ମଦ୍ୟପଙ୍କୁ ଗୋଡ଼ାଇ ଗୋଡ଼ାଇ ଝାଡୁରେ ପିଟିଲେ ମହିଳା: ଭିଡ଼ିଓ ଭାଇରାଲ

ମୁମ୍ବାଇ: ମଦ୍ୟପଙ୍କୁ ପାନେ ଦେବା ପାଇଁ ମୁମ୍ବାଇର ଏକ ମହିଳା ଗୋଷ୍ଠୀ ରାତିରେ ରାସ୍ତାରେ ନିଆରା କାମ କରିଛନ୍ତି। ସେମାନେ ଗୋଡ଼ାଇ ଗୋଡ଼ାଇ  ମଦ୍ୟପମାନଙ୍କୁ ଝାଡୁରେ ପିଟିଛନ୍ତି। ଏହାର ଭିଡ଼ିଓ ଏବେ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। 

ରାସ୍ତାରେ ମଦ୍ୟପାନ କରୁଥିବା ବ୍ୟକ୍ତିଙ୍କ କ୍ରମାଗତ ବଢୁଥିବା ସଂଖ୍ୟାକୁ ଦୃଷ୍ଟିରେ ରଖି ମହିଳା ଗୋଷ୍ଠୀ ଏହି ନିଷ୍ପତ୍ତି ନେଇଥିଲେ। ମହିଳା ଗୋଷ୍ଠୀର ଝାଡୁ ପାହାରର ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେଉଛି। ଅନେକ ଲୋକ ମହିଳାମାନଙ୍କୁ ପ୍ରଶଂସା କରୁଛନ୍ତି। ମହିଳାମାନଙ୍କ ଝାଡୁ ପାହାର ପରେ ମଦ୍ୟପମାନେ ରାସ୍ତାରୁ ଦୌଡ଼ି ପଳାଉଥିବାର ଭିଡ଼ିଓରେ ଦେଖିବାକୁ ମିଳୁଛି। 

ଇନଷ୍ଟାଗ୍ରାମରେ  ଭିଡ଼ିଓ ଭାଇରାଲ ହେବାରେ ଲାଗିଛି। ଯେଉଁଥିରେ ଏହି ଘଟଣା ବିଷୟରେ ସେୟାର କରାଯାଇଛି ଏବଂ କୁହାଯାଉଛି ଯେ ଏହି ଘଟଣା ମୁମ୍ବାଇର କାଣ୍ଡିଭାଲିର ଲାଲଜୀ ପଡାଠାରେ ଘଟିଛି। ଅସନ୍ତୋଷ ବ୍ୟକ୍ତ କରି ମହିଳାମାନେ ମଦ୍ୟପମାନଙ୍କ ସହ ମୁହାଁମୁହିଁ ହୋଇଥିଲେ ଏବଂ ରାସ୍ତାରେ ଖୋଲାଖୋଲି ଭାବେ ମଦ୍ୟପାନ କରୁଥିବା ଲୋକଙ୍କୁ ମାଡ଼ ମାରିଥିଲେ।

ଅଧିକ ପଢ଼ନ୍ତୁ:ବିଲ୍ଡରଙ୍କୁ ଯୋଗୀଙ୍କ ଛାଟ: ବକେୟା ପୈଠ ନ କଲେ କଠୋର କାର୍ଯ୍ୟାନୁଷ୍ଠା

ଭିଡିଓରେ ଏହା ଦେଖିବାକୁ ମିଳୁଛି ଯେ ଅନେକ ମହିଳା ରାସ୍ତାରେ ଝାଡୁ ଧରି ଠିଆ ହୋଇଛନ୍ତି।  ଅନେକ ମଦ୍ୟପ  ସେମାନଙ୍କ ଚାରିପାଖରେ ମଧ୍ୟ ଠିଆ ହୋଇଥିବା ଦେଖିବାକୁ ମିଳୁଛି। ମହିଳାମାନେ ମଦ୍ୟପାନକାରୀଙ୍କ ଆଡକୁ ଝାଡୁ ଧରି ଯିବାକୁ ଲାଗୁଛନ୍ତି। ମହିଳାମାନଙ୍କୁ ଦେଖି ମଦ୍ୟପାନ କରୁଥିବା ଲୋ‌କେ ଦୌଡ଼ିବା ଆରମ୍ଭ କରୁଛନ୍ତି। ଏହି ଭିଡିଓ ୨୪ ଅଗଷ୍ଟରେ ସେୟାର କରାଯାଇଥିଲା।

ଅଧିକ ପଢ଼ନ୍ତୁ:ଜେଲ୍‌ରେ ଆଇଏସ୍ଆଇଏସ୍ ଆକ୍ରମଣ, ୮ କଏଦୀ ନିହତ

ଲୋକମାନେ ଏହି ପୋଷ୍ଟକୁ ନେଇ ବହୁତ ମଜାଳିଆ ମନ୍ତବ୍ୟ ଦେଉଛନ୍ତି। ଜଣେ ଲେଖିଛନ୍ତି,ଏହି କାରଣରୁ ଆମେ କହୁଛୁ, କେବଳ ମହିଳାମାନେ ଦୁନିଆକୁ ଠିକ କରିପାରିବେ। ଅନ୍ୟଜଣେ ଲେଖିଛନ୍ତି, ଏପରି  ଭୁଲ୍ ମହିଳାମାନେ ଆଉଥରେ କରନ୍ତୁ।  ଜଣେ ଲେଖିଛନ୍ତି ଯେ ଏହି କାରଣରୁ ଲୋକେ କୁହନ୍ତି  ମହିଳାଙ୍କ ହାତରେ ଝାଡୁ ଭଲ ଦେଖାଯାଏ।  ଭିଡିଓ ଦେଖିବା ପରେ ଜଣେ ଲେଖିଛନ୍ତି ଯେ ଏକ ନୂଆ ଭୟ ସୃଷ୍ଟି ହୋଇଛି।

ଅଧିକ ପଢ଼ନ୍ତୁ:ବାଂଲାଦେଶ ପରେ ଏହି ପଡୋଶୀ ମୁସଲମାନ ଦେଶରେ ଗୃହଯୁଦ୍ଧ ସ୍ଥିତି

ଅଧିକ ପଢ଼ନ୍ତୁ:ଅରୁଣାଚଳ ପ୍ରଦେଶରେ ହ୍ରଦ ଦ୍ବାରା ହେବ ଜଳପ୍ରଳୟ!