ଏସିଆ କପ୍‌ ୨୦୨୪: ଏହି ଦିନ ହେବ ଭାରତ-ପାକିସ୍ତାନ ମହା ମୁକାବିଲା

କୋଲକତା: ଇମର୍ଜିଙ୍ଗ୍ ଏସିଆ କପ୍ ୨୦୨୪ ପାଇଁ ଭାରତୀୟ କ୍ରିକେଟ୍ ବୋର୍ଡ ଇଣ୍ଡିଆ ‘ଏ’ ଟିମ୍ ଘୋଷଣା କରିଛି। ଏସିଆ କପ୍ ପାଇଁ ତିଲକ ବର୍ମାଙ୍କୁ ଦଳର ଅଧିନାୟକ ଦାୟିତ୍ବ ଦିଆଯାଇଛି। ତାଙ୍କ ବ୍ୟତୀତ ଅନେକ ଯୁବ ଖେଳାଳିଙ୍କୁ ଦଳରେ ସୁଯୋଗ ଦିଆଯାଇଛି। ଏଥର ଏସୀୟ କ୍ରିକେଟ୍ ପରିଷଦ ଓମାନରେ ଟୁର୍ନାମେଣ୍ଟ ଆୟୋଜନ କରୁଛି। ଅକ୍ଟୋବର ୧୯ରୁ ଭାରତୀୟ ଦଳ ଏହାର ଅଭିଯାନ ଆରମ୍ଭ କରୁଥିବା ବେଳେ ଟୁର୍ଣ୍ଣାମେଣ୍ଟ ୧୮ ଅକ୍ଟୋବରରୁ ଆରମ୍ଭ ହେବ। ଏହି ଟୁର୍ନାମେଣ୍ଟରେ ପୁଣିଥରେ ଭାରତ ଏବଂ ପାକିସ୍ତାନ ମଧ୍ୟରେ ମହା ମୁକାବିଲା ଦେଖିବାକୁ ମିଳିବ।

ଭାରତ ଇମର୍ଜିଙ୍ଗ୍ ଏସିଆ କପ୍ ୨୦୨୪ରେ ପାକିସ୍ତାନ ବିପକ୍ଷରେ ପ୍ରଥମ ମ୍ୟାଚ୍ ୧୯ ଅକ୍ଟୋବରରେ ହେବାକୁ ଯାଉଛି । ଏହା ଓମାନର ମସ୍କାଟର କ୍ରିକେଟ୍ ଏକାଡେମୀ ଗ୍ରାଉଣ୍ଡରେ ଖେଳାଯିବ। ଅକ୍ଟୋବର ୨୧ରେ ଭାରତୀୟ ଦଳ ୟୁଏଇ ବିପକ୍ଷ ଦ୍ୱିତୀୟ ମ୍ୟାଚ୍ ଖେଳିବ। ଲିଗ୍ ପର୍ଯ୍ୟାୟର ଶେଷ ମ୍ୟାଚ୍ ଆୟୋଜକ ଦେଶ ଓମାନ ସହିତ ଖେଳାଯିବ।

ଏହି ସମସ୍ତ ମ୍ୟାଚ୍ ଓମାନ କ୍ରିକେଟ୍ ଏକାଡେମୀରେ ଖେଳାଯିବ। ପ୍ରଥମ ସେମିଫାଇନାଲ ମ୍ୟାଚ୍ ଅକ୍ଟୋବର ୨୫ରେ ଖେଳାଯିବ, ଦ୍ୱିତୀୟ ସେମିଫାଇନାଲ ମ୍ୟାଚ୍ ମଧ୍ୟ ଅକ୍ଟୋବର ୨୫ରେ ଖେଳାଯିବ। ଫାଇନାଲ ମ୍ୟାଚ୍ ୨୭ ଅକ୍ଟୋବର ରବିବାର ଦିନ ଖେଳାଯିବ। ଏହି ଟୁର୍ନାମେଣ୍ଟରେ ଶ୍ରୀଲଙ୍କା, ବାଂଲାଦେଶ ଏବଂ ଆଫଗାନିସ୍ତାନର ଦଳ ମଧ୍ୟ ଅଂଶଗ୍ରହଣ କରୁଛନ୍ତି।

ଇମର୍ଜିଙ୍ଗ୍ ଏସିଆ କପ୍ ୨୦୨୪ ପାଇଁ, ସେହି ଖେଳାଳୀମାନଙ୍କୁ ଏକ ସୁଯୋଗ ଦିଆଯାଇଛି ଯେଉଁମାନେ ଆଇପିଏଲ ୨୦୨୪ରେ ଚମତ୍କାର ପ୍ରଦର୍ଶନ କରିଥିଲେ । ଅଭିଷେକ ଶର୍ମାଙ୍କ ବ୍ୟତୀତ ବୋର୍ଡ ଆୟୁଷ ବାଦୋନି ଏବଂ ପ୍ରଭାସୀମ୍ରନଙ୍କ ଭଳି ଖେଳାଳିଙ୍କୁ ସୁଯୋଗ ଦେଇଛି। ବାଂଲାଦେଶ ବିପକ୍ଷରେ ଖେଳାଯାଇଥିବା  ମ୍ୟାଚ୍ ଟେଷ୍ଟ ସିରିଜରେ ଅଭିଷେକଙ୍କୁ ମଧ୍ୟ ସୁଯୋଗ ଦିଆଯାଇଥିଲା। କିନ୍ତୁ ସେ ଏହି ସିରିଜରେ ବଡ ଇନିଂସ ଖେଳିପାରି ନ ଥିଲେ। ତାଙ୍କ ବ୍ୟତୀତ ଦିଲ୍ଲୀ ପ୍ରିମିୟର ଲିଗ୍‌ରେ ଚମତ୍କାର ପ୍ରଦର୍ଶନ କରିଥିବା ଆୟୁଷ ବାଡୋନି ମଧ୍ୟ ଇଣ୍ଡିଆ ‘ଏ’ ଦଳରେ ସାମିଲ ହୋଇଛନ୍ତି। 

ଭାରତୀୟ ଦଳରେ ତିଲକ ବର୍ମା (ଅଧିନାୟକ), ଅଭିଷେକ ଶର୍ମା, ପ୍ରଭାସୀମ୍ରନ ସିଂ, ଆୟୁଷ ବାଦୋନି, ନିଶାନ୍ତ ସିନ୍ଧୁ, ରାମଣଦୀପ ସିଂ, ଅନୁଜ ରାୱତ, ନେହଲ ୱାଡେରା, ଅନସୁଲ କାମ୍ବୋଜ, ହ୍ରିତିକ ଶୈକିନ, ବୈଭବ ଆରୋରା, ରସିଖ ସଲାମ, ସାଇ କିଶୋର, ରାହୁଲ ଚହର ଏବଂ ଆକିବ ଖାନଙ୍କୁ ସାମିଲ କରାଯାଇଛି।