ସୁରକ୍ଷା କର୍ମୀଙ୍କୁ ଚକମା ଦେଇ ପଡ଼ିଆକୁ ପଶିଲା କୋହଲିଙ୍କ ଫ୍ୟାନ... ଭିଡିଓ ଭାଇରାଲ

କୋଲକାତା: ଆଇପିଏଲ୍‌ ୨୦୨୫ ର ପ୍ରଥମ ମ୍ୟାଚ୍ ୨୨ ମାର୍ଚ୍ଚରେ ଇଡେନ୍ ଗାର୍ଡେନରେ ଆର୍‌ସିବି ଓ କେକେଆର୍‌ ମଧ୍ୟରେ ଖେଳାଯାଇଥିଲା, ଯେଉଁଥିରେ ଆର୍‌ସିବି ୭ ୱିକେଟରେ ଜିତିଥିଲା। ଏହି ମ୍ୟାଚ୍‌ରେ ବିରାଟ କୋହଲିଙ୍କ ଅପରାଜିତ ୫୯ ରନ୍‌ର ଇନିଂସ ଆଧାରରେ ଆର୍‌ସିବି ବିଜୟୀ ହୋଇଥିଲା। 

ଇଡେନ୍ ଗାର୍ଡେନରେ ଖେଳାଯାଇଥିବା ଆଇପିଏଲ୍‌ର ଉଦଘାଟନୀ ମ୍ୟାଚରେ ଅନେକ ରେକର୍ଡ ଏବଂ ବିଶେଷ ମୁହୂର୍ତ୍ତ ଦେଖିବାକୁ ମିଳିଥିଲା, ଯେଉଁଥିରୁ ଗୋଟିଏ ଥିଲା ଜଣେ ପ୍ରଶଂସକ କିଙ୍ଗ୍ କୋହଲିଙ୍କୁ ଭେଟିବା ପାଇଁ ପଡ଼ିଆରେ ପ୍ରବେଶ କରିଥିଲେ ଏବଂ ତାଙ୍କ ପାଦ ଛୁଇଁ ଛୁଇଁଥିଲେ । ଏବେ ଏହି ଭିଡିଓଟି ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି।

ଏହି ଘଟଣାଟି ଘଟିଥିଲା ​​ଯେତେବେଳେ କିଙ୍ଗ କୋହଲି ଚୌକା ମାରି ତାଙ୍କର ଅର୍ଦ୍ଧଶତକ ପୂରଣ କରିବା ମାତ୍ରେ ଜଣେ ପ୍ରଶଂସକ ସୁରକ୍ଷା ବଳୟ ଭାଙ୍ଗି ତାଙ୍କୁ ଭେଟିବା ପାଇଁ ପଡ଼ିଆରେ ପ୍ରବେଶ କରିଥିଲେ। ସୁରକ୍ଷା କର୍ମୀଙ୍କୁ ଚକମା ଦେଇ ସେ କୋହଲିଙ୍କୁ ଭେଟିବା ପାଇଁ ସିଧା ପଡିଆରେ ଯାଇ ପହଞ୍ଚିଥିଲେ ଏବଂ ଯାଇ ତାଙ୍କ ପାଦ ତଳେ ପଡ଼ିଯାଇଥିଲେ। ଏହି ସମୟରେ ସେ କୋହଲିଙ୍କୁ ଜୋରରେ ଆଲିଙ୍ଗନ ମଧ୍ୟ କରିଥିଲେ। 

ପ୍ରଶଂସକ ଜଣଙ୍କ କୋହଲିଙ୍କ ପାଦ ତଳେ ପଡ଼ିଯିବା ପରେ ସେ ତାଙ୍କୁ ଉଠାଇ ନେଇଥିଲେ ଏବଂ ପ୍ରଶଂସକ ତାଙ୍କୁ କୁଣ୍ଢେଇ ପକାଇଥିଲେ। ତୁରନ୍ତ ସୁରକ୍ଷାକର୍ମୀ ମାନେ ସେଠାରେ ପହଞ୍ଚି ସେହି ବ୍ୟକ୍ତିଙ୍କୁ କୋହଲିଙ୍କଠାରୁ ଅଲଗା କରିବା ଆରମ୍ଭ କରିଥିଲେ। ଏହି ସମୟରେ ବିରାଟ କୋହଲି ସୁରକ୍ଷାକର୍ମୀଙ୍କୁ ତାଙ୍କ ସହିତ ନମ୍ର ବ୍ୟବହାର କରିବାକୁ କହୁଥିବା ଦେଖାଯାଇଥିଲା। ଏହାର ଭିଡିଓ ଏବେ ସୋସିଆଲ ମିଡିଆରେ ଦ୍ରୁତଗତିରେ ଭାଇରାଲ ହେବାରେ ଲାଗିଛି।