ପାଣାଜୀରେ ଆୟୋଜିତ ଏକ ଶିଶୁଦିବସ ଅନୁଷ୍ଠାନରେ ସ୍କୁଲ୍‌ ପିଲାମାନଙ୍କ ସହ କଥାବାର୍ତ୍ତା କଲାବେଳେ ପାରିକର ଏ କଥା କହିଛନ୍ତି।

ତରୁଣ ବୟସରେ କେବେ ପ୍ରାପ୍ତବୟସ୍କଙ୍କ ନିମନ୍ତେ ଉଦ୍ଦିଷ୍ଟ ଚଳଚ୍ଚିତ୍ର ଦେଖିଛନ୍ତି କି, ପଚରା ଯିବାରୁ ପୂର୍ବତନ କେନ୍ଦ୍ରମନ୍ତ୍ରୀ ଏ କଥା କହିଛନ୍ତି।
ଆମେ କେବଳ ଚଳଚ୍ଚିତ୍ର ଦେଖୁ ନ ଥିଲୁ, ଆମେ ସେ ଅମଳର ପ୍ରାପ୍ତବୟସ୍କଙ୍କ ନିମନ୍ତେ ଉଦ୍ଦିଷ୍ଟ ଚଳଚ୍ଚିତ୍ର ଦେଖୁଥିଲୁ ବୋଲି ପାରିକର ଜବାବ ଦେଇଥିଲେ।

ସେ ଅମଳର ପ୍ରାପ୍ତବୟସ୍କଙ୍କ ନିମନ୍ତେ ଉଦ୍ଦିଷ୍ଟ ଚଳଚ୍ଚିତ୍ରରେ ଯାହା ଦୃଶ୍ୟାୟିତ ହେଉଥିଲା ତାହା ଠାରୁ ଅଧିକ କିଛି ଏବେ ତୁମେମାନେ ଟେଲିଭିଜନ୍‌ରେ ଦେଖୁଛ ବୋଲି ଗୋଆ ମୁଖ୍ୟମନ୍ତ୍ରୀ କହିଲେ।

ଗୋଟାଏ ଜନପ୍ରିୟ ପ୍ରାପ୍ତବୟସ୍କଙ୍କ ନିମନ୍ତେ ଉଦ୍ଦିଷ୍ଟ ଚଳଚ୍ଚିତ୍ର ଥିଲା। ସେ ସମୟରେ ମୁଁ ମଧ୍ୟ ପ୍ରାପ୍ତ ବୟସ୍କ। ମୁଁ ଏବଂ ମୋ ଭାଇ ତାହା ଦେଖିବାକୁ ଯାଇଥିଲୁ।

Image Courtesy of Zee News

ସେ ଯାହାହେଉ, ଚଳଚ୍ଚିତ୍ରଟି ଦେଖିଲାବେଳେ ଜଣେ ପଡ଼ୋଶୀ ସେମାନଙ୍କୁ ଦେଖି ପକାଇବାରୁ ପାରିକର ଏବଂ ତାଙ୍କ ଭାଇଙ୍କ ବେଳା ଖରାପ ପଡ଼ିଯାଇଥିଲା।

ମଧ୍ୟାନ୍ତରରେ ଆଲୋକ ଜଳି ଉଠିବାବେଳେ ମୋର ମନେହେଲା ଯେ ଆମ ପଡ଼ୋଶୀ ଆମ ପାଖରେ ବସିଛନ୍ତି। ସବୁ ସନ୍ଧ୍ୟାରେ ସେ ପଡ଼ୋଶୀ ଜଣକ ଆମ ମାଆଙ୍କ ସହ ଗପସପ କରନ୍ତି। ମୁଁ ମନକୁ ମନ କହିଲି, ଆମେ ଏଥର ମୁଲୁଁ।

ସିନେମା ଦେଖା ଅଧାରୁ ଛାଡ଼ି ମୁଁ ଓ ଭାଇ ଅବଧୂତ ହଲ୍‌ରୁ ବାହାରି ଦୌଡ଼ିଲୁ। ଘରେ ପହଞ୍ଚି ସଙ୍କଟକୁ ମୁକାବିଲା କରିବାକୁ ଭାଇ ଗୋଟାଏ ଉପାୟ ପାଞ୍ଚିଲା।

ଭାଇ ମାଆଙ୍କୁ କହିଲା ଯେ ଆମେ ସିନେମାଟିଏ ଦେଖିବାକୁ ଯାଇଥିଲୁ, କିନ୍ତୁ ସେଇଟା ଗୋଟାଏ ବାଜେ ସିନେମା ବୋଲି ଜାଣି ନ ଥିଲୁ...। ଆମେ ସିନେମା ଅଧାରୁ ଉଠି ଚାଲି ଆସିଲୁ। ଆମ ପଡ଼ୋଶୀ ମଧ୍ୟ ସେ ସିନେମା ଦେଖୁଥିଲେ ବୋଲି କହି ମୁଁ ଚୁପ୍‌ ରହିଲି।

ମନୋହର ଏବଂ ଅବଧୂତ ବୟସ୍କମାନଙ୍କ ନିମନ୍ତେ ଉଦ୍ଦିଷ୍ଟ ଚଳଚ୍ଚିତ୍ର ଦେଖି ଯାଇଥିଲେ ବୋଲି କହିବା ପାଇଁ ପରଦିନ ପଡ଼ିଶା ଜଣକ ଅତି ଆଗ୍ରହରେ ମୋ ମାଆଙ୍କୁ ଡାକିଲା। ମାଆ ତାଙ୍କୁ କହିଲେ, ମୁଁ ଜାଣେ ସେ କି ସିନେମା ଦେଖି ଯାଇଥିଲେ, କିନ୍ତୁ ତୁ କାହିଁକି ସେ ସିନେମା ଦେଖି ଯାଇଥିଲୁ?

କେତେକ କଥାରେ ଆଗତୁରା ସମ୍ମୁଖୀନ ହେବା ଉଚିତ ବୋଲି ପାରିକର କହିଥିଲେ।