ଜାତୀୟ ଦୌଡ଼କୁଦ: ମିଟ୍‌ ରେକର୍ଡ ସହ ଓଡ଼ିଶାକୁ ରିଲେ ସ୍ବର୍ଣ୍ଣ

ଭୁବନେଶ୍ବର: ଚେନ୍ନାଇରେ ଚାଲିଥିବା ୬୪ତମ ଜାତୀୟ ଅନ୍ତଃରାଜ୍ୟ ବରିଷ୍ଠ ଦୌଡ଼କୁଦ ପ୍ରତି‌ଯୋଗିତାରେ ଓଡ଼ିଶାକୁ ଶୁକ୍ରବାର ରିଲେରେ ସ୍ବର୍ଣ୍ଣିମ ସଫଳତା ମିଳିଛି। ସରୁନ ପାୟାସିଂହ, ଅନିମେଷ କୁଜୁର, ଲାଲୁ ପ୍ରସାଦ ଭୋଇ, ଅମିୟ ମଲ୍ଲିକଙ୍କୁ ନେଇ ଗଠିତ ଓଡ଼ିଶାର ୪ ଗୁଣା ୧୦୦ ମିଟର ପୁରୁଷ ରିଲେ ଦଳ ୩୯.୫୨ ସେକେଣ୍ଡ୍‌ର ନୂଆ ମିଟ୍ ରେକର୍ଡ ସହ ସ୍ବର୍ଣ୍ଣ ପଦକ ଜିତିଛନ୍ତି। ପୂର୍ବରୁ ଏହି ରେକର୍ଡ ତାମିଲନାଡୁ (୩୯.୮୮ ସେକେଣ୍ଡ୍‌) ନାମରେ ୨୦୨୨ରୁ ଥିଲା।