ଅଲିମ୍ପିକ୍ସ : କ୍ବାର୍ଟର ଫାଇନାଲରେ ଲଢୁଆ ପ୍ରଦର୍ଶନ କରିବା ସତ୍ତ୍ବେ ହାରିଲେ ଦୀପିକା କୁମାରୀ

ପ୍ୟାରିସ୍ : ପ୍ୟାରିସ୍ ଅଲିମ୍ପିକ୍ସରେ ପୁଣି ଥରେ ନିରାଶ ହୋଇଛି ଭାରତ । ତୀରନ୍ଦାଜୀ ଇଭେଣ୍ଟର କ୍ବାର୍ଟର ଫାଇନାଲରେ ଭାରତର ଦୀପିକା କୁମାରୀ ପରାଜିତ ହୋଇ ପଦକ ଦୌଡ଼ରୁ ବାହାରି ଯାଇଛନ୍ତି । ସେ ଦକ୍ଷିଣ କୋରିଆର ସୁ ୟୋ ନେମଙ୍କଠାରୁ ୬-୪ରେ ପରାଜିତ ହୋଇଛନ୍ତି । ଏହି ବିଜୟ ସହ ସୁ ୟୋ ନେମ୍ ସେମିଫାଇନାଲରେ ପ୍ରବେଶ କରିଛନ୍ତି ।

ଏହି କ୍ବାର୍ଟରଫାଇନାଲରେ ଆରମ୍ଭରୁ ଦୀପିକା ଆଗୁଆ ରହିଥିଲେ ମଧ୍ୟ ପରେ ସୁ ୟୋ ନେମ ଜବରଦସ୍ତ ପ୍ରତ୍ୟାବର୍ତ୍ତନ କରି ମ୍ୟାଚକୁ ଜିତିନେଇଥିଲେ । ଦୀପିକା କୁମାରୀ ସେଟ୍ କୁ ସେ ୨୮-୨୬ରେ ଜିତିନେଇଥିଲେ। ଦ୍ବିତୀୟ ସେଟ୍ ରେ କୋରିଆର ଏହି ଖେଳାଳି ପ୍ରତ୍ୟାବର୍ତ୍ତନ କରି ୨୮-୨୫ରେ ବିଜୟୀ ହୋଇଥିଲେ। ସେହିପରି ୩ୟ ସେଟରେ ସୁ ୟୋ ୨୭-୨୯ରେ ବିଜୟୀ ହୋଇଥିଲେ ।

ଏହା ପୂର୍ବରୁ ଦୀପିକା କୁମାରୀଙ୍କୁ ପ୍ରି-କ୍ୱାର୍ଟର ଫାଇନାଲରେ ପଞ୍ଚମ ମାନ୍ୟତାପ୍ରାପ୍ତ କ୍ରୋପେନଙ୍କୁ ପରାସ୍ତ କରିବାରେ ବିଶେଷ ଅସୁବିଧା ହୋଇନଥିଲା। ଦୀପିକା ଚତୁର୍ଥ ଅଲିମ୍ପିକ୍ସ ଖେଳୁଛନ୍ତି। ତଥାପି ସେ ଅଲିମ୍ପିକ୍ସ ପଦକକୁ ଅପେକ୍ଷା କରିଛନ୍ତି। ପ୍ୟାରିସ ଅଲିମ୍ପିକ୍ସରେ ଚମତ୍କାର ପ୍ରଦର୍ଶନ କରି ସେ ଏହାକୁ ସ୍ମରଣୀୟ କରିପାରିବେ।