ଲକଡାଉନ ପାଇଁ ଧୋନି ଆରମ୍ଭ କଲେ ଅନଲାଇନ କ୍ରିକେଟ ଟ୍ରେନିଂ

ନୂଆଦିଲ୍ଲୀ: କୋଭିଡ-୧୯ ମହାମାରୀ ସମଗ୍ର ଦେଶକୁ ଏକପ୍ରକାର ଠପ କରି ରଖିଥିବାବେଳେ ଏମ୍ଏସ୍ ଧୋନି ଖେଳାଳିଙ୍କ ପାଇଁ ଅନଲାଇନ୍ କୋଚିଂ ସୁବିଧା ଆରମ୍ଭ କରୁଛନ୍ତି | ଏମଏସ ଧୋନି କ୍ରିକେଟ୍ ଏକାଡେମୀ ଫେସବୁକରେ ଲାଇଭ୍ କ୍ଲାସ୍ ପ୍ରଦାନ କରୁଥିବାବେଳେ ଏକାଡେମୀର ପୂର୍ବତନ ପ୍ରଥମ ଶ୍ରେଣୀ କ୍ରିକେଟର ତଥା ମୁଖ୍ୟ ପ୍ରଶିକ୍ଷକ ସତ୍ୟଜିତ୍ ଲାହିରି କହିଛନ୍ତି ଯେ ଆମର କ୍ରିକେଟର ନାମକ ଏକ ଆପ୍ ଅଛି ଯେଉଁଠାରେ ଆମେ ନିୟମିତ ଭାବରେ ଡେମୋ ଡ୍ରିଲ୍ ଅପଲୋଡ୍ କରୁ |

ପ୍ରଶିକ୍ଷାର୍ଥୀମାନେ ମଧ୍ୟ ସେମାନଙ୍କର ଭିଡିଓ ଅପଲୋଡ୍ କରନ୍ତି ଯାହାକୁ ଆମେ ଦେଖି ସେହି ଅନୁଯାୟୀ ମତାମତ ଦେଉଛୁ। ଏହି ଭିଡିଓଗୁଡିକରେ ବ୍ୟାଟ୍ସମ୍ୟାନସଙ୍କ ପାଇଁ ଆବଶ୍ୟକତା ହେଉଛି ଯେ ସେମାନେ କିଭଳି ଏକ ଦୃଢ ପ୍ରତିରକ୍ଷା(ଟାଇଟ ଡିଫେନ୍ସ) ଏବଂ ଉତ୍ତମ ହାତ-ଆଖି ସମନ୍ୱୟ ରଖିପାରିବେ | ସେପଟେ ବୋଲରମାନେ ବଲ୍ ରିଲିଜ୍ ନକରି, ସେମାନଙ୍କର ବୋଲିଂ କାର୍ଯ୍ୟର ପୁନରାବୃତ୍ତି ଏବଂ ଲୋଡିଂ ଅପ୍ ସ୍ଥିତିକୁ ନଜରରେ ରଖି ବିଭିନ୍ନ ଡ୍ରିଲ୍ କରିପାରିବେ |

ପୂର୍ବତନ ତାମିଲନାଡୁ ବ୍ୟାଟ୍ସମ୍ୟାନ ଏବଂ ଚେନ୍ନାଇ ସୁପର କିଙ୍ଗ୍ସ ବ୍ୟାଟ୍ସମ୍ୟାନ୍ ବିଦ୍ୟୁତ ସିଭାରାମକ୍ରିଷ୍ଣନ୍ ମଧ୍ୟ ଅନଲାଇନ୍ କୋଚିଂ ପ୍ଲାଟଫର୍ମ ଲୁଡିମୋସର କୋଚ୍ ହୋଇ ପ୍ରଶିକ୍ଷଣ ଦେଉଛନ୍ତି | ସେ କହିଛନ୍ତି ଯେ 'ମୁଁ ଜାଣିବାକୁ ପାଇଲି ଯେ ଛାତ୍ରମାନେ ଅନଲାଇନରେ ଯାହା କୁହାଯାଉଛି ତାହା ବିଷୟରେ ସେମାନେ ଅଧିକ ଅବଗତ ଅଛନ୍ତି।