ଖୋଲାଖୋଲି ଭାବେ ଏକେ-୪୭ ରାଇଫଲ ଧରିଥିବା ଫୁଟବଲ ଖେଳାଳିଙ୍କ ଭିଡିଓ ଭାଇରାଲ

ନୂଆଦିଲ୍ଲୀ: ମଣିପୁରର କଙ୍ଗପୋକପି ଜିଲ୍ଲାରେ ଏକ ଫୁଟବଲ୍ ମ୍ୟାଚ୍ ସମୟରେ ଖେଳାଳିମାନେ ଖୋଲାଖୋଲି ଭାବେ ଅସ୍ତ୍ରଶସ୍ତ୍ର ପ୍ରଦର୍ଶନ କରୁଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା। 

ଏହି ଭିଡିଓରେ ଫୁଟବଲ୍ ଜର୍ସି ପିନ୍ଧିଥିବା ଅନେକ ଖେଳାଳି ଏକେ-୪୭ ଏବଂ ଏମ ସିରିଜ୍ ରାଇଫଲ୍ ଭଳି ସ୍ୱୟଂଚାଳିତ ଆସଲ୍ଟ ରାଇଫଲ୍ ସହିତ ଫୁଟବଲ୍ ଖେଳୁଥିବାର ଦେଖିବାକୁ ମିଳୁଛି। ଏହି ଘଟଣାଟି ଜାନୁଆରି ୨୦ ତାରିଖରେ ଘଟିଥିବା କୁହାଯାଉଛି। 

ଭିଡିଓରେ ଦେଖାଯାଉଥିବା ପୋଷ୍ଟରରେ ଦେଖାଯାଉଛି ଯେ ମ୍ୟାଚ ଜାନୁଆରି ୨୦ ତାରିଖରେ (ଏଲ) ନୋହଜାଙ୍ଗ କିପଜେନ୍ ମେମୋରିଆଲ୍ ପ୍ଲେଗ୍ରାଉଣ୍ଡ, କେ ଗାମନୋମ୍ଫାଇରେ ଆୟୋଜିତ ହୋଇଥିଲା। 

ଭାଇରାଲ୍ ଭିଡିଓଟି ପ୍ରଥମେ ନାମ୍ପି ରୋମିଓ ହନସୋଙ୍ଗ ନାମକ ଜଣେ ସୋସିଆଲ ମିଡିଆ 
ବ୍ୟବହାରକାରୀଙ୍କ ଦ୍ୱାରା ଇନଷ୍ଟାଗ୍ରାମରେ ପୋଷ୍ଟ କରାଯାଇଥିଲା। ପରେ ହନସୋଙ୍ଗ ଭିଡିଓଟିକୁ ଡିଲିଟ୍ କରିଦେଇ ଆଉ ଏକ ଛୋଟ ଭିଡିଓ ପୋଷ୍ଟ କରିଥିଲେ, ଯେଉଁଥିରେ ସଶସ୍ତ୍ର ବ୍ୟକ୍ତିମାନେ [ଆଉ ଦେଖାଯାଇ ନଥିଲେ। 

ମଇତେଇ ହେରିଟେଜ୍ ସୋସାଇଟି ନାମକ ଏକ ନାଗରିକ ସଙ୍ଗଠନ ଏକ୍ସରେ ଏକ ପୋଷ୍ଟ ସେୟାର କରି ଦାବି କରିଛି ଯେ କର୍ତ୍ତୃପକ୍ଷ ଅସ୍ତ୍ରଶସ୍ତ୍ରର ଏହି ଖୋଲା ପ୍ରଦର୍ଶନର ତଦନ୍ତ କରନ୍ତୁ। ମଣିପୁରରେ ଏକ ଫୁଟବଲ୍ ଟୁର୍ଣ୍ଣାମେଣ୍ଟର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି। ଏଦୃଶ୍ୟ ଦେଖି ସବୁଠାରୁ ବିବ୍ରତକର କଥା ହେଉଛି ତଥାକଥିତ ଫୁଟବଲ୍ ଖେଳାଳିମାନଙ୍କ ଦ୍ୱାରା ଅତ୍ୟାଧୁନିକ ଅସ୍ତ୍ରଶସ୍ତ୍ରର ଖୋଲା ପ୍ରଦର୍ଶନ କରାଗଲା ଭଳି ଅନୁଭବ ହେଉଛି।