ଶନିବାର ଭାରତ-ପାକିସ୍ତାନ ହାଇ ଭୋଲଟେଜ ମ୍ୟାଚ, କେବେ କେଉଁଠି ଲାଇଭ ଦେଖିବେ

ବେଜିଂ: ଯେତେବେଳେ ବି ଭାରତ ଏବଂ ପାକିସ୍ତାନ କ୍ରୀଡ଼ା କ୍ଷେତ୍ରରେ ମୁହାଁମୁହିଁ ହୁଅନ୍ତି, ଏହି ମ୍ୟାଚ ଉପରେ ସମଗ୍ର ବିଶ୍ୱର ଆଖି ଥାଏ। ଭାରତ-ପାକିସ୍ତାନ ମ୍ୟାଚ ଦୁନିଆର ସବୁଠୁ ଅଧିକ ଦେଖାଯାଉଥିବା ମ୍ୟାଚ ମଧ୍ୟରୁ ଅନ୍ୟତମ। କାରଣ ଏସବୁ ମ୍ୟାଚରେ ଉତ୍ତେଜନା ଶିଖରରେ ରହିଥାଏ। ଏହି କାରଣରୁ ଉଭୟ ଦେଶର ପ୍ରଶଂସକମାନେ ଉତ୍ସାହର ସହିତ ଏଭଳି ମ୍ୟାଚ ପାଇଁ ଅପେକ୍ଷା କରିଥାନ୍ତି। ପୁଣି ଥରେ ଏହି ସୁଯୋଗ ଆସିଛି ଯେତେବେଳେ ଖେଳ ପଡ଼ିଆରେ ଦୁଇ ଦେଶ ମଧ୍ୟରେ କଡ଼ା ଟକ୍କର ଶନିବାର ଅର୍ଥାତ୍‌‌ ସେପ୍ଟେମ୍ବର ୧୪ରେ ହେବାକୁ ଯାଉଛି।

ଚୀନ୍‌‌ ଏସିଆନ ଚାମ୍ପିଅନ୍ସ ଟ୍ରଫି ୨୦୨୪ ହକି ମ୍ୟାଚ୍‌‌ ଆୟୋଜିତ କରୁଛି। ଯେଉଁଥିରେ ଭାରତ ଏବଂ ପାକିସ୍ତାନ ମଧ୍ୟ ଭାଗ ନେଇଛନ୍ତି। ଏହି ଟୁର୍ନାମେଣ୍ଟ ସେପ୍ଟେମ୍ବର ୮ରୁ ଆରମ୍ଭ ହୋଇଥିଲା ଯେଉଁଥିରେ ମ୍ୟାଚ ରାଉଣ୍ଡ ରୋବିନ ଆଧାରରେ ଖେଳାଯାଉଛି।

ଏବେ ଏହି ଟୁର୍ନାମେଣ୍ଟରେ ଭାରତ ଏବଂ ପାକିସ୍ତାନ ମଧ୍ୟରେ ସଂଘର୍ଷର ପର୍ଯ୍ୟାୟ ଆସିଛି। କ୍ରମାଗତ ୪ ଟି ମ୍ୟାଚ ଜିତି ଭାରତ ସେମିଫାଇନାଲ ଟିକେଟ ସୁରକ୍ଷିତ କରିସାରିଛି। ଏହାର ପ୍ରଥମ ମ୍ୟାଚରେ ଭାରତ ଚାଇନାକୁ ୩-୦ ଏବଂ ପରେ ଜାପାନକୁ ୫-୧ରେ ଗୋଲ ଦେଇ ପରାସ୍ତ କରିଛି। ଏହା ପରେ ମାଲେସିଆ ତୃତୀୟ ମ୍ୟାଚରେ ୮-୧ ଗୋଲରେ ପରାସ୍ତ ହୋଇଥିଲା। ସେହିପରି ଚତୁର୍ଥ ମ୍ୟାଚରେ ଭାରତ ଦକ୍ଷିଣ କୋରିଆକୁ ୩-୧ରେ ପରାସ୍ତ କରିଛି। ଏବେ ଭାରତ ଏହାର ୫ମ ମ୍ୟାେରେ ପାକିସ୍ତାନକୁ ଭେଟିବାକୁ ଯାଉଛି।

ଅନ୍ୟପକ୍ଷରେ ପାକିସ୍ତାନ ଏହାର ୪ ଟି ମ୍ୟାଚ ମଧ୍ୟରୁ ୨ ଟି ଜିତି ସେମିଫାଇନାଲରେ ପ୍ରବେଶ କରିବାରେ ସଫଳ ହୋଇଛି। ବର୍ତ୍ତମାନ ପାକିସ୍ତାନ ରାଉଣ୍ଡ ରୋବିନରେ ଭାରତ ବିପକ୍ଷ ଶେଷ ମ୍ୟାଚ ଖେଳିବ। ଯେଉଁଥିପାଇଁ ଉଭୟ ଦେଶର ପ୍ରଶଂସକ ଦୀର୍ଘ ସମୟ ଧରି ଅପେକ୍ଷା କରିଥିଲେ। ଏସିଆନ ଚାମ୍ପିଅନ୍ସ ଟ୍ରଫି ୨୦୨୪ରେ ଭାରତ ଏବଂ ପାକିସ୍ତାନ ମଧ୍ୟରେ ମ୍ୟାଚ ଚୀନର ହୁଲୁନବୁଇରେ ଖେଳାଯିବ।

ଏହି ହାଇ ଭୋଲଟେଜ ମ୍ୟାଚ ସେପ୍ଟେମ୍ବର ୧୪ ଅପରାହ୍ନ ୧:୧୫ ରୁ ଖେଳାଯିବ। ଏହି ମ୍ୟାଚ ସୋନି ସ୍ପୋର୍ଟସ, ଟେନ ୧ ଏବଂ ଟେନ ୧ ଏଚଡି ଚ୍ୟାନେଲରେ ସିଧା ପ୍ରସାରଣ ହେବ। ପ୍ରଶଂସକମାନେ ମଧ୍ୟ ଏହି ମ୍ୟାଚ ସୋନିଲାଇଭ ଆପ ଏବଂ ୱେବସାଇଟରେ ଲାଇଭ ଦେଖିପାରିବେ।

ଅଧିକ ପଢ଼଼ନ୍ତୁ:ଶିଶୁର ଜୀବନ ରକ୍ଷା ପାଇଁ ରକ୍ତ ଦେଲେ କନଷ୍ଟେବଳ: ସୋସିଆଲ ମିଡ଼ିଆରେ ପ୍ରଶଂସାର ସୁଅ

ଏସୀୟ ଚାମ୍ପିଅନ୍ସ ଟ୍ରଫି ୨୦୨୪ରେ ଭାରତୀୟ ହକି ଦଳ:

 ଗୋଲକିପର: କୃଷ୍ଣ ବାହାଦୂର ପାଠକ, ସୁରଜ କରକେରା

ଡିଫେଣ୍ଡର: ଜରମନପ୍ରୀତ ସିଂ, ଅମିତ ରୋହିଦାସ, ହରମାନପ୍ରୀତ ସିଂ (ଅଧିନାୟକ), ଯୁଗରାଜ ସିଂ, ସଞ୍ଜୟ, ସୁମିତ 

ମିଡଫିଲଡର: ରାଜ କୁମାର ପାଲ, ନୀଲକାନ୍ତ ଶର୍ମା, ବିବେକ ସାଗର ପ୍ରସାଦ (ଉପ-ଅଧିନାୟକ), ମନପ୍ରୀତ ସିଂ, ମହମ୍ମଦ ରାହୁଲ ମୌସିନ

ଫରୱାର୍ଡ: ଅଭିଷେକ, ସୁଖଜିତ, ଅର୍ଜିତ ସିଂ ହୁନ୍ଦଲ, ଉତ୍ତମ ସିଂ, ଗୁରୁଜୋତ ସିଂ

ଅଧିକ ପଢ଼଼ନ୍ତୁ:ସିବିଆଇ ପିଞ୍ଜରାର ଶୁଆ ନ ହେଉ: ସୁପ୍ରିମକୋର୍ଟଙ୍କ କଡ଼ା ଚେତାବନୀ