ମାର୍ଚ ୪ରୁ ଫିଫା ଉନ୍ନୟନ କାର୍ଯ୍ୟକ୍ରମ

କଟକ: ଆସନ୍ତା ମାର୍ଚ ୪ ତାରିଖରୁ ବାରବାଟୀ ଷ୍ଟାଡିୟମରେ ଫିଫା ଯୁବ ଉନ୍ନୟନ କାର୍ଯ୍ୟକ୍ରମ ଓ ରିଫ୍ରେସର୍ସ ପାଠ୍ୟକ୍ରମ ଆରମ୍ଭ ହେବ। ସର୍ବଭାରତୀୟ ଫୁଟବଲ୍‌ ମହାସଂଘ (ଏଆଇଏଫ୍‌ଏଫ୍‌) ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଭାରତୀୟ ମହିଳା ଦଳର ୩୫ ଖେଳାଳିଙ୍କ ସହିତ ୩ ପ୍ରଶିକ୍ଷକ ଏବଂ ଭାରତର ବିଭିନ୍ନ ସ୍ଥାନରୁ ଅନ୍ୟ ୨୫ ପ୍ରଶିକ୍ଷକ ସାମିଲ ହେଉଛନ୍ତି। ଫିଫାର ସ୍ୱୀକୃତିପ୍ରାପ୍ତ ପ୍ରଶିକ୍ଷକ ତଥା ଏଏଫ୍‌ସି ବୈଷୟିକ ଅଧିକାରୀ ଅଞ୍ଜା ପଲୁସେଭିକ୍‌ ଏଥିରେ ପ୍ରଶିକ୍ଷଣ ଦେବେ ବୋଲି ଫାଓ ପକ୍ଷରୁ ସୂଚନା ଦିଆଯାଇଛି।