ଇନିଏସ୍ତାଙ୍କ ଅବସର

ମସ୍କୋ: ମସ୍କୋ ବିଶ୍ୱକପର ପ୍ରି-କ୍ୱାର୍ଟରରୁ ପୂର୍ବ ବିଜେତା ସ୍ପେନ୍‌ ଅପ୍ରତ୍ୟାଶିତ ଭାବେ ବିଦାୟ ନେବା ପରେ ଏହି ଦଳର ଅଭିଜ୍ଞ ଖେଳାଳି ଆନ୍ଦ୍ରେସ୍‌ ଇନିଏସ୍ତା ଅନ୍ତର୍ଜାତୀୟ ଫୁଟବଲର ଅବସର ଘୋଷଣା କରିଛନ୍ତି। ୩୪ ବର୍ଷୀୟ ଇନିଏସ୍ତା ୨୦୧୦ ବିଶ୍ୱକପ୍‌ ଫାଇନାଲରେ ସ୍ପେନ୍‌ ପାଇଁ ବିଜୟ ସୂଚକ ଗୋଲ୍‌ ଦେଇଥିଲେ। ୧୨ ବର୍ଷର ଘଟଣା ବହୁଳ ଅନ୍ତର୍ଜାତୀୟ ଖେଳ ଜୀବନ ଅବସରରେ ସେ ୧୩୩ ମ୍ୟାଚ୍‌ରେ ସ୍ପେନ୍‌ ଜାତୀୟ ଦଳର ପ୍ରତିନିଧିତ୍ୱ କରିଥିଲେ। ସେ ମଧ୍ୟ ୨୦୦୮ ଏବଂ ୨୦୧୨ରେ ୟୁରୋପିଆନ୍‌ ଚାମ୍ପିଅନସିପ୍‌ ଜିତିଥିବା ସ୍ପେନ୍‌ ଦଳର ସଦସ୍ୟ ଥିଲେ। ରୁଷିଆ ବିପକ୍ଷ ରବିବାରର ପ୍ରି-କ୍ୱାର୍ଟର ମୁକାବିଲାରେ ତାଙ୍କୁ ଷ୍ଟାର୍ଟିଂ ଇଲେଭେନରେ ସ୍ଥାନ ମିଳି ନଥିଲା। ହେଲେ ଦ୍ୱିତୀୟାର୍ଧରେ କିଛି ସମୟ ପାଇଁ ପଡ଼ିଆକୁ ଓହ୍ଲାଇଥିଲେ। ସ୍ପେନ୍‌ ପକ୍ଷରୁ ସେ ୧୩ ଗୋଲ୍‌ କରିଛନ୍ତି।