ଧୋନିଙ୍କ ସ୍ବପ୍ନର ଦଳରେ ରହିଛନ୍ତି ଏହି ତିନିଜଣ ଖେଳାଳି

ନୂଆଦିଲ୍ଲୀ: ୨୦୦୪ ମସିହାରେ ଅନ୍ତର୍ଜାତୀୟ କ୍ରିକେଟରେ ଡେବ୍ୟୁ କରିଥିବା ଏମଏସ ଧୋନି ତାଙ୍କ କ୍ୟାରିୟରରେ ବହୁତ ସଫଳତା ହାସଲ କରିଛନ୍ତି। 

ସେ ସଚିନ ତେନ୍ଦୁଲକର, ବୀରେନ୍ଦ୍ର ସେହୱାଗ, ସୌରଭ ଗାଙ୍ଗୁଲି ଭଳି ଅନେକ ବଡ଼ବଡ଼ ଖେଳାଳିଙ୍କ ସହ ଖେଳିବା ସହିତ ଭାରତୀୟ ଦଳର ଅଧିନାୟକ ହୋଇ ଖେଳାଳିମାନଙ୍କର ନେତୃତ୍ୱ ମଧ୍ୟ ନେଇଥିଲେ। 

ଧୋନିଙ୍କ କ୍ୟାରିଅର ପ୍ରାୟ ୧୬ ବର୍ଷ ଧରି ଚାଲିଥିଲା।  ବରିଷ୍ଠ ଖେଳାଳିମାନଙ୍କ ସହ ଖେଳିବା ପରେ ସେ ଏକ ଯୁବ ବ୍ରିଗେଡ୍ ମଧ୍ୟ ପ୍ରସ୍ତୁତ କରିଥିଲେ। ଯେଉଁଥିରେ ବିରାଟ କୋହଲି ଏବଂ ରୋହିତ ଶର୍ମାଙ୍କ ଭଳି ଖେଳାଳି ରହିଥିଲେ। କିନ୍ତୁ ଧୋନି କେବେବି ତାଙ୍କର ସ୍ୱପ୍ନର ଦଳ ଚୟନ କରି ନଥିଲେ।

ଧୋନି ରାଜ ଶାମାନିଙ୍କ ସହିତ ପଡକାଷ୍ଟରେ କହିଛନ୍ତି "ହଁ, ମୁଁ ମୋର ଭାରତୀୟ ଖେଳାଳିମାନଙ୍କ ସହିତ ଲାଗି ରହିବି। ବୀରୁ ପା (ବୀରେନ୍ଦ୍ର ସେହୱାଗ) ଇନିଂସର ଆରମ୍ଭ କରିନ୍ତି। ବୀରୁ ପା, ସଚିନ, ଦାଦା (ସୌରଭ ଗାଙ୍ଗୁଲିଙ୍କୁ ଯେତେବେଳେ ଆପଣମାନେ ଖେଳୁଥିବାର ଦେଖିବେ ଆପଣ ଅନୁଭବ କରିବେ ଯେ ସେମାନଙ୍କଠାରୁ ଭଲ ଆଉ କେହି ନାହାନ୍ତି। କିନ୍ତୁ କ୍ରିକେଟ୍ ହେଉଛି ଉତ୍ଥାନ-ପତନର ଖେଳ। ତେଣୁ ବାଛିବା ବହୁତ କଷ୍ଟକର ହୋଇଯାଏ କିନ୍ତୁ ବଡ଼ ହେବା ପରେ, ଆମେ ସମସ୍ତେ ଏହି ଖେଳାଳିମାନଙ୍କୁ ଭଲ ପ୍ରଦର୍ଶନ କରୁଥିବା ଦେଖିଛୁ।