ଖେଲୋ ଇଣ୍ଡିଆ ପାରା କ୍ରୀଡ଼ା: ଆନ୍ଥେମ, ମାସ୍କଟ, ଲୋଗୋ ଉନ୍ମୋଚିତ

ନୂଆଦିଲ୍ଲୀ: ଚଳିତ ମାସ ୨୦ରୁ ୨୭ ତାରିଖ ପର୍ଯ୍ୟନ୍ତ ନୂଆଦିଲ୍ଲୀରେ ଆୟୋଜିତ ହେବାକୁଥିବା ଖେଲୋ ଇଣ୍ଡିଆ ପାରା କ୍ରୀଡ଼ା ଲାଗି ଆନ୍ଥେମ, ମା‌ସ୍କଟ ଓ ଲୋଗୋ ମଙ୍ଗଳବାର ଉନ୍ମୋଚିତ ହୋଇଛି। ସ୍ଥାନୀୟ ଜବାହରଲାଲ୍‌ ନେହରୁ ଷ୍ଟାଡିୟମ୍‌ କମ୍ପ୍ଲେକ୍ସଠାରେ ଆୟୋଜିତ ଏହି ଉତ୍ସବରେ ଅତିଥି ଭାବେ କ୍ରୀଡ଼ାମନ୍ତ୍ରୀ ମନସୁଖ ମାଣ୍ଡଭୀୟ ଯୋଗ ଦେଇ ଏହାକୁ ଉନ୍ମୋଚନ କରିଥିଲେ। ଏହି ଉତ୍ସବରେ କେନ୍ଦ୍ର ରାଜ୍ୟ କ୍ରୀଡ଼ାମନ୍ତ୍ରୀ ରକ୍ଷା ନିଖିଲ ଖଡ୍‌ସେ, ଭାରତୀୟ ପାରାଲିମ୍ପିକ୍‌ କମିଟି ସଭାପତି ଦେବେନ୍ଦ୍ର ଝଝରିଆ, ଏସ୍‌ଭାୟାମ ପ୍ରତିଷ୍ଠାତା ଅଧ୍ୟକ୍ଷ ସ୍ମିନୁ ଜିନ୍ଦଲ ପ୍ରମୁଖ ଉପସ୍ଥିତ ଥିଲେ। ମାସ୍କଟର ନାଁ ଉଜ୍ବଲା ରହିଛି। ସେହିଭଳି ‘ଖେଲେଗା ଖେଲେଗା ମେରା ଇଣ୍ଡିଆ, ଜିତେଗା ଜିତେଗା ମେରା ଇଣ୍ଡିଆ’ ଆନ୍ଥେମ ରହିଛି। ସୂଚନାଯୋଗ୍ୟ ଯେ ଏହି ପ୍ରତିଯୋଗିତାରେ ଓଡ଼ିଶାରୁ ୨୪ ଜଣ ଭାଗନେବେ।