ଭାରତ ୨-୦ରେ ସିରିଜ୍ ଜିତିଲା: ଡବ୍ଲୁଟିସି ଫାଇନାଲରେ ପହଞ୍ଚିବା ନିଶ୍ଚିତ

କାନପୁର: ରୋହିତ ଶର୍ମାଙ୍କ ନେତୃତ୍ୱରେ ଭାରତୀୟ ଦଳ କାନପୁରରେ ୭ ୱିକେଟ୍‌ରେ ବାଂଲାଦେଶକୁ ପରାସ୍ତ କରି ଟେଷ୍ଟ ସିରିଜକୁ ୨-୦ରେ କବଜା କରିଛି। ବାଂଲାଦେଶ ଟିମ୍ ଇଣ୍ଡିଆକୁ  ୯୫ରନ୍‌ର ଟାର୍ଗେଟ ଦେଇଥିଲା।   ତେବେ ଭାରତୀୟ ଦଳ ତିନି ୱିକେଟ୍ ହରାଇ ଲକ୍ଷ୍ୟ ହାସଲ କରିଥିଲା।

ମ୍ୟାଚର ଦ୍ୱିତୀୟ ଏବଂ ତୃତୀୟ ଦିନରେ ଲଗାତାର ଦୁଇ ଦିନ ବର୍ଷା ହୋଇଥିଲା।  ବର୍ଷା ହେବ ବୋଲି କେହି ଆଶା କରି ନ ଥିଲେ, କିନ୍ତୁ ରୋହିତଙ୍କ ନେତୃତ୍ବରେ ଟିମ୍ ଇଣ୍ଡିଆ ବିଜୟ ହାସଲ କରିଥିଲା। 

ଏହି ବିଜୟ ସହିତ ଟିମ୍ ଇଣ୍ଡିଆ ଆଇସିସି ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ପଏଣ୍ଟ ଟେବୁଲରେ ଏକ ନୂତନ ଶିଖରକୁ ଛୁଇଁଛି। ଅନ୍ୟପକ୍ଷରେ ବାଂଲାଦେଶ ଦଳ ବହୁ କ୍ଷତି ସହିଛି।

ଇଂଲଣ୍ଡ ଦଳ ବିଶ୍ୱ ଟେଷ୍ଟ ଚାମ୍ପିୟନଶିପ୍‌ର ପଏଣ୍ଟ ଟେବୁଲରେ ଚତୁର୍ଥ ସ୍ଥାନରେ ରହିଛି।  ଦଳୀ ପିସିଟି ବିଜୟ ହାର ୪୨.୧୯  ରହିଛି। ଏହି ତାଲିକାରେ ଦକ୍ଷିଣ ଆଫ୍ରିକା ଦଳ ପଞ୍ଚମ ସ୍ଥାନରେ ଥିବାବେଳେ ଏହା ପିସିଟି ୩୮.୮୯ ରହିଛି।   ନ୍ୟୁଜିଲ୍ୟାଣ୍ଡର ଦଳ ୩୭.୫୦ ପିସିଟି  ସହିତ ଷଷ୍ଠ ସ୍ଥାନରେ ରହିଛି। ଡବ୍ଲୁଟିସି  ଫାଇନାଲ ପାଇଁ ପାକିସ୍ତାନ ଏବଂ ୱେଷ୍ଟଇଣ୍ଡିଜ୍‌ର ସମ୍ଭାବନା ପ୍ରାୟ ଶେଷ ହୋଇଛି। ସେମାନଙ୍କର ପିସିଟି  ଯଥାକ୍ରମେ ୧୯.୦୫ ଏବଂ ୧୮.୫୨ ରହିଛି।