BIRMINGHAM, ENGLAND - AUGUST 01: Virat Kohli celebrates after taking the wicket of England's Joe Root during day one of the Specsavers 1st Test match between England and India at Edgbaston on August 1, 2018 in Birmingham, England. (Photo by Nathan Stirk/Getty Images)
ଲଣ୍ଡନ : କୋଭିଡ୍ ସଂକ୍ରମଣ ଯୋଗୁଁ ଗତ ମାସରେ ସ୍ଥଗିତ ରହିଥିବା ଭାରତ-ଇଂଲଣ୍ଡ ଦ୍ବିପାକ୍ଷିକ ସିରିଜର ୫ମ ଟେଷ୍ଟ ମ୍ୟାଚ ଆସନ୍ତା ବର୍ଷ ଜୁଲାଇ ମାସରେ ହେବ ।
ଇଂଲଣ୍ଡ ଏଣ୍ଡ ଓ୍ବେଲସ କ୍ରିକେଟ ବୋର୍ଡର ଘୋଷଣା ଅନୁସାରେ ଏହି ମ୍ୟାଚଟି ମାଞ୍ଚେଷ୍ଟର ବଦଳରେ ଏଜବାଷ୍ଟନଠାରେ ଖେଳାଯିବ । ଏହି ଟେଷ୍ଟ ମ୍ୟାଚଟି ଜୁଲାଇ ୧, ୨୦୨୨ରୁ ଆରମ୍ଭ ହେବ । ଆସନ୍ତା ବର୍ଷ ଭାରତ ଇଂଲଣ୍ଡ ଗସ୍ତରେ ଯାଇ ଏକଦିବସୀୟ ଓ ଟି-୨୦ ମ୍ୟାଚ ଖେଳିବ । ଏହି ଗସ୍ତକାଳରେ ହିଁ ଟେଷ୍ଟ ମ୍ୟାଚଟି ଖେଳାଯିବ । ବିସିସିଆଇ ଓ ଇଂଲଣ୍ଡ ଏଣ୍ଡ ଓ୍ବେଲସ କ୍ରିକେଟ ବୋର୍ଡ ମଧ୍ୟରେ ହୋଇଥିବା ସହମତି ଅନୁସାରେ ଏହି କାର୍ଯ୍ୟସୂଚୀ ଚୂଡ଼ାନ୍ତ ହୋଇଛି ।
ଭାରତ-ଇଂଲଣ୍ଡ ୫ ଟିକିଆ ଟେଷ୍ଟ ସିରିଜରେ ଭାରତ ୨-୧ରେ ଆଗୁଆ ରହିଛି । ୫ମ ଟେଷ୍ଟଟି ଫଳାଫଳ ନିର୍ଦ୍ଧାରଣ କରିବ ଯେ ଭାରତ ସିରିଜ ବିଜୟୀ ହେବ ନା ୨-୨ରେ ଡ୍ର ରହିବ । ଭାରତ ୫ମ ଟେଷ୍ଟକୁ ଜିତିଲେ ବା ଡ୍ର କଲେ ସିରିଜ ବିଜୟୀ ହେବ । ଅନ୍ୟପକ୍ଷରେ ସିରିଜ ଡ୍ର କରିବାକୁ ଇଂଲଣ୍ଡକୁ ଏହି ଟେଷ୍ଟକୁ ଜିତିବାକୁ ପଡ଼ିବ ।
ଇଂଲଣ୍ଡ ଏଣ୍ଡ ଓ୍ବେଲସ କ୍ରିକେଟ ବୋର୍ଡ ଦ୍ବାରା ନିଆଯାଇଥିବା ଆଉ ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ଅନୁସାରେ ୫ମ ଟେଷ୍ଟ ପାଇଁ ଦର୍ଶକମାନେ ଖରିଦ କରିଥିବା ଟିକେଟ ଆସନ୍ତା ବର୍ଷ ପାଇଁ ବୈଧ ରହିବ । ଅର୍ଥାତ ଆସନ୍ତା ବର୍ଷ ହେବାକୁ ଥିବା ୫ମ ଟେଷ୍ଟ ପାଇଁ ଦର୍ଶକମାନଙ୍କୁ ଆଉ ଥରେ ଟିକେଟ କିଣିବାକୁ ପଡ଼ିବ ନାହିଁ ।
Follow Us