ବିଶ୍ୱକପ୍‌ ମ୍ୟାଚ୍‌ରେ ଓପନିଂ କରିବାରେ ରାହୁଲ ହେଉଛନ୍ତି ବିକଳ୍ପ: ଗାଙ୍ଗୁଲି

ନୂଆଦିଲ୍ଲୀ: ଭାରତର ପୂର୍ବତନ କ୍ରିକେଟ ଅଧିନାୟକ ସୌରଭ ଗାଙ୍ଗୁଲି ମଙ୍ଗଳବାର କହିଛନ୍ତି, ବିଶ୍ୱକପ୍‌ରେ ଲୋକେଶ ରାହୁଲ ଜଣେ ବିକଳ୍ପ କିନ୍ତୁ ଶିଖର ଧାଓ୍ଵନଙ୍କୁ ରୋହିତ ଶର୍ମାଙ୍କ ସହିତ ଇନିଂସ ଆରମ୍ଭ କରିବାର ଦରକାର ଅଛି। ଶିଖର ନିକଟରେ ଅଷ୍ଟ୍ରେଲିଆ ବିପକ୍ଷରେ ଖେଳାଯାଇଥିବା ୩ ଦିନିକିଆ ମ୍ୟାଚ୍‌ ଦିନିକିଆ ଶୃଙ୍ଖଳା ସାମାନ୍ୟ ଆଉଟ୍‌ ଫର୍ମରେ ନଥିଲେ। ମାତ୍ର ଶୃଙ୍ଖଳାରେ ସେ ଗୋଟିଏ ଶତକ ମଧ୍ୟ ହାସଲ କରିଥିଲେ। ସେ ୫ଟି ମ୍ୟାଚରୁ ୧୭୭ ରନ୍‌ ସଂଗ୍ରହ କରିଥିଲେ।

ଶିଖର ଧାଓ୍ଵାନଙ୍କ ଫର୍ମକୁ ଦେଖି ବିଶ୍ୱକପ୍‌ରେ ରାହୁଲଙ୍କ ଦ୍ୱାରା ଇନିଂସ ଆରମ୍ଭ କରିବା ନେଇ ଏବେ ଆଲୋଚନା ଜୋରଦାର ଧରିଛି। ମାତ୍ର ପୂର୍ବତନ ଅଧିନାୟକ ଗାଙ୍ଗୁଲି ଏହି ଆଲୋଚନାକୁ ବିରାମ ଲଗାଇ ଦେଇଛନ୍ତି।

ବିଶ୍ୱକପ୍‌ରେ ଶିଖର ଧାଓ୍ଵନଙ୍କ ସ୍ଥାନରେ ରାହୁଲଙ୍କୁ ଇନିଂସ ଆରମ୍ଭ କରିବା ଲାଗି ରୋହିତଙ୍କୁ ସାଥୀରେ ପଠାଯାଇ ପାରିବ ବୋଲି ପଚରାଯିବାରୁ, ଗାଙ୍ଗୁଲି କହିଛନ୍ତି, ରାହୁଲ ୩ ଫର୍ମାଟରେ ଜଣେ ଭଲ ଖେଳାଳି କିନ୍ତୁ ଶୀର୍ଷ କ୍ରମର ଖେଳାଳି ରୋହିତ, ଶିଖର ଏବଂ ବିରାଟ ଭଳି ବିଶ୍ୱର ଅନ୍ୟ ଟିମ୍‌ରେ ନାହିଁ।

ଆପଣ ଯଦି ଅଷ୍ଟ୍ରେଲିଆକୁ ଦେଖିବେ, ଉସ୍‌ମାନ୍‌ ଖାଓ୍ଵାଜା ଟିମ୍‌ ପାଇଁ ଜଣେ ଭଲ ବ୍ୟାଟସ୍‌ମ୍ୟାନ୍‌। ମାତ୍ର ଯଦି ଆପଣ ଉପର କ୍ରମର ୩ ଜଣ ବ୍ୟାଟସ୍‌ମ୍ୟାନ୍‌ ଦେଖିବେ ଏଭଳି ଭାରତ ଭଳି ବ୍ୟାଟସ୍‌ମ୍ୟାନ୍‌ ନାହାନ୍ତି ବୋଲି ଗାଙ୍ଗୁଲି କହିଛନ୍ତି।